San Juan 12:6 - Nuevo Testamento Uwotjüja

⁶ Ja̧'wa̧nü̧ ja̧'a̧nä̧, Juda pa̧'a̧nü̧ pä'amä̧, isopäi'ünä̧ usurä isotürü ppäda pä'ümä̧ pä'okü pinü̧; ü̧nä̧u̧kuä̧rä̧'i̧ja̧'a̧, pärätä ttenä̧yu 'chu̧'ä̧rü̧ ȩmo̧pä̧rä̧'i̧jü̧'ka̧ pä'inü̧.

TÄ̧DO Ä̧CUÄ̧ I̧HUȨNȨ

⁶ Judas ja̧'hua̧nö̧ päomenä, usurä isotörö amöcuädö pä'ocö pi̧nö̧do. Ja̧u̧mä̧ nä̧u̧cuä̧rö̧ i̧sa̧ pi̧nö̧do. Ja̧u̧mä̧ jahuätö u̧huo̧juȩtä̧u̧ ttöäre pärätä tta̧huä̧ra̧'a̧ttö̧, ttöäre pärätättö nä̧u̧cui̧nö̧do.

San Juan 12:6 Referans Kwoze

San Juan 13:29

Ja̧'wa̧nü̧ ja̧'a̧nä̧ kkorotümä̧, Juda-mä̧ pärätä ȩkä̧yü 'chu̧ä̧ra̧'a̧ ja̧'a̧, pä'käri jäwä ȩma̧ pä'ü päkukü̧ ja̧'wa̧nü̧ jü̧ juiyüttü'i̧nä̧, usurä isotürü ppäda pä'ü päkukü̧ pä'ütä amükuädinä̧tü̧.

Santiago 2:6

Ja̧'wa̧nü̧ ja̧'a̧nä̧ kua̧mü̧nä̧tu̧ku̧mä̧ kukuo teäkuäwokotüjä̧. ¿Jua̧u̧nu̧mä̧ ruwotümä̧kü̧ jä̧'i̧ja̧'a̧ ukuturu iyä'chü ikuä'ijätümä̧, ja̧'wa̧ta̧nü̧ ukuo ruwotü ttä'ka jo̧mȩ do'o'ü ȩpä̧'i̧jä̧tü̧mä̧?

Santiago 2:2

Isopäi'ünä̧ ka̧ka̧ku̧ ku̧'ȩjä̧tu̧kuo̧mȩnä̧ ya̧tȩ pärätä ru̧wa̧ üdo'chenä̧ oro i̧so̧bü̧ rü̧nä̧rü̧, ü̧'ka̧tä̧wä̧ta̧mä̧ adiwäjuei i̧sä̧ta̧ 'ka̧tä̧u̧ ichi'ürümä̧ «Juȩnȩtä̧ adiwomȩ pä̧mä̧di̧ pä'ätüjä̧» ja̧'wa̧ta̧nü̧ usurä i̧sa̧ ü̧'ka̧tä̧wä̧ta̧ täbo i̧sä̧ta̧ 'ka̧tä̧u̧ doächi'ürümä̧ «yȩna̧ja̧ kkä̧wi̧ ja̧'wa̧nü̧ jü̧ juiyüttü'i̧nä̧ rȩjȩtä̧ pä̧wi̧» pä'ätüjä̧;

1 Tesalonicenses 5:22

Surojümä̧ o'kajuiyütä mȩkuä̧tu̧kuä̧.

Gálatas 2:10

Ji̧yȩtȩtä̧ jättepinä̧u̧jä̧, usurä isotürü tamükuäda pä'ütä; Jua̧u̧mä̧, iweye jȩchä̧'i̧jü̧tä̧.

1 Corintios 6:10

nä̧u̧kuä̧rä̧tü̧'i̧nä̧, ruwoku tta̧'kua̧ ro'ekuätü'i̧nä̧, tä̧'ä̧mä̧'chä̧tü̧'i̧nä̧, suronä̧ pä'ä'chätü'i̧nä̧, nä̧u̧kuä̧rä̧tü̧'i̧nä̧ dodettokäkuotü ru̧wa̧ Dio weomȩmä̧.

San Juan 10:13

Ja̧'wa̧nü̧ ja̧'a̧ttü̧ mikuänä̧ aditümä̧, tü'ipächü; pärätätä repe'ü, oweja-tü̧rü̧mä̧ repeoka'attü̧.

San Mateo 21:13

Ja̧'wa̧nü̧ jȩpü̧ päinä̧u̧: —Wȩyu̧kuä̧ wȩnȩmä̧ pä'a: chojusodemä̧, Dio-rü ukuokuäkuäwode pättäkuode. Ja̧'wa̧nü̧ ja̧'a̧nä̧, ukutumä̧ nä̧u̧kuä̧rä̧tü̧ ttojusode päi'ünä̧tä̧ juo'epätüjä̧.

San Lucas 8:3

Ja̧'wa̧ta̧nü̧ Herode iare pärätä tta̧wä̧rä̧kuä̧wä̧ i̧sa̧, Chuza irekua Juana'i̧nä̧ ji̧na̧'a̧; ja̧'wa̧ta̧nü̧ Susana'i̧nä̧; ja̧'wa̧ta̧nü̧ kkorotü nä̧tü̧'i̧nä̧ rekuinä̧tü̧ ttu̧ju̧nä̧rü̧nä̧ Jesú-ru iyü ppä'ädä̧rä̧tü̧mä̧.

San Juan 12:5

—¿Tta̧'a̧nü̧ pä'ü, tresciento-nü̧ mo̧ro̧ aditätürü mitäwome jä̧'i̧jo̧mȩnä̧, mikuä pä'ü iyü ttikuoka'a jä̧ja̧'a̧ttü̧ usurä isotürü ppätäda pä'ümä̧?