San Juan 12:1 - Nuevo Testamento Uwotjüja

¹ Pacua pä'käri kkä̧mä̧dä̧kua̧'a̧, kko̧ro̧mü̧ttü̧nü̧ ya'ute mo̧ro̧ ä'kanä̧, Jesú-mä̧ Betania ütawiyära̧'a̧, Chutä ttoädinä̧ku̧ Rázaru ü̧jo̧mȩku̧ ichinü̧.

TÄ̧DO Ä̧CUÄ̧ I̧HUȨNȨ

¹ Ko̧ro̧mö̧ttö̧nö̧ ya'ute mo̧ro̧ pascua fiesta jȩttä̧cua̧'a̧ ä'canä, Jesús Betania ötahuiyära̧'a̧ 'chi̧nö̧do. Lázaro 'corupäi'omettö ttoädinäcu, ju̧huȩnȩ ötahuiyänä ki̧nö̧do.

San Juan 12:1 Referans Kwoze

San Lucas 24:50

Jesú-mä̧ ütawiyättü rä'epächü, Betania-ra̧'a̧ku̧ o'ipächäji̧'ka̧, u̧mü̧ kä'epü Dio-rü ukuokuinä̧u̧.

San Juan 12:20

Pacua pä'käri kka̧'a̧ eseu 'chä̧jä̧tü̧mä̧ griego'i̧nä̧ ji̧na̧'a̧.

San Juan 11:55

Ja̧'wa̧nü̧ ja̧'a̧ judío-tü̧ jȩttä̧'i̧jü̧ pä'käri, pacua-mä̧ täkü tü'kü ji̧na̧'a̧. Ja̧'wa̧nü̧ ji̧yä̧u̧ rekuätü Jerusarȩ́-ra̧'a̧ 'chi̧nä̧tü̧, jua̧u̧ Pacua ä'kanä̧ surojü tükäu ttikua pä'ü.

San Juan 11:1

Ya̧tȩ Betania ütawiyä ttü̧ja̧sa̧ na̧'ä̧chi̧nü̧, María kkubüa Marta-ku ttidepiyu i̧sa̧, Rázaru pä'ü mi̧kua̧, juäjutä kki̧jä̧wa̧.

San Mateo 21:17

Ja̧'wa̧nü̧ pä'ipütä, Betania ütawiyära̧'a̧ ä'ü 'chi̧nü̧.

San Juan 11:44

Ja̧'wa̧nü̧ woi'omȩnä̧, 'korujuo'ächinü̧ päjimä̧, u̧mü̧pi̧yä̧'i̧nä̧, ü̧jä̧pi̧yä̧'i̧nä̧, i'ä'i̧nä̧ i̧sä̧ta̧ juäwa'atä räo'a'a, Jesú-mä̧ päinä̧u̧: —i̧'cha̧, ejä'chü ikuätukuirü.

San Marcos 11:11

Ja̧'wa̧nü̧ ja̧'a̧, Jesú-mä̧ Jerusarȩ́ ütawiyänä̧ do'ächi'äji̧'ka̧, Dio-rü ukuokuäkuäwodenä̧ do'ächi'inü̧. Juȩnȩ kka̧ku̧ o'kajuiyünä̧ topäji̧'ka̧, ni̧pä̧chi̧yä̧ku̧, u̧wo̧juȩtä̧u̧, ttü̧jä̧pü̧ttü̧ todärenü̧ wotüku Betania ütawiyära̧'a̧ 'chi̧nü̧.

San Lucas 7:37

Yajute u̧mi̧ ruwaju, jua̧u̧tä̧ ütawiyä ttü̧ja̧saju, fariseo wa̧ ojusodenä̧ Jesú-mä̧ u̧kuȩ kudo pätta'a ä̧ju̧kuä̧jä̧'kaju, alabastro i̧sä̧yu̧nä̧ a̧mȩu̧ su̧'pȩnü̧ i'chächipü,

San Juan 11:43

Pi̧yȩ pä'ü kä'ädü, wopi'inü̧: —¡Rázaru, juorü rä'opächi!

San Juan 12:9

Rekuätü judío, Jesú-mä̧ Betania ütawiyänä̧ kkü̧ pätta'a wo̧jui̧'ü̧, jua'atä topü 'chi̧nä̧tü̧. Suro Jesú-ru ja̧'a̧tȩ'ü̧tä̧mä̧kü̧, ji̧nä̧somä̧ Rázaru-rü, Jesú ttoädäkuru totta pä'ü.

San Juan 12:12

Kkoro mo̧ro̧, Jerusarȩ́-ra̧'a̧ ttü̧ja̧ rekuätü, Pacua pä'käri kka̧'a̧ ichäjätümä̧; Jesú-mä̧ ütawiyära̧'a̧ ichüdo pätta'a ä̧ju̧kui̧pü̧,