Biblia Todo Logo
Bib sou entènèt

- Piblisite -




San Juan 12:48 - Nuevo Testamento Uwotjüja

48 Ttürü kkü'kü jui'ü, chi̧wȩnȩ esetokürü, usurä ȩmä̧u̧nä̧ ro̧ȩpä̧kuȩmä̧ täkü kka̧'a̧: Ji̧yȩtä̧ chi̧wȩnȩ chukuokutä jä̧kua̧'a̧, usurä ttȩmä̧u̧nä̧ ro̧ȩpä̧kuȩmä̧, rüjí mo̧ro̧ päi'omȩnä̧.

Gade chapit la Kopi

TÄ̧DO Ä̧CUÄ̧ I̧HUȨNȨ

48 Ya̧tȩ ttörö'inä ucuotocömä, chi̧huȩnȩ'i̧nä̧ ä̧ju̧cuo̧cö̧mä̧, ja̧u̧ru̧ pä̧cuȩ ku̧nä̧rö̧. Ttötä chi̧huȩnȩ chucuocuinömä ja̧u̧ru̧ päcua'a röji mo̧ro̧ päi'omenä.

Gade chapit la Kopi




San Juan 12:48
36 Referans Kwoze  

«Ukuturu ä̧ju̧kuä̧tü̧mä̧, ttürü'i̧nä̧ ä̧ju̧kuä̧tü̧; ja̧'wa̧ta̧nü̧ ukuturu kkü'kokotümä̧, ttürü'i̧nä̧ kkü'kokotü; ja̧'wa̧ta̧nü̧ ttürü kkü'kokotümä̧, ttürü we'inü̧rü̧'i̧nä̧, kkü'kokotü.»


Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.


Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.


Päkuä, Marta-mä̧ pä'inä̧ju̧: —A̧, wo̧jua̧ju̧sä̧, yodoji mo̧ro̧, 'koru juo'ächinä̧tü̧ ttottächomȩnä̧, tto'ächä̧kua̧ pä'ümä̧.


Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.


Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.


Jä'o ä'ka jo̧mȩttü̧ suronä̧ jȩtä̧'i̧jü̧ jiäwä̧kuä̧u̧jä̧ pä'ümä̧, päkuätukuättü; ya̧tȩ ukutu kua̧'kua̧ ku̧wȩnä̧rä̧'i̧jä̧tu̧kuä̧ku̧ kkü̧, Moisé, ji̧nä̧so pä̧kua̧mä̧.


Jesú-mä̧ päinä̧u̧: —¿Ukutumä̧ yorisotä, pa̧'a̧nü̧ pä'ijomȩmä̧, topokotü pä'ijätüjä̧ tä̧jí̧: Isode adikuä isotü kkü'kü jui'ü do'opü ttikuino'ki ido'kimä̧, ji̧nä̧so jueipo'ki, yo'kitä jü̧nä̧ pärowächina̧'a̧. Pi̧yȩmä̧ Tu̧ru̧wa̧tä̧ jȩi̧nü̧, ja̧'wa̧nü̧ ja̧'a̧ttü̧ teseunä̧ jäwä ja̧'a̧?


Ja̧'wa̧nü̧ ja̧'a̧nä̧, jareü wȩnȩ jitäu wo̧jui̧'o̧ko̧tü̧mä̧, surojüttü kka̧kui̧po̧ko̧tü̧tä̧ ja̧'a̧,


Ja̧'wa̧nü̧ ja̧'a̧nä̧ Jesú juätürü topünü̧ päinä̧u̧: —Ja̧'wa̧nü̧ jü̧ttü̧mä̧ ¿Pi̧yȩ wȩyu̧kuä̧ wȩnȩmä̧ toku pä'ü pä'ajä̧ttü̧? Ido'ki, isode adikuä isotü ttüjü'koko'ki ji̧no̧'kimä̧ pärowächina̧'a̧, ukuo iso'ki jü̧nä̧tä̧.


