San Juan 12:40 - Nuevo Testamento Uwotjüja

⁴⁰ Tti'äriyä ä̧to̧dü̧ iku. Ja̧'wa̧ta̧nü̧ tta̧mi̧ 'kittädäkuäunä̧ jȩi̧nä̧u̧, Tti'ärenä̧ tottü juiya pä'ü, ja̧'wa̧ta̧nü̧ tta̧mi̧so'kinä̧ ttu̧wo̧jui̧pü̧ juiya pä'ü. Ttü'ärowächomȩnä̧, ttü aditü chiku juiyatü pä'ü.

TÄ̧DO Ä̧CUÄ̧ I̧HUȨNȨ

⁴⁰ Jahuätörö ä̧to̧cä̧chö̧nä̧'i̧nä̧, ttami iso'qui 'quiyönä juoächönä jȩi̧nä̧u̧do Dios, ttö'ärenä'inä tottö juiya pä'ö, ttami iso'quinä'inä ttä̧ju̧cu̧ juiya pä'ö, ja̧'hua̧ta̧nö̧ jahuätörö aditö chicuatö pä'ö ttichö juiya pä'ö.

San Juan 12:40 Referans Kwoze

San Lucas 8:10

Juätürü pä'inü̧: Ukuturumä̧, Dio weü wo̧juä̧wo̧kü̧mä̧ ku̧wo̧juä̧tu̧ku̧nä̧ iyinä̧u̧jä̧; ja̧'wa̧nü̧ ja̧'a̧nä̧ kkorotürümä̧ wȩnȩtä̧rü̧tä̧ ukuokusä, jua'amä̧ topätürümä̧, totta'anä̧'i̧nä̧ tottü juiya pä'ü ja̧'wa̧ta̧nü̧ ttä̧ju̧kua̧'a̧nä̧'i̧nä̧, ttu̧wo̧jui̧pü̧ juiya pä'ü.

San Marcos 4:12

Jua'amä̧ rü̧ȩnä̧ totta'anä̧ tottü juiyäkua'anü̧ ja̧'wa̧ta̧nü̧ rü̧ȩnä̧ ttä̧ju̧kua̧'a̧nä̧ ttu̧wo̧jui̧pü̧ juiyäkua'anü̧, suronä̧ jȩttä̧'i̧jü̧, Dio-rü jȩpü̧ ikunä̧ jättepokomȩnä̧mä̧.»

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

San Juan 9:39

Jua̧u̧nü̧ o'ka'a Jesú-mä̧ pä'inü̧: —Adiu ja̧ pä'ü'i̧nä̧, surojü ja̧ pä'ü'i̧nä̧ jiäu ichinü̧sä̧, ä̧to̧kä̧tü̧mä̧ totta pä'ü ja̧'wa̧ta̧nü̧ topätümä̧, ttä̧to̧kä̧cha̧ pä'ü.

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

Romanos 9:18

Ja̧'wa̧nü̧ ja̧'a̧ttü̧, Dio-mä̧ rȩrü̧jü̧ toäkurumä̧, re kkü̧ ja̧'wa̧ta̧nü̧ a̧mi̧ poekunä̧ esetü juiyünä̧ jȩä̧ku̧ru̧'i̧nä̧, jȩpü̧.

Hechos 28:26

Irae ttü̧ja̧rü̧ 'chä̧nü̧ ji'äwäji: ä̧ju̧ku̧mä̧, kuä̧ju̧kuä̧tu̧kua̧'a̧nä̧ wo̧jui̧'o̧ko̧tü̧jä̧, pä'ü; topümä̧, to'kuätukua'anä̧, uwäwächi'oko̧u̧jä̧, pä'ü.

San Mateo 15:14

Ja̧'a̧tä̧ topätukuitü, jitütä'i̧nä̧ tä̧to̧ka̧'a̧nä̧ kkorotü ä̧to̧kä̧tü̧rü̧ oikuä isotü. Ja̧'wa̧nü̧ ja̧'a̧ttü̧ ya̧tȩ ä̧to̧ka̧ kka̧ra̧rü̧ oipüttümä̧ ta̧ju̧kuäyotü rejunä̧ ma̧ttä̧chä̧kuo̧tü̧.

Hechos 15:3

Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

San Marcos 6:52

Jua'amä̧, trigo o̧si̧ rü̧ä̧dä̧ja̧'a̧'i̧nä̧ ttu̧wo̧jui̧po̧ka̧'a̧ jä̧ja̧'a̧ttü̧ tta̧mü̧kuädümä̧ yo̧ü̧tä̧ ttu̧ju̧nä̧ra̧'a̧ttü̧, wo̧jui̧'o̧ko̧tü̧ pinä̧tü̧.

San Juan 12:39

Ja̧'wa̧ta̧nü̧, Isaía pa̧'a̧nü̧ päinü̧'a̧kuä̧ esetokotü pinä̧tü̧: