San Juan 10:28 - Nuevo Testamento Uwotjüja

²⁸ Juätürümä̧ kkä̧kuä̧wä̧ i'ko iyüsä; ja̧'wa̧nü̧ ja̧'a̧ttü̧ yorisotä to'e'ächokotü ttäkuotü ja̧'wa̧ta̧nü̧ juätürümä̧ ya̧tȩ'i̧nä̧, ttü chu̧mü̧ttü̧ 'cho'ipokotü ttäkuotü.

TÄ̧DO Ä̧CUÄ̧ I̧HUȨNȨ

²⁸ Jahuätörö kä̧cuä̧huä̧ i'co iyösä. Yoröiso 'corupä'i'ocotö ttäcuotö. Ja̧'hua̧ta̧nö̧ chu̧mö̧ttö̧, ka̧ra̧ yoröiso 'cho'ipocö jahuätörö.

San Juan 10:28 Referans Kwoze

San Juan 6:37

Isopäi'ünä̧ Chä'o ttürü i̧yä̧u̧mä̧, ttüku ichätü; ja̧'wa̧nü̧ ja̧'a̧ ttüku ichätürümä̧ ya'okuoküsä.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Romanos 8:29

Isopäi'ünä̧ ä'kanä̧ u̧wo̧jui̧nä̧u̧ru̧mä̧, ä'kojitä jȩpü̧ u̧ju̧ni̧nä̧u̧ I̧tti̧ jü̧ta̧'a̧nü̧ juottächa pä'ü, jua̧u̧ru̧mä̧ juätümä̧ ttä'kanä̧ ttubüo jü̧nä̧tä̧ jä̧kua̧'a̧nü̧.

San Juan 18:9

Pi̧yȩmä̧, chutä Jesú pa̧'a̧nü̧ jiäwinü̧ jo̧mȩnü̧ päia'a ji̧na̧'a̧: «Ttürü kuiyinä̧u̧ttü̧mä̧ ya̧tȩrü̧'i̧nä̧ to'e'ächokü pinü̧sä̧», jü̧nä̧.

Filipenses 1:6

Chu̧wo̧juä̧u̧nä̧ jä̧ku̧sä̧ isopäi'ünä̧ ukutunä̧ adiwä juei jȩpi̧nü̧mä̧, yabonü̧ aditü ikuäkua̧ pä'ü, Jesucrito ppa̧wä̧chä̧kuȩ mo̧ro̧bü päi'ünä̧.

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

San Juan 4:14

Ja̧'wa̧nü̧ ja̧'a̧nä̧, ttü chiyoyattü awätümä̧, yorisotä ttawa a̧di̧ri̧jo̧ko̧u̧ ttäkuotü; pärokua'aku ttü chiyoya ajiyamä̧, jitünä̧tä̧ rȩjȩ jakuättü räopoya jä̧'i̧jü̧'a̧nü̧ jä̧kuä̧u̧, kkä̧kuä̧wä̧ i'kora̧'a̧ku̧tä̧ ȩpa̧'a̧ttü̧.

Romanos 8:1

Ja̧'wa̧nü̧ ja̧'a̧ttü̧, jitämä̧ ttidepä pä̧wä̧rü̧ja̧'a̧ku̧ tti̧'cho̧ka̧'a̧ Crito Jesú-nä̧ kka̧kuä̧tü̧rü̧mä̧, Epíritu-ru pä̧wä̧rü̧jo̧mȩnä̧ kka̧kuä̧tü̧rü̧mä̧ ro̧ȩkuä̧mä̧ juiyäkua'a.

