San Juan 12:28 - Nuevo Testamento Uwotjüja

²⁸ «Chä'o, kui̧mi̧ ukuo i̧jȩpi̧» Päomȩnä̧ mo̧ro̧jä̧ra̧'a̧ttü̧, rȩmi̧pi̧na̧'a̧: «Täkü chi̧mi̧ ukuomä̧ i̧jȩpä̧'i̧jü̧sä̧ ja̧'wa̧nü̧ ja̧'a̧nä̧ pä'äjita'anü̧ chukuomä̧ chi̧jȩpä̧kua̧sä̧.»

TÄ̧DO Ä̧CUÄ̧ I̧HUȨNȨ

²⁸ Chä'o, ucu cui̧mi̧nä̧ ttesehuäcua'a̧nö̧, —pä'inödo Jesús. Ja̧u̧nu̧ o'ca'a mo̧ro̧jä̧ra̧'a̧ttö̧ ya̧tȩ i̧huȩnȩ ucuocua'a ä̧ju̧cui̧nä̧tö̧do. Ja̧u̧ huȩnȩ päina'ado: —Täcö ttö chi̧mi̧nä̧ ttesehuäcuähua pä'ö jȩpi̧nö̧sä̧. Ja̧'hua̧ta̧nö̧ pä'äji ta'anö ttö chi̧mi̧nä̧ ttesehuäcuähua pä'ö jȩchä̧cua̧sä̧.

San Juan 12:28 Referans Kwoze

San Mateo 26:42

Pä'äji jä̧ji̧ta̧'a̧nü̧, todärenä̧ päi'ünä̧ tü'ipächi'ü Dio-rü pa̧'a̧nü̧ ukuokuinü̧: «Chä'o, pi̧yȩ usurä ȩmä̧kuä̧wä̧nä̧ ttü 'kuädopa päkuttümä̧, ukuru pä̧wä̧rü̧jo̧mȩnä̧tä̧ jȩpi̧.»

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

San Mateo 3:17

Ja̧'wa̧nü̧ päi'omȩnä̧, mo̧ro̧jä̧ra̧'a̧ttü̧ i̧wȩnȩ ji̧yȩtȩ rä̧mi̧pi̧na̧'a̧: «Pidemä̧ chi̧tti̧ rü̧ȩnä̧ rȩni̧'a̧, jua̧u̧ru̧ juiyo eseusä.»

2 Pedro 1:17

Jä'o Dio-mä̧ eseäkuäwä'i̧nä̧ ü̧rü̧ä̧'i̧nä̧ iya'a topinä̧tü̧jä̧, Dio ü̧rü̧ä̧ ukuokumä̧ rä̧mi̧pi̧na̧'a̧: Pide chi̧tti̧rü̧ rü̧ä̧nä̧ eseusä, ttütä pojopü chȩmi̧nä̧ku̧ru̧ jü̧nä̧.

Efesios 3:21

Jua̧u̧ru̧tä̧ teseäkuäwätukua igresia-ttümä̧, Crito Jesú-nä̧tä̧ pi̧jä̧ ttü̧ja̧mä̧ o'katoi'ünä̧, mo̧ro̧ kki̧ä̧mü̧nä̧. Amȩ́.

Efesios 3:10

Jua'amä̧ jȩpi̧nü̧ Dio rü̧ȩnä̧ u̧wo̧juö̧ iäre igresia-nä̧tä̧ i̧jȩkuä̧cha̧ pä'ü, tturuwo kku̧nä̧rä̧tü̧rü̧'i̧nä̧, mo̧ro̧jä̧nä̧ tturuwo kku̧nä̧rä̧tü̧rü̧'i̧nä̧, jü̧nä̧.

Efesios 2:7

Pi̧yȩmä̧ jȩpi̧nü̧, Jesucrito-nä̧ rü̧ȩnä̧ rȩrü̧jü̧ toü yodoji mo̧ro̧ ujuturu i̧jȩpa̧ pä'ü.

San Juan 18:11

Ja̧'wa̧nü̧ jȩi̧yä̧ku̧, Jesú-mä̧ Peduru-rü pä'inü̧: —Kururodämä̧, ȩkä̧jo̧mȩ ȩni̧: Poya reoya chawa pä'ü, Chä'o iya'amä̧ ¿Chau juiyü'anü̧ ja̧'a̧ tä̧jí̧?

