San Juan 13:23 - Nuevo Testamento Uwotjüja

²³ Ja̧'wa̧nü̧ ja̧'a̧, u̧wo̧juȩtä̧u̧ttü̧ ya̧tȩ Jesú rü̧ȩnä̧ repeä'ijäku, ippeyä jo̧mȩ kuä'ipäji̧'ka̧ pi̧nü̧,

TÄ̧DO Ä̧CUÄ̧ I̧HUȨNȨ

²³ Ya̧tȩ Jesús u̧huo̧juȩtä̧u̧ttu̧ i̧sa̧, Jesús rö̧ȩnä̧ repeäcumä, Jesús ippeyänä pä̧nö̧ cuinödo mesa isodänä.

San Juan 13:23 Referans Kwoze

San Juan 19:26

Ja̧'wa̧nü̧ ja̧'a̧, Jesú-mä̧ ja̧ju̧ru̧ topü ja̧'wa̧ta̧nü̧ u̧wo̧juȩtä̧u̧ttü̧ rü̧ȩnä̧ repeä'ijäkuru'i̧nä̧ topü pä'inü̧: —Isaju, kui̧tti̧mä̧ jua̧u̧ juȩnȩtä̧ kkü̧ ja̧'a̧.

San Juan 21:20

Peduru, kkärächi'ü toomȩnä̧, o'ka'anä̧mä̧ Jesú eseu repeä'ijäku icha'a topinü̧, jua̧u̧tä̧ ji̧na̧'a̧ tu̧kuȩ ttukuomȩttü̧, Jesú ippeyänä̧ pä̧nü̧, Chu̧ru̧wa̧, ¿dí jä̧kua̧'a̧jä̧ttü̧ ukuru iyü i̧kuä̧kua̧mä̧? pä'ü jä'epinü̧mä̧.

San Juan 21:7

Ja̧'wa̧nü̧ ja̧'a̧ Jesú u̧wo̧juȩtä̧u̧ttü̧ rü̧ȩnä̧ repeä'ijäkumä̧, Peduru-rü pä'inü̧: —¡Tu̧ru̧wa̧ ja̧'a̧! Ja̧'wa̧nü̧, Tu̧ru̧wa̧ ja̧'a̧, pä'a ä̧ju̧ku̧, Simón Peduru-mä̧ yotäku, ü̧'ka̧tä̧wä̧ti̧yu̧ 'ka̧tä̧wo̧'ü̧ ajeku tü'ächinü̧ (jui̧'a̧ ü̧jä̧ja̧'a̧).

San Juan 20:2

Ja̧'wa̧nü̧ ja̧'a̧ topo'ü Simón Peduru-rü'i̧nä̧ ja̧'wa̧ta̧nü̧ kka̧ra̧, Jesú u̧wo̧juȩtä̧u̧ttü̧ rü̧ȩnä̧ repeä'ijäkuru'i̧nä̧ 'chä̧wi̧'ü̧ jopächü 'chä̧wi̧'ü̧ pä'inä̧ju̧: —¡Ttu̧ru̧wa̧rü̧mä̧, wa'are idorättümä̧ ȩmi̧pä̧jä̧tü̧ päjätü ja̧'wa̧nü̧ ja̧'a̧ ttütäjomȩmä̧ tieruwünä̧tä̧!

San Juan 11:36

Ja̧'wa̧nü̧ ajuäwiyä̧u̧ judío-mä̧ pä'inä̧tü̧. —¡Topätukui, rü̧ȩnä̧ repeä'ijäku ja̧'a̧!

San Juan 11:5

Jesú-mä̧ Marta-rü'i̧nä̧, kkijäwaju María-rü'i̧nä̧ ja̧'wa̧ta̧nü̧ Rázaru-rü'i̧nä̧ rü̧ȩnä̧ repe'inü̧,

San Juan 11:3

Ja̧'wa̧nü̧ ja̧'a̧ttü̧ kkijäwajuku, Jesú-ru pa̧'a̧nü̧ pä'äjätukuirü pä'ü jittäwäjiyatü pä'ü we'inä̧tü̧: —Chu̧ru̧wa̧, kua̧wa̧ru̧wa̧ repekuä'ijäkumä̧ na̧'ä̧chü̧, pä'ü.

San Juan 21:24

Pide u̧wo̧juȩtä̧u̧ttü̧ ya̧tȩ ji̧na̧'a̧, pi̧yȩ tü'kü ji'äu kkä̧nü̧'i̧nä̧ wȩyu̧ti̧nü̧mä̧ ja̧'wa̧nü̧ ja̧'a̧ttü̧ ujutumä̧ wo̧juä̧tü̧jä̧ jua̧u̧ jiäumä̧ isopäi'ünä̧tä̧ ja̧'a̧ pä'ü.

San Juan 13:25

Ja̧'wa̧nü̧ jȩi̧yä̧ku̧, Jesú a̧mü̧ka tü'kükunä̧nü̧ pä'i'ü, päinä̧ku̧: —Chu̧ru̧wa̧, ¿Jua̧u̧mä̧ díjä̧ttü̧?

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Lucas 16:22

Ja̧'wa̧nü̧ jä̧'i̧ja̧'a̧, usurä i̧sa̧ pä'ijümä̧ 'korupäi'äja'a, á̧gȩrȩ ttȩpi̧nä̧ku̧ Abraha̧ ippeyänä̧ pä̧mä̧dü̧ ukua pä'ü. Ja̧'wa̧ta̧nü̧ ru̧wa̧'i̧nä̧ 'korupäi'äja'a rȩjȩ 'turu ttikuinä̧ku̧.

San Juan 13:24

Ja̧'wa̧nü̧ ü̧'a̧'a̧, Simón Peduru-mä̧, tiderü päaja pä'ü jä'epü ä̧ju̧kui̧ya̧rü̧ pä'ü u̧mü̧nä̧tä̧ jȩi̧nä̧ku̧.