Judas 1:24

Chutä Dio ya̧tȩrü̧tä̧, ra̧wä̧pi̧jü̧ku̧ ma̧kuä̧chä̧tu̧ku̧ juiyünä̧ tta̧'ä̧rü̧rü̧, rü̧ȩnä̧ eseu gloria pättü kko̧mȩ ukuturu i̧jȩpü̧rü̧,

San Juan 17:2

Isopäi'ünä̧ uku kui̧tti̧rü̧mä̧, pi̧jä̧ ttü̧ja̧ ttu̧wä̧mȩnä̧ jü̧nä̧ ujuru iyinü̧jä̧, o'katoi'ünä̧ uku kuiyinä̧u̧ru̧ kkä̧kuä̧wä̧ i'ko chiya pä'ü.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

1 Juan 2:19

Juätümä̧ ujututtü rättopina̧'a̧nä̧; isopäi'ünä̧mä̧ ujutu isotümä̧ pokotü pinä̧tü̧. Isopäi'ünä̧ ujutu isotü ttinü̧ttü̧mä̧, jitä'i̧nä̧ ujutuku kka̧ja̧tü̧; ja̧'wa̧nü̧ ja̧'a̧ttü̧ ujututtü rä'ächinä̧tü̧, jua'amä̧ o'katoi'ünä̧ ujutuku ttü̧ka̧ka̧kuä̧rä̧'i̧ja̧'a̧nä̧, o'katoi'ünä̧mä̧ ujutuku isotümä̧kü̧ ja̧'a̧ pä'ü tu̧wo̧jua̧ pä'ü.

1 Juan 5:11

Ja̧'wa̧nü̧ ja̧'a̧ttü̧, Dio-mä̧ kkä̧kuä̧wä̧ i'ko ujuturu Chutä iyinü̧ ukuokuinü̧, jua̧u̧ kkä̧kuä̧wä̧ i'komä̧ I̧tti̧rü̧ tesetomȩnä̧tä̧ tu̧ju̧nä̧ri̧ya̧rü̧ pä'ü.

Judas 1:21

Dio eseu repeünä̧ kua̧'kua̧ wȩnä̧rü̧ kkä̧nü̧ tu̧ru̧wa̧ Jesucrito re ü̧jü̧nä̧ kkä̧kuä̧wä̧ i'ko i̧yä̧kuȩ päinü̧ mo̧ro̧ tta̧'a̧rä̧tu̧kui̧.

1 Pedro 1:5

Ukutumä̧ Dio-rü kua̧'kua̧ ku̧wȩnä̧rä̧tu̧kuo̧mȩnä̧, ujurunä̧ tta̧wä̧rä̧u̧jä̧ ra̧wä̧pi̧jü̧ttü̧ kki̧'ä̧kuä̧wä̧ jo̧mȩnü̧ jȩpü̧ u̧ju̧ni̧nü̧ra̧'a̧ kui̧'chi̧'ä̧tu̧kua̧ pä'ü, ja̧u̧mä̧ rüjí mo̧ro̧ i̧jȩpä̧kuȩ.

San Juan 11:25

Päjiyäku, Jesú-mä̧ päinä̧kua̧: —Ttütäsä tta̧'kua̧rü̧ ttoädäkuäwä i̧sa̧mä̧, ttütäsä tta̧'kua̧rü̧mä̧. Ttürü esetümä̧ 'korujuoächaja pä'ü'i̧nä̧, pä'äjita'anü̧ ü̧jä̧kua̧.

Judas 1:1

Ttü Juda, Jesucrito u̧mü̧wä̧ya̧ jü̧nä̧ wa̧ ja̧'wa̧ta̧nü̧ Sa̧ti̧a̧ku̧'i̧nä̧ ü̧jä̧wa̧, chi̧wȩnȩ we'üsä: ukutu Jä'o Dio repe'ü ȩmi̧nä̧u̧ru̧ ja̧'wa̧ta̧nü̧ Jesucrito-nä̧ tta̧wä̧rä̧u̧ru̧.