Ja̧'wa̧nü̧ ja̧'a̧nä̧, ä̧kuo̧mȩnä̧mä̧, jitä mo̧ro̧ ttü̧ja̧ ttüjü'koka'a ja̧'a̧, rü̧ȩnä̧ usurä ȩmä̧wä̧kua̧.


Ja̧'wa̧ta̧nü̧ ya̧tȩ ttü chütü'kü'i̧nä̧, chi̧wȩnȩ'i̧nä̧ udäpekuttümä̧ ja̧'wa̧ta̧nü̧ Ttü ubo I̧tti̧'i̧nä̧ jua̧u̧ ütü'kümä̧ chü̧dä̧pȩkuä̧kua̧, Chä'o ujuruku, uruwoku, á̧gȩrȩ-ku̧ chichomȩnä̧.


Pa̧'a̧nü̧ pä'ünü̧: —Ttü Ubo I̧tti̧ rü̧ȩnä̧ usurä chȩmä̧wa̧ pä'ü rekuä rü̧ja̧'a̧, judío-ttü a̧ci̧a̧nu̧ wotüttü'i̧nä̧, sacerdote wotü tturuwotüttü'i̧nä̧, weäwä wȩnȩ wo̧juȩkuä̧ isotüttü'i̧nä̧, weäwänä̧ usurä ȩmä̧wi̧'i̧pü̧, kuä'ü'i̧nä̧ ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.


Ja̧'wa̧nü̧ ja̧'a̧nä̧ fariseo wotü'i̧nä̧, weäwä wȩnȩ wo̧juȩkuä̧ isotü'i̧nä̧, Dio weina̧'a̧ku̧, Ju̧a̧ bautizo jȩa̧tü̧ pä'ü we'äwokotü pinä̧tü̧.


Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.


¿Wȩyu̧kuä̧ wȩnȩ, topokotü pä'ijätüjä̧? pa̧'a̧nü̧, pä'amä̧: Odewiyä adikuä isotü ttüjü'koko'ki ji̧no̧'kimä̧, ji̧nä̧so ukuo ido'ki jü̧nä̧tä̧ pärowächina̧'a̧, jü̧nä̧.


Ubo I̧tti̧ uruwoku ichomȩnä̧mä̧, umüwäyotü á̧gȩrȩ-ku̧ o'katoi'ünä̧ ichi'ü, uruwo dȩä̧kä̧nä̧ ü̧'ä̧mä̧dä̧kua̧.


Ja̧'wa̧nü̧ ja̧'a̧ttü̧, o'katoi'ünä̧ jua̧u̧ profeta-rü ä̧ju̧kuo̧kü̧mä̧, juätü ttü̧ja̧ttü̧ rä'epü i̧kuä̧wä̧kua̧.


Ja̧'wa̧nü̧ ja̧'a̧ Jesú-mä̧ kkä̧mä̧dü̧ u̧wo̧juȩtä̧u̧rü pä'inü̧: Ttü, Ubo I̧tti̧mä̧ rü̧ȩnä̧ usurä chȩmä̧wä̧kua̧sä̧. Ttürü kkü'kü jui'ü, a̧ci̧a̧nu̧tu̧'i̧nä̧, sacerdote tturuwotü'i̧nä̧, weäwä wȩnȩ wo̧juȩtä̧tü̧'i̧nä̧ kuä'ü ttikunä̧ wȩttä̧kua̧sä̧. Ja̧'wa̧nü̧ ja̧'a̧nä̧ wäbodäkuä mo̧ro̧ päi'omȩnä̧ tto̧dä̧chä̧kua̧sä̧.


Isopäi'ünä̧ pädäu̧jä̧, ü'ojo'ü mo̧ro̧ päi'omȩnä̧mä̧ Sodoma rȩjȩ ttü̧ja̧rü̧ ji̧no̧mȩttü̧'i̧nä̧, Gomorra rȩjȩ ttü̧ja̧rü̧ ji̧no̧mȩttü̧'i̧nä̧ abonä̧nü̧ usurä ttȩmä̧wä̧kuo̧tü̧ juȩnȩ ütawiyä ttü̧ja̧mä̧.


