San Juan 11:55 - Nuevo Testamento Uwotjüja

⁵⁵ Ja̧'wa̧nü̧ ja̧'a̧ judío-tü̧ jȩttä̧'i̧jü̧ pä'käri, pacua-mä̧ täkü tü'kü ji̧na̧'a̧. Ja̧'wa̧nü̧ ji̧yä̧u̧ rekuätü Jerusarȩ́-ra̧'a̧ 'chi̧nä̧tü̧, jua̧u̧ Pacua ä'kanä̧ surojü tükäu ttikua pä'ü.

TÄ̧DO Ä̧CUÄ̧ I̧HUȨNȨ

⁵⁵ Judíos ttö̧ja̧ pascua fiesta jȩttä̧cua̧'a̧ mo̧ro̧ tö'cöhuächina'ado. Recuätö ttö̧ja̧ korome ötahuiyä ppo̧ö̧ttö̧ 'chi̧nä̧tö̧do Jerusalén ötahuiyära̧'a̧, pascua fiesta jȩttä̧cua̧'a̧ ä'canä suronä jȩtti̧nö̧ töcäu tticua pä'ö Diosrö ucuocuäcuähuodenä.

San Juan 11:55 Referans Kwoze

San Juan 12:1

Pacua pä'käri kkä̧mä̧dä̧kua̧'a̧, kko̧ro̧mü̧ttü̧nü̧ ya'ute mo̧ro̧ ä'kanä̧, Jesú-mä̧ Betania ütawiyära̧'a̧, Chutä ttoädinä̧ku̧ Rázaru ü̧jo̧mȩku̧ ichinü̧.

San Juan 6:4

Ja̧'wa̧ta̧nü̧ judío jȩttä̧'i̧jü̧ Pacua pä'käri, täkü tü'küwächi'ina̧'a̧.

San Juan 2:13

Judío jȩttä̧'i̧jü̧ Pacua pä'käri tü'küwächa'a, Jesú-mä̧ Jerusarȩ́-ra̧'a̧ 'chi̧nü̧.

Santiago 4:8

Dio-rütä tü'küpächätukui, ja̧'wa̧nü̧ jo̧mȩnä̧tä̧ chutä'i̧nä̧ ütü'küwächäkuotüjä̧. Surojü jȩpä̧tü̧mä̧, ku̧mü̧tu̧ku̧ tükäu ikuätukui; ja̧'wa̧ta̧nü̧ todärenä̧ pä̧wä̧rü̧jä̧u̧mä̧ kua̧mi̧'iso'kituku tükäu ikuätukui.

1 Corintios 11:28

Ja̧'wa̧nü̧ ja̧'a̧ttü̧, yotukunä̧ kua̧mü̧nä̧tu̧ku̧tä̧ kka̧kuä̧mä̧kuä̧u̧ topäkuäwätukui ja̧'wa̧nü̧ jȩpi̧'ü̧'kotütä trigo i̧ri̧si̧'i̧nä̧, i̧so̧'ta̧nä̧ akuoya'i̧nä̧ awätukui.

Hechos 24:18

Ja̧'wa̧nü̧ pi̧yȩ jȩpü̧mä̧, weäwä wȩnȩ weü'akuä̧ surojü tükäu ikuäji̧'ka̧ jȩcha̧'a̧ Asia rȩjȩ ttü̧ja̧tä̧ tottinä̧ku̧sä̧, ttü̧ja̧rü̧ suronä̧ jȩpü̧ wocha'a'i̧nä̧ tottokoku pinü̧sä̧.

San Juan 18:28

Ja̧'wa̧nü̧ ja̧'a̧, mo̧ro̧juoa'aku juätümä̧ Caifá ojusodettü ru̧wa̧ gobernador ojusodeku Jesú-ru ȩpi̧nä̧tü̧. Ja̧'wa̧nü̧ ja̧'a̧nä̧, judío tturuwotümä̧ juodenä̧ dodepokotü pinä̧tü̧, Pacua ttukuäkua'a ja̧'a̧, surojuotächä pä'ü.