2 Tesalonicenses 2:13

Ja̧'wa̧nü̧ ja̧'a̧nä̧ ujutumä̧ 'kuäopünä̧tä̧ Dio-rü teseu'anü̧ ja̧'a̧ ukuturumä̧, Tu̧ru̧wa̧nä̧ tü̧jä̧wa̧tü̧ rȩpȩtä̧u̧jä̧, isopäi'ünä̧ Dio-mä̧ pojopü ȩmi̧nä̧u̧ kuätukua'attü, ra̧wä̧pi̧jü̧ttü̧ kki̧'ä̧kuä̧wä̧ ä̧kuo̧mȩnä̧ kuȩmä̧tu̧kua̧ pä'ü, Epíritu Sa̧tu̧nä̧tä̧ surojü juikuätukunä̧ ppädäkuäwä i̧sa̧nä̧tä̧ ja̧'wa̧ta̧nü̧ isopäi'ünä̧ wȩnȩ kuesetinä̧tu̧ku̧nä̧.

San Juan 3:36

I̧tti̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧nä̧, i̧tti̧rü̧ esetokümä̧ kkä̧kuä̧wä̧ topokü, pärokua'aku usurä ȩmä̧u̧nä̧ Dio ro̧ȩpa̧rü̧ pä'ütä wa̧.

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

Romanos 5:21

Ja̧'wa̧nü̧ surojümä̧ wa'arenä̧tä̧ weinüta'anü̧, mippoünä̧ iyinü̧mä̧ adiwä jueinä̧tä̧ pärotü ikuinä̧u̧jä̧ Tu̧ru̧wa̧ Jesucrito-nä̧tä̧, kkä̧kuä̧wä̧ i'ko iyinü̧nä̧.

1 Timoteo 1:16

Ja̧'wa̧nü̧ jȩchi̧na̧'a̧nä̧'i̧nä̧ Dio-mä̧ rȩrü̧jü̧ toinä̧ku̧sä̧, Jesucrito a̧mi̧ 'ki'ächi'ünü̧ o'kajuiyünä̧ ttünä̧ i̧jȩpa̧ pä'ümä̧. Ja̧'wa̧nü̧tä̧ ttü jȩchü̧ta̧'a̧nü̧ jȩpü̧ esetätümä̧ kkä̧kuä̧wä̧ i'ko ttu̧ju̧nä̧ra̧ pä'ütä ichinü̧sä̧.

Romanos 6:23

Isopäi'ünä̧ surojü ukuotäkuäwokümä̧ wa'arenä̧tä̧ mikuäwächa'a ja̧'wa̧nü̧ ja̧'a̧nä̧ tu̧ru̧wa̧ Jesucrito-nä̧ Dio-mä̧ kkä̧kuä̧wä̧ i'ko mippoünä̧ iyinäu̧jä̧.

Romanos 5:17

Ja̧'wa̧nü̧ ji̧na̧'a̧ttü̧mä̧, ya̧tȩ surojü jȩi̧na̧'a̧mä̧ wa'aretä weina̧'a̧, juȩnȩ abonä̧nü̧ wȩä̧kua̧, rettü mippoünä̧ iyinü̧, ya̧tȩ Jesucrito-nä̧tä̧ kkä̧kuä̧wä̧mä̧.

Romanos 5:2

Jua̧u̧ Jesucrito-nä̧tä̧, ta̧'kua̧ tu̧wȩnä̧ro̧mȩnä̧, re ü̧ji̧nü̧nä̧ dodepinä̧tü̧jä̧, jitä ta̧mi̧ 'ki'ächi'ü tü̧ja̧ku̧nä̧mä̧, ja̧'wa̧nü̧ jo̧mȩttü̧ eseäkuäwätüjä̧, ujutu'i̧nä̧ Dio ukuo jäwänä̧ päti'äkuotüjä̧ pä'ü, tta̧'ä̧rü̧ kkä̧nü̧.

Hechos 7:59

Ja̧'wa̧nü̧ ja̧'a̧, inä̧du ttikuäwa'anä̧ Esteba̧-mä̧ Dio-rü pa̧'a̧nü̧ ukuokuinü̧: «Chu̧ru̧wa̧ Jesú, cha̧'kua̧ ru̧wa̧rü̧ ȩmi̧ttü̧.»