Ja̧'wa̧nü̧ ja̧'a̧ttü̧, ttürü we'inü̧ Chä'orü pä̧wä̧rü̧jü̧mä̧, ttürü iyinäu̧ru̧mä̧ ya̧tȩrü̧'i̧nä̧ tode'ächoka'a, rüjí mo̧ro̧ wa'arettü ttodädiyarü pä'ü.


Dio i̧tti̧mä̧, Dio i̧wȩnȩ ä̧ju̧ku̧; ja̧'wa̧nü̧ ja̧'a̧ttü̧, ukutumä̧ ä̧ju̧kuo̧ko̧tü̧jä̧, Dio i̧tti̧mü̧ kuätukuoka'attü̧.


Ja̧'wa̧nü̧ ja̧'a̧ttü̧ Dio-mä̧ ji̧yȩtȩ mo̧ro̧ amükuädü kku̧ni̧nü̧, ütäbota pä'ü ü'ojo'ä̧kuȩ mo̧ro̧, ya̧tȩ we'ü u̧ju̧ni̧nä̧ku̧nä̧, jua̧u̧nä̧tä̧ o'katoi'ünä̧ tta̧'kua̧ ttu̧wȩnä̧rü̧nä̧ wa'arettü ttoädinä̧ku̧ ja̧'a̧ttü̧.


Isopäi'ünä̧ Dio i̧wȩnȩmä̧, a̧'kua̧rä̧kuä̧wä̧'i̧nä̧, ujuru'i̧nä̧ kkü̧ ja̧'a̧. Kurodä pätekunä̧ so̧ȩkuodättü'i̧nä̧ abonä̧nü̧ 'kuiokuächa'a ja̧'wa̧ta̧nü̧ ttü̧ja̧sa̧ a̧'kua̧rü̧nä̧'i̧nä̧, a̧'kua̧rü̧ i̧sa̧nä̧'i̧nä̧ jakuära̧'a̧ doächi'ünä̧; ja̧'wa̧ta̧nü̧ tta̧mü̧kuädünä̧'i̧nä̧, tta̧mi̧'iso'kinä̧'i̧nä̧ adiu'i̧nä̧, surojü'i̧nä̧ ttu̧wo̧jui̧pü̧nä̧ ja̧'a̧.


Ka̧ka̧kuä̧rü̧ jȩpä̧tu̧kui̧, kkorotü jȩpü̧ weyejuottinü̧'a̧nü̧mä̧ ku̧ka̧ka̧kuä̧rä̧tu̧kuo̧ka̧'a̧mä̧ jȩ'kuä̧'chä̧tu̧kuä̧, ji'äkuäu wo̧juȩtü̧ jȩpä̧tu̧kui̧; Tu̧ru̧wa̧ u̧mo̧ro̧mä̧, täkü tü'kü ja̧'a̧.


Ukutumä̧ Dio-rü kua̧'kua̧ ku̧wȩnä̧rä̧tu̧kuo̧mȩnä̧, ujurunä̧ tta̧wä̧rä̧u̧jä̧ ra̧wä̧pi̧jü̧ttü̧ kki̧'ä̧kuä̧wä̧ jo̧mȩnü̧ jȩpü̧ u̧ju̧ni̧nü̧ra̧'a̧ kui̧'chi̧'ä̧tu̧kua̧ pä'ü, ja̧u̧mä̧ rüjí mo̧ro̧ i̧jȩpä̧kuȩ.


Ä̧kuo̧mȩnä̧mä̧ pi̧yȩ wo̧juä̧tü̧kui̧: rüjí mo̧ro̧mä̧ tta̧mü̧nä̧ jäwä surojü kkü'kekunä̧ o̧ipä̧u̧ ttichäkuotü, ja̧'wa̧ta̧nü̧ juätümä̧ ya̧'a̧wä̧'chü̧


Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.


Swiv nou:

Piblisite


Piblisite