7 Jua̧u̧mä̧, tȩya̧u̧ u̧wo̧jua̧'a̧; jua̧u̧ tȩya̧u̧ tü'kü jiäwa pä'ü ichinü̧ o'katoi'ünä̧ ttesetiyarü pä'ü.
Pättiyäku, Pauru-mä̧ päinä̧u̧: Ju̧a̧-mä̧, surojüttü kättädi'a pä'ütä, bautizo jȩpü̧ pä'inü̧: Cho'ka'anä̧ ichürü kuesetätukua pä'ü ja̧'a̧, jua̧u̧mä̧ Jesú jä̧kua̧'a̧, Crito-mä̧.
Ja̧'wa̧nü̧ ja̧'a̧, Ju̧a̧-mä̧ Jesú 'kuäopa'a topü pä'inü̧: —¡Chujua ja̧'a̧, Dio äji oweja mü̧ä̧ya̧mä̧!
Ja̧'wa̧nü̧ ja̧'a̧nä̧ o'katoi'ünä̧, jua̧u̧ru̧ yattokuoka'a do'ädinä̧tü̧rü̧mä̧; churutä esetätürümä̧, Dio i̧tti̧mü̧ päi'ünä̧tä̧ juo'epü ikuinä̧u̧.
Isopäi'ünä̧ jua̧u̧ tȩya̧u̧mä̧, pi̧jä̧ ttü̧ja̧ o'katoi'ünä̧rü̧ kkä̧dȩpa̧ pä'ü ichäkua'a ji̧na̧'a̧.
Ju̧a̧-mä̧, Jua̧u̧ ütü'kü ji'äu, pä̧i̧ku̧nä̧ pä'inü̧: Pide ja̧'a̧, ütü'kü pädinä̧ku̧mä̧: «Ttü cho'ka'anä̧ ichümä̧, ttü'i̧nä̧ chä'koji i̧sa̧ ji̧na̧'a̧; jua'amä̧ ttü'i̧nä̧ chä'koji kki̧nü̧ ja̧'a̧ttü̧».
Tu̧ru̧wa̧ jȩa̧ päinü̧ jo̧mȩnü̧ päi'a pä'ümä̧ rekuodä'chokü, yotukunä̧ ttamükuäda'anü̧mä̧, ja̧'wa̧nü̧ ja̧jü̧jueimä̧ ukutukumä̧ tta̧mi̧ 'ki'ächi'äkuäwä kku̧nä̧rü̧, ja̧'wa̧nü̧ ja̧'a̧ttü̧ ya̧tȩ'i̧nä̧ wa'ü ikuamä̧ pä'okü, wa'ü ttikuajueimä̧ o'katoi'ünä̧tä̧ Dio-kutä ppa̧ttä̧cha̧tä̧ pä'ü.
Ja̧'wa̧ta̧nü̧ Dio-mä̧ rȩrü̧jü̧nü̧ toü tü'kümä̧ i̧jȩpi̧nü̧, ttü̧ja̧ o'katoi'ünä̧rü̧ surojüttü ttü̧ji̧pü̧nä̧ ppä'ädü.
Ja̧'wa̧ta̧nü̧ weinä̧ku̧sä̧ o'katoi'ünä̧ ttu̧wo̧juä̧chi̧'ü̧nä̧ jidäwa pä'ü, Dio amükuädü u̧ju̧ni̧nü̧, mo̧ täbokütä päi'ünä̧ yä̧wä̧i̧nä̧ chunä̧tä̧ kka̧kui̧nü̧, pi̧jä̧ ruwäkuiyä adikuä i̧sa̧nä̧.
Ja̧'wa̧ta̧nü̧ jua̧u̧mä̧ o'katoi'ünä̧ ra̧wä̧pi̧jü̧ttü̧ kka̧kui̧pü̧ isopäi'ünä̧ wȩnȩ ttu̧wo̧juä̧chi̧'o̧mȩbü päi'ünä̧ tti̧rȩbȩwa̧ pä̧wä̧rü̧jä̧ku̧.
Ju̧a̧-mä̧ pi̧yȩ ji'äwinü̧, Jerusarȩ́-ra̧'a̧ttü̧ judío tturuwotü, sacerdote wotü'i̧nä̧, Levitas pä̧ttä̧u̧'i̧nä̧, ¿Ukumä̧ dí kua'ajä̧ttü̧? pä'ü jä'epü ttä̧ju̧kua̧rü̧ pä'ü wettäjäkumä̧.
Ja̧'wa̧nü̧ ja̧'a̧ttü̧ ukutumä̧ o'katoi'ünä̧ Dio i̧tti̧mü̧jä̧, Crito Jesú-ru kua̧'kua̧ ku̧wȩnä̧rä̧tu̧kua̧'a̧mä̧.