San Juan 14:19

A̧'u̧ku̧nä̧, mo̧ro̧ o'ka'a, täkü pi̧jä̧ ttü̧ja̧mä̧ tottokoku chä̧kua̧sä̧ ja̧'wa̧nü̧ ja̧'a̧nä̧ ukutumä̧ to'kuätukuäkua̧sä̧, jua'amä̧ cha̧'kua̧ra̧'a̧ttü̧ ja̧'wa̧ta̧nü̧ ukutu'i̧nä̧ kua̧'kua̧rä̧kuo̧tü̧jä̧.

San Juan 6:47

Ja̧'wa̧nü̧ ja̧'a̧ttü̧ isopäi'ünä̧ pädäu̧jä̧: Ttürü esetümä̧ kkä̧kuä̧wä̧ i'ko kku̧nä̧rü̧.

San Juan 6:27

Ku̧kuȩtu̧ku̧ beipächünä̧mä̧ kuaditätukuä, jua̧u̧ ja̧jü̧jueimä̧ kuäkuäwä beipächokü, kkä̧kuä̧wä̧ i'ko iyinü̧tä̧ aditätukui. Ja̧'wa̧nü̧ jü̧ ja̧'a̧, kuäkuäwä ubo I̧tti̧ ukuturu i̧yä̧kuȩmä̧, isopäi'ünä̧ Jua̧u̧nä̧ pätetü u̧ju̧ni̧na̧'a̧ttü̧, Jä'o Dio-mä̧.

Romanos 5:9

Jua'a yabonä̧, Jesucrito ukuojanä̧ adiwä isotü jü̧nä̧ jȩi̧nä̧u̧ ta'attü̧, jua̧u̧ Jesucrito-nä̧tä̧ ro̧ȩkuä̧kuȩttü̧mä̧ tü̧ja̧kui̧'ä̧kuo̧tü̧jä̧.

San Juan 6:68

Päomȩnä̧, Simón Peduru-mä̧ ädätinä̧ku̧: —Chu̧ru̧wa̧, ¿Diku ti̧'chü̧'a̧nü̧ ja̧'a̧jä̧ttü̧? Uku kui̧wȩnȩmä̧ kkä̧kuä̧wä̧ i'ko jäwä ja̧'a̧.

San Lucas 23:46

Ja̧'wa̧nü̧ päi'omȩnä̧ Jesú-mä̧ pä̧i̧ku̧nä̧ wopi'inü̧: —¡Chä'o, ku̧mü̧nä̧ iyüsä, cha̧'kua̧ru̧wa̧rü̧! pi̧yȩ pä'ü kä'ädü, Jesú-mä̧ 'koru päi'inü̧.

San Marcos 13:22

Isopäi'ünä̧, Crito i̧mi̧nä̧ yaparewätü'i̧nä̧, profeta tti̧mi̧nä̧ yaparewätü'i̧nä̧ ttichäkuotü, jȩtto̧kü̧ ja̧jü̧juei'i̧nä̧ jȩttä̧kuo̧tü̧, ja̧'wa̧nü̧ jȩpü̧ Tu̧ru̧wa̧ ȩmi̧nä̧u̧ru̧'i̧nä̧ ttesetipünä̧ jȩtta̧ pä'ü tta̧mü̧kuädäkuotü.

San Juan 10:29

Juätürü, ttürü iyinü̧ Chä'omä̧ o'katoi'ünä̧tä̧ ttu̧wä̧mȩnä̧ wa̧, Jua̧u̧ Chä'o u̧mü̧ttü̧ 'cho'ipätümä̧ ya̧tȩ'i̧nä̧ toa'a.

1 Juan 1:2

Jua̧u̧ kkä̧kuä̧wä̧ ji̧na̧'a̧ ujuturu i̧jȩkui̧nü̧mä̧. Jua̧u̧ topinü̧'kotü, ukuturu ji'äwätüjä̧, Jua̧u̧ kkä̧kuä̧wä̧ i'komä̧ Jä'oku kki̧na̧'a̧, ujuturu i̧jȩkuä̧chä̧kuȩmä̧ pä'ü.