San Juan 10:14 - Nuevo Testamento Uwotjüja

¹⁴ Ttütäsä ji̧nä̧so adiwänä̧ oweja-tü̧ ttu̧ru̧wa̧mä̧; chä̧ji̧mü̧ oweja-tü̧rü̧mä̧ wo̧jua̧sä̧, pärokua'aku ttürü'i̧nä̧ wo̧juä̧tü̧,

TÄ̧DO Ä̧CUÄ̧ I̧HUȨNȨ

^14-15 “Ttötäsä adihuä tta̧huä̧rä̧cuä̧huä̧ i̧sa̧mä̧. Chä'o ttörö u̧huo̧ju̧'a̧nö̧, ja̧u̧ru̧'i̧nä̧ huo̧jua̧sä̧ ttömä. Ja̧'hua̧ta̧nö̧ chä̧ji̧mö̧ o̧vȩja̧stö̧rö̧ chu̧huo̧ju̧'a̧nö̧, ttörö'inä huo̧juä̧tö̧. Ttömä chä̧ji̧mö̧ o̧vȩja̧stö̧rö̧ ppä'ädö 'co̧ru̧pä̧di̧'ä̧cua̧sä̧.

San Juan 10:14 Referans Kwoze

San Juan 10:27

Ttü chä̧ji̧mü̧ oweja-tü̧mä̧, chi̧wȩnȩ ä̧ju̧ku̧mä̧ wo̧juä̧tü̧, pärokua'aku ttü'i̧nä̧ chu̧wo̧juä̧u̧ ja̧'a̧ttü̧ cho'ka'anä̧ ichätü.

2 Timoteo 2:19

Ja̧'wa̧nü̧ ja̧'a̧nä̧ Dio-mä̧ kkada'ka adiu 'kiyünä̧ 'chu̧ä̧ro̧mȩ jȩpü̧ kku̧ni̧nü̧, juȩnȩ wȩyu̧kuä̧mä̧ pä'a: Tü̧ä̧nä̧wa̧mä̧ chutäku todepätürü wo̧jua̧; ja̧'wa̧ta̧nü̧ «o'katoi'ünä̧ tü̧ä̧nä̧wa̧ i̧mi̧nä̧ jä'epätümä̧ surojüttü 'kȩ'i̧pä̧chi̧nä̧tü̧».

San Juan 10:11

Ttütäsä ji̧nä̧so oweja-tü̧ ttu̧ru̧wa̧mä̧. Ji̧nä̧so, oweja-tü̧ ttu̧ru̧wa̧mä̧, juätü jäwänä̧ a̧'kua̧rü̧ iyäu.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Efesios 1:17

Tu̧ru̧wa̧ Jesucrito jä'o Dio-rü, ja̧'wa̧ta̧nü̧ ukuou'i̧nä̧ jä'orü jä'epüsä, wo̧juä̧wä̧ iyü kkä̧nü̧ ja̧'wa̧ta̧nü̧ churutä ku̧wo̧juä̧chä̧tu̧ku̧nä̧ jiäwätukuaku pä'ü.

San Juan 17:3

Ja̧'wa̧ta̧nü̧ pi̧yȩ ja̧'a̧ kkä̧kuä̧wä̧ i'komä̧: Isopäi'ünä̧tä̧ wa̧, uku ya̧tȩtä̧ Dio-rü ttu̧wo̧jui̧po̧mȩnä̧ ja̧'wa̧ta̧nü̧ Jesucrito-rü wekuinä̧ku̧ru̧'i̧nä̧ ttu̧wo̧jui̧po̧mȩnä̧.

Apocalipsis 2:2

Ttümä̧ ukú kuaditäwämä̧ o'kajuiyünä̧ wo̧jua̧sä̧, usurä kuȩmä̧u̧'i̧nä̧, kua̧mi̧ 'ki'ächi'ü kui̧'chü̧'i̧nä̧, jü̧nä̧; ja̧'wa̧ta̧nü̧ surojünä̧ jȩpä̧tü̧rü̧ kuju'kokü'i̧nä̧ wo̧jua̧sä̧. Ja̧'wa̧ta̧nü̧ Apótore-jä̧ pä'ü yaparewätürü, kka̧kuä̧mü̧ topü ku̧wo̧juö̧'i̧nä̧ wo̧jua̧sä̧.

2 Timoteo 1:12

Ja̧'wa̧nü̧ jo̧mȩttü̧ pi̧yȩttü̧mä̧ usurä ȩmä̧u̧sä̧. Ja̧'wa̧nü̧ ja̧'a̧nä̧ ja̧'wa̧nü̧ 'kuäopünä̧mä̧ dä'ä ttu'oküsä, jua'amä̧ cha̧'kua̧ chu̧wȩnä̧rä̧ku̧ru̧mä̧ chu̧wo̧jua̧'a̧ttü̧; Ja̧'wa̧ta̧nü̧ adiu wo̧jua̧sä̧ rüjí mo̧ro̧bü päi'ünä̧ jareü wȩnȩmä̧ yabokutä jittäunä̧ jȩa̧ pä'ü'i̧nä̧ ujuru kku̧nä̧rü̧ pä'ümä̧.

