San Juan 1:45 - Nuevo Testamento Uwotjüja

⁴⁵ Ja̧'wa̧ta̧nü̧ Felipe-mä̧, Natanael-rü po̧kui̧pü̧ pä'inü̧: —Weäwä wȩnȩnä̧ Moisé i̧wȩyȩti̧nä̧ku̧ pä'ijürü, profeta winä̧tü̧ tti̧wȩyu̧ti̧nä̧ku̧ pä'ijürü, Jesú nazare i̧sa̧, José i̧tti̧rü̧ po̧kui̧pä̧jä̧tü̧jä̧,

TÄ̧DO Ä̧CUÄ̧ I̧HUȨNȨ

⁴⁵ Jesús Feliperö oipäji o'ca'a, Felipemä Natanaelrö o'ipö 'chi̧nö̧do. Ja̧u̧ru̧ pä'inödo: —Moisés hueähuä huȩnȩnä̧ huȩyu̧tu̧ päinäcuru topäjätöjä̧. Ja̧'hua̧ta̧nö̧ Dios i̧huȩnȩ jiäcuähuä isotö pättinäcuru topäjätöjä̧. