San Juan 1:49 - Nuevo Testamento Uwotjüja

⁴⁹ Päku, Natanael-mä̧ pä'inü̧: —Wo̧juȩkuä̧ i̧sa̧ ¡Ukumä̧ isopäi'ünä̧ Dio i̧tti̧jä̧, Irae ttü̧ja̧ ttu̧ru̧wa̧ Rey-jä̧!

TÄ̧DO Ä̧CUÄ̧ I̧HUȨNȨ

⁴⁹ Ja̧'hua̧ ja̧'a̧ Natanael pä'inödo: —Huo̧juȩcuä̧ I̧sa̧, ucumä Dios I̧tti̧jä̧. Ucumä Israel ttö̧ja̧ Ttu̧ru̧hua̧jä̧.

San Juan 1:49 Referans Kwoze

San Juan 1:34

Ja̧'wa̧nü̧ tochina̧'a̧ttü̧ pä'üsä, jua̧u̧tä̧ ja̧'a̧ Dio i̧tti̧mä̧, jü̧nä̧.

San Lucas 19:38

Pä'inä̧tü̧: —¡Dio i̧mi̧nä̧ ichü Tu̧ru̧wa̧rü̧ juiyo adiwa'a! ¡Mo̧ro̧jä̧nä̧ttü̧ wȩnȩ juiyü, eseäkuäwä kka̧'a̧!

San Mateo 27:42

—Kkorotürümä̧ ra̧wä̧pi̧jü̧ttü̧ ttü̧ji̧pü̧nä̧ ppädina̧'a̧nä̧, a̧mü̧nä̧ pa̧ja̧tü̧ wa'arettümä̧ ü̧ji̧pü̧ juiyünä̧ wa̧, Irae ttü̧ja̧ ttu̧ru̧wa̧sä̧ pä'ija'anä̧: ¡isopäi'ünä̧ ü̧jo̧kä̧ jäittü i̧mȩyȩwä̧chü̧ttü̧tä̧, tesetä̧kua̧!

San Mateo 21:5

Sión ütawiyänä̧ ji'äwi: Topi, Ru̧wa̧ Rey-mä̧ uku ku̧ja̧'a̧ku̧ ichü. Buro-nä̧, ukuo i̧sa̧ jü̧nä̧ wä̧nü̧, Buro ji̧'chi̧cha̧wa̧, i̧sa̧ a̧mä̧kü̧ ȩpü̧ jü̧nä̧ ttu'uttädäkunä̧.

San Mateo 2:2

Juätümä̧, jä'epü ä̧ju̧kui̧nä̧tü̧: —¿Tȩnȩ́ ü̧ja̧'a̧jä̧ttü̧, judío ttu̧ru̧wa̧ Rey uwäpächäjimä̧? Jua̧u̧ uwäpächü siri'ko kkä̧wa̧ räopa'akuttü i̧jȩkua̧'a̧ topäjä'kotü, jua̧u̧ru̧ eseu ichäjätüjä̧.

San Juan 1:38

Ja̧'wa̧nü̧ ja̧'a̧ Jesú-mä̧ kkärächi'ü toomȩnä̧, o'ka'anä̧ ttichiyäku jä'epü ä̧ju̧kui̧nä̧u̧: —¿Däjé kusätukua'ajä̧ttü̧? päomȩnä̧, ttädätinä̧ku̧: —Wo̧juȩkuä̧ i̧sa̧, ¿Tȩnȩ́ ku̧ja̧'a̧jä̧ttü̧?

San Mateo 27:11

Ru̧wa̧ ä'ka jo̧mȩ ttȩpä̧ja̧'a̧ Jesú-ru, jä'epü ä̧ju̧kui̧nü̧: —¿Ukujä̧ judío ttu̧ru̧wa̧ Rey-mä̧? —Päku, Jesú ädätinü̧: —Ukujä̧, ja̧'wa̧nü̧ pä'ümä̧.

San Mateo 14:33

Woi'kanä̧ pȩjä̧tü̧mä̧ Jesú ä'ka jo̧mȩ ttiwe'kiyunä̧ kka̧kuä̧mü̧ pä'inä̧tü̧: —¡Isopäi'ünä̧tä̧ ukumä̧ Dio I̧tti̧jä̧!