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

Efesios 3:19

Ja̧'wa̧ta̧nü̧ Crito rȩrü̧jü̧ toinü̧ ku̧wo̧juä̧tu̧kuä̧kua̧'a̧nü̧, wo̧juä̧wä̧ u̧wä̧mȩnä̧ ja̧'a̧, Dio ukuturu iya päinü̧mä̧ o'kajuiyü jo̧mȩnü̧tä̧ kuȩmä̧tu̧kua̧ pä'ü.

San Juan 17:8

Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

Apocalipsis 2:19

O'kajuiyünä̧ kuaditäwämä̧, eseu jȩ'ku̧mä̧, kua̧'kua̧ ku̧wȩnä̧rü̧'i̧nä̧, 'kuäkuächi'oka'a kui̧'chü̧'i̧nä̧ ja̧'wa̧ta̧nü̧ ä̧kuo̧mȩnä̧ ji̧no̧mȩttü̧ abonä̧nü̧ jȩ'ku̧'i̧nä̧ wo̧jua̧sä̧.

Apocalipsis 2:13

Ukú ku̧jo̧mȩmä̧ chu̧wo̧juä̧ku̧jä̧, äwettä uruwo dȩä̧kä̧nä̧ weomȩ ku̧ja̧'a̧mä̧. Ja̧'wa̧nü̧ ja̧'a̧nä̧ Ttü chi̧mi̧ 'kiyünä̧ 'chu̧'ä̧rä̧kuä̧u̧jä̧, ttürü ukuotürü Antipa-rü, kuä'ü ttikuinü̧ mo̧ro̧'i̧nä̧, 'kiyünä̧ kki̧nü̧jä̧, juȩnȩmä̧ satanás-mä̧ ü̧ja̧'a̧nä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

Apocalipsis 3:15

Kuaditäwämä̧ o'kajuiyünä̧tä̧ wo̧jua̧sä̧: Ukumä̧ diyaunä'i̧nä̧, du'unä'i̧nä̧ woküjä̧. ¡Diyaunä̧tä̧'i̧nä̧, du'unä̧tä̧'i̧nä̧ ji̧yȩtȩnä̧ kuttütä adiwaja'a!

Apocalipsis 3:8

Kuaditümä̧ o'kajuiyünä̧ wo̧jua̧sä̧; topi, kuä'kajo̧mȩ äpate ba'epü kku̧nu̧sä̧, ya̧tȩ'i̧nä̧ mü̧'ȩpü̧ juiyünä̧ jate; ja̧'wa̧ta̧nü̧ kujurumä̧ a̧'u̧ku̧nä̧tä̧ ku̧ju̧nä̧ra̧'a̧nä̧, ttü chi̧wȩnȩnä̧ ukuotü, chi̧mi̧mä̧ ä̧ppü̧tä̧ro̧kü̧ pä'ijüjä̧.

Apocalipsis 2:9

Aditü usurä kuȩmä̧u̧mä̧ ja̧'wa̧ta̧nü̧ usurä i̧sa̧ wokü'i̧nä̧ (jua'akumä̧ ru̧wa̧ kua'anä̧) wo̧jua̧sä̧ ja̧'wa̧ta̧nü̧ judío-mä̧ ttoka'anä̧, ujutumä̧ judío-jä̧, ya̧'a̧wä̧'chü̧ pättü'i̧nä̧ ku̧wo̧jua̧'a̧mä̧ wo̧jua̧sä̧, Satanás-rü̧ ukuokuäkuäwode jü̧nä̧tä̧ wotü pä'ü.

Apocalipsis 3:1

«Sadira̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Epíritu-tu̧ kko̧ro̧mü̧ttü̧nü̧ ta̧ju̧ wotü Dio isotürü kku̧nä̧rü̧mä̧ ja̧'wa̧ta̧nü̧ kko̧ro̧mü̧ttü̧nü̧ ta̧ju̧ si̧ri̧'kü̧rü̧ kku̧nä̧rü̧mä̧ pa̧'a̧nü̧ pä'ü: Kuaditäwämä̧ o'kajuiyünä̧ wo̧jua̧sä̧, kui̧mi̧mä̧ a̧'kua̧rä̧tü̧ 'kua̧rü̧nä̧ kukuowa'anä̧ wa'ü kuikuina̧'a̧tä̧ wa̧jä̧.

San Juan 10:13

Ja̧'wa̧nü̧ ja̧'a̧ttü̧ mikuänä̧ aditümä̧, tü'ipächü; pärätätä repe'ü, oweja-tü̧rü̧mä̧ repeoka'attü̧.