San Juan 11:4

Ja̧'wa̧nü̧ jittäwäku, Jesú-mä̧ päinä̧u̧: —Jua̧u̧ na̧wä̧chü̧mä̧ 'korujuoächa pä'ümä̧, na̧'ä̧cho̧kü̧; jua̧u̧nä̧mä̧ pärokuä Dio ujuru ttesewarü pä'ü ja̧'a̧ ja̧'wa̧ta̧nü̧ ji̧yȩnä̧tä̧ Dio I̧tti̧rü̧ ttesewa pä'ü.

San Juan 9:3

Jesú ädätinä̧u̧: —Chutä'i̧nä̧, jä'o'i̧nä̧, ja̧ju̧'i̧nä̧ surojü jȩtti̧na̧'a̧mä̧kü̧ ja̧'a̧; jua'amä̧ pärokuä Dio jȩü̧ jua̧u̧nä̧ i̧jȩkuä̧cha̧ pä'ü ja̧'a̧.

San Lucas 9:35

Ja̧'wa̧nü̧ päi'omȩnä̧, juoppattü ya̧tȩ i̧wȩnȩ rä̧mi̧pi̧na̧'a̧: «Pidemä̧ ttü chi̧tti̧, rü̧ȩnä̧ rȩni̧'a̧; jua̧u̧ru̧ ä̧ju̧kuä̧tu̧kui̧,» jü̧nä̧.

San Lucas 3:22

Epíritu Sa̧tu̧ i̧mȩyȩwi̧'i̧nä̧ku̧ unuku 'kua̧ra̧nä̧; ja̧'wa̧nü̧ päi'a'attü, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: —«Ukumä̧ ttü chi̧tti̧jä̧ rȩni̧'a̧; ukuru rü̧ȩnä̧ eseusä.»

San Marcos 14:36

Ukuokumä̧ pä'inü̧: «Abbá», Chä'o ukumä̧ o'kajuiyünä̧ jȩ'ku̧tä̧ ja̧'a̧; pi̧yȩttü̧mä̧ chü̧ji̧pü̧nä̧ ppä'ädittü; ja̧'wa̧nü̧ ja̧'a̧nä̧, ttürü pä̧wä̧rü̧ja̧'a̧ku̧mä̧kü̧, ukuru pä̧wä̧rü̧jo̧mȩnä̧tä̧.

San Marcos 9:7

Ja̧'wa̧ta̧nü̧ juätü ttu̧wä̧mȩ jo̧mȩ kkä̧rü̧'koppa juiächia'attü, rȩmi̧pi̧na̧'a̧ «pidemä̧, ttütä chi̧tti̧ rü̧ä̧nä̧ rȩni̧'a̧: jua̧u̧ru̧ ä̧ju̧kuä̧tu̧kui̧,» jü̧nä̧.

San Marcos 1:11

Ja̧'wa̧nü̧ päi'omȩnä̧, ya̧tȩ i̧wȩnȩ, mo̧ro̧jä̧ra̧'a̧ttü̧ rä̧mi̧pi̧na̧'a̧: «Ukumä̧ ttü chi̧tti̧jä̧ rü̧ȩnä̧ rȩni̧'a̧, ukuru rü̧ȩnä̧ repe'üsä.»

San Mateo 11:25

Ji̧yȩnü̧ mo̧ro̧ Jesú-mä̧ ädätinü̧: Chä'o, uku mo̧ro̧jä̧'i̧nä̧ pi̧jä̧'i̧nä̧ u̧ru̧wa̧rü̧ eseusä, isopäi'ünä̧ wo̧juä̧wä̧ kku̧nä̧rä̧tü̧ ttu̧wo̧jui̧pü̧ juiyünä̧ dajü kku̧nu̧, ppo̧'ä̧tü̧rü̧tä̧ ttu̧wo̧jui̧pü̧nä̧ i̧jȩpi̧nü̧jä̧.

San Mateo 11:26

Iweye ja̧'wa̧nü̧tä̧ ja̧'a̧ Chä'o, ukumä̧ ja̧'wa̧nü̧tä̧ eseujä̧.