San Juan 11:53 - Nuevo Testamento Uwotjüja

⁵³ Ja̧'wa̧nü̧ ja̧'a̧ttü̧, jua̧u̧nu̧tä̧ mo̧ro̧, Jesú-ru kuä'ü ttikua pä'ü amükuädü kku̧ni̧nä̧tü̧ ukuo isotümä̧.

TÄ̧DO Ä̧CUÄ̧ I̧HUȨNȨ

⁵³ Ja̧'hua̧nö̧ ja̧'a̧ttö̧ ja̧u̧nu̧ mo̧ro̧ kä̧mä̧dö̧ judíos ttö̧ja̧ tturuhuotö Jesúsru iso päi'önä cuä'ö tticuarö pä'ö ucuocuinätödo.

San Juan 11:53 Referans Kwoze

Hechos 9:23

Täkü rekuo mo̧ro̧ 'kuäo'äji o'ka'a, judío-mä̧ Sauro-rü kuä'ü ttikua pä'ü jo̧mȩnü̧ amükuädü kku̧ni̧nä̧tü̧;

Hechos 5:33

Ja̧'wa̧nü̧ pätta'a ä̧ju̧ku̧, tta̧mi̧ su̧rä̧chi̧'ä̧u̧, kuä'ü ttikua pättinä̧u̧.

San Juan 12:10

Ja̧'wa̧nü̧ ji̧yä̧u̧mä̧, sacerdote tturuwotümä̧ Rázaru-rü kuä'ü ttikua pä'ü'i̧nä̧ amükuädinä̧tü̧.

San Juan 11:47

Ja̧'wa̧nü̧ ja̧'a̧mä̧, fariseo wotü'i̧nä̧, sacerdote tturuwotü'i̧nä̧, ji̧nä̧so ukuo isotürü ä̧tȩpo̧'ü̧, ka̧ka̧ku̧ pȩjä̧mü̧ pä'inä̧tü̧: —¿Däjetä jȩtä̧ku̧ttü̧? Jua̧u̧mä̧ jȩtto̧kü̧ juei rü̧ȩnä̧ jȩa̧'a̧mä̧.

San Marcos 14:1

Pacua pä'käri, Trigo o̧si̧ ppü̧ä̧mo̧kü̧ ttukuä'ijü pä̧nä̧ päi'a pä'ümä̧, todäre mo̧ro̧tä̧ juiyina̧'a̧. Ja̧'wa̧nü̧ ja̧'a̧ sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧. Yapare ji'äu, Jesú-ru 'chu'ädü kuä'ü ttikua pä'ü usinä̧tü̧.

San Marcos 3:6

Ja̧'wa̧nü̧ ja̧'a̧ topü, fariseo wotümä̧ juorü rä'opächü, Herode umüwäyotüku ka̧ka̧ku̧ pȩjä̧mü̧, Jesú-ru kuä'ü ttikua pä'ü, amükuädü kku̧ni̧nä̧tü̧.

San Mateo 26:59

Sacerdote wotü tturuwotü'i̧nä̧ ja̧'wa̧ta̧nü̧ sanedrín isotü'i̧nä̧ yapareu jittäwiyatü pä'ü usinä̧tü̧, ji̧yȩnä̧tä̧ Jesú-ru kuä'ü ttikunä̧ jȩtta̧ pä'ü.

San Mateo 22:46

Ya̧tȩ'i̧nä̧ yoriso ädätokoku pinü̧ ja̧'wa̧nü̧ ja̧'a̧ttü̧ jua̧u̧nu̧tä̧ mo̧ro̧ kkä̧mä̧dü̧ ya̧tȩ'i̧nä̧ yabokumä̧ jä̧ttȩpä̧ro̧ko̧ku̧ pinü̧.

San Mateo 16:21

Jua̧u̧nu̧tä̧ kkä̧mä̧dü̧ Jesú-mä̧ u̧wo̧juȩtä̧u̧rü ji'äwinü̧ Jerusarȩ́-ra̧'a̧ i̧'cha̧ pä'ü rekuä rü̧jü̧mä̧, jua'attü judío-ttü a̧ci̧a̧nu̧ wotü'i̧nä̧, sacerdote-tü̧ tturuwotü'i̧nä̧ weäwänä̧ usurä ȩmä̧wi̧'ü̧'ka̧, kuä'ü ttiku o'ka'a wäbodäkuä mo̧ro̧ päi'omȩnä̧ ttoächä̧kuȩ wȩnȩmä̧.

San Mateo 12:14

Ja̧'wa̧nü̧ jȩi̧yä̧u̧ fariseo wotümä̧ juorü rä'opächäjä'kotü ukuokuinä̧tü̧, Jesú-ru kuä'ü ttikua pä'ümä̧.

San Mateo 26:4

yapare wȩnȩtü̧ ji'äu, Jesú-ru 'chu'ädü kuä'ü ttikuarü pä'ü ukuoku kku̧ni̧nä̧tü̧.

San Juan 7:1

Jua̧u̧ 'kuäopäji o'ka'a Jesú-mä̧ Galirea rȩjȩnä̧ kue'ächinü̧; ja̧'wa̧nü̧ ja̧'a̧nä̧ Judea rȩjȩnä̧mä̧ ü̧ja̧ pä'okü pinü̧, judío kuä'ü ttikua pättäku.