San Juan 18:37

Päomȩnä̧ Pilato-mä̧ pä'inü̧: —¿Jua̧u̧nu̧mä̧, ukutäjä̧ judío ttu̧ru̧wa̧ rey-mä̧? Jesú ädätinü̧: —Ukutäjä̧, ttürü judío ttu̧ru̧wa̧ rey-jä̧ pä'ümä̧. Ttümä̧ pi̧yȩtä̧ ä̧tȩkuä̧nä̧ uwäpächü ichinü̧sä̧ pi̧jä̧ra̧'a̧mä̧, jueü wȩnȩ jidäwa pä'ü. O'katoi'ünä̧ jueü wȩnȩ isotümä̧, ttü chi̧wȩnȩ ä̧ju̧kuä̧tü̧.

San Juan 1:18

Ya̧tȩ'i̧nä̧ Dio-rü topinü̧mä̧ toa'a; ja̧'wa̧nü̧ ja̧'a̧nä̧ Dio I̧tti̧ chu̧'ä̧kua̧, chutäku todeunä̧ kkü̧tä̧ ja̧'a̧, jua̧u̧ru̧ tu̧wo̧juö̧nä̧ i̧jȩpü̧mä̧.

San Mateo 4:3

Ja̧'wa̧nü̧ ja̧'a̧ Äwettämä̧ kka̧kuä̧mü̧ toa pä'ü, Jesú ü̧jo̧mȩku̧ ichi'ü päinä̧ku̧: —Isopäi'ünä̧ Dio I̧tti̧ kuttümä̧, pi̧yȩ inä̧du kuäkuäwä päi'ünä̧ pärowächünä̧, pä'i.

San Mateo 23:7

Ja̧'wa̧ta̧nü̧ ttu̧kuȩ ȩmä̧wo̧mȩttü̧mä̧ ukuotünü̧ te'äu kkä̧nü̧'i̧nä̧, wo̧juȩkuä̧ isotü, wo̧juȩkuä̧ isotü ottatü pä'ätü.

San Mateo 23:8

Ja̧'wa̧nü̧ ja̧'a̧nä̧ ukutumä̧ wo̧juȩkuä̧ isotü pä'ü ottünä̧mä̧ jȩ'kuä̧tu̧kuä̧, ukutumä̧ o'katoi'ünä̧ kuawaruwä kui̧jä̧wa̧tü̧ wotütä kuätukua'attü. Ja̧'wa̧ta̧nü̧ wo̧juȩkuä̧ i̧sa̧rü̧mä̧ ya̧tȩrü̧tä̧ kku̧nä̧rä̧tü̧jä̧, Crito-rütä.

San Marcos 15:32

¡Crito, Irae ttü̧ja̧ ttu̧ru̧wa̧ Rey, kuttümä̧! topü tesetaku, jitätä ü̧jo̧kä̧nü̧ jäittü mȩyȩwä̧chi̧.» Ja̧'wa̧ta̧nü̧, ü̧jo̧kä̧nü̧ jäinä̧ kka̧kuä̧tü̧'i̧nä̧, kkü'kü jui'ü suronä̧ pättä'chinä̧ku̧.

San Lucas 1:35

Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

San Juan 1:50

Päiyäku Jesú-mä̧ ädätinä̧ku̧: —¿Higuera dau dȩa̧'a̧ ku̧'a̧'a̧ tochäjäkujä̧ pädäjiyäkutä kueseta'a tä̧jí̧? jitä yabokumä̧ jua̧u̧ttü̧'i̧nä̧ abonä̧nü̧ jü̧ to̧'kuä̧kua̧jä̧.

San Juan 4:31

Ja̧'wa̧nü̧ ja̧'a̧nä̧, u̧wo̧juȩtä̧u̧mä̧, —Chu̧ru̧wa̧, ¡isoo! ku̧kuȩ kuiti pä'ü, ttu̧kuo̧kuä̧ri̧nä̧ku̧.