San Juan 13:1

Pacua pä'käri ä'kanä̧ ja̧'a̧, Jesú-mä̧ pi̧jä̧nä̧ttü̧mä̧ täkü rä'opü Chä'oku ji̧nä̧ yo̧mȩtȩ pädi'ä̧kuȩ mo̧ro̧ rȩbȩä̧kuä̧wä̧ku̧sä̧ pä'ü wo̧juä̧u̧. Pi̧jä̧nä̧ kka̧kuä̧tü̧ u̧mü̧wä̧yotürü 'kuäopünä̧tä̧ eseu repeä'ija'amä̧, rüjibü päi'ünä̧ eseu repeinä̧u̧.

San Juan 5:1

Jua̧u̧ 'kuäopäji o'ka'a, Judío pä'käri jȩtta̧'a̧, Jesú'i̧nä̧ Jerusarȩ́-ra̧'a̧ 'chi̧nü̧.

San Juan 2:6

Juȩnȩmä̧, kko̧ro̧mü̧ttü̧ ji̧yü̧tȩnü̧ jo̧mȩnä̧ 'kä̧nä̧ri̧yü̧mä̧ i̧nä̧ttü̧ adikuä kka̧kui̧na̧'a̧, judío tükäu iku jȩttä̧'i̧jü̧. Jua̧u̧ ji̧yü̧ku̧pü̧nä̧mä̧ cien litros jo̧mȩnä̧ akuipü ji̧na̧'a̧.

San Marcos 14:1

Pacua pä'käri, Trigo o̧si̧ ppü̧ä̧mo̧kü̧ ttukuä'ijü pä̧nä̧ päi'a pä'ümä̧, todäre mo̧ro̧tä̧ juiyina̧'a̧. Ja̧'wa̧nü̧ ja̧'a̧ sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧. Yapare ji'äu, Jesú-ru 'chu'ädü kuä'ü ttikua pä'ü usinä̧tü̧.

San Mateo 26:1

Jesú-mä̧ o'kajuiyünä̧ wo̧juȩtü̧ kä'ädäji̧'ka̧, u̧wo̧juȩtä̧u̧rü pä'inü̧:

San Mateo 26:2

—Täkü wo̧juä̧tü̧jä̧, todäre mo̧ro̧tä̧ o'komȩ Pacua pä'käri jä̧kua̧'a̧ pä'ümä̧ ja̧'wa̧ta̧nü̧ ttürü'i̧nä̧ iyü ttikuäkuotü, ü̧jo̧kä̧nü̧ pȩ'o̧pü̧ ttu̧ju̧na̧'a̧ 'korujuodächä̧kua̧sä̧.

San Lucas 22:1

Levadura juiyünä̧ trigo ire ttukuä'ijü pä̧nä̧ tü'küwächi'ina̧'a̧, Pacua pä'käri pättü.

Hechos 21:24

Juätürü o'ipächü 'chä̧nü̧, juätütäku surojü tükäu iku ja̧'wa̧ta̧nü̧ kuimitäwiyatüjä̧ ttuwo'che 'kui'ü ttikuatü'i̧nä̧. Ja̧'wa̧nü̧ jȩ'kua̧'a̧ topü, pide ütü'kü jittäwäjimä̧ yapare jä̧ja̧'a̧ tä̧jí̧, weäwä wȩnȩmä̧ ukuotü ja̧'a̧nä̧, pättäkuotü.

Hechos 21:26

Ja̧'wa̧nü̧ ja̧'a̧ttü̧ Pauru-mä̧, juätü pa̧ja̧kuä̧nü̧ wotürü o'ipächü 'chä̧ji̧'ka̧, kkoro mo̧ro̧ juätütäku tükäu ikuinü̧; ikuäji̧'ka̧ Dio-rü ukuokuäkuäwodenä̧ do'ächinü̧, juätü ofrenda ttütäkuȩ beipächü mo̧ro̧ jiäwa pä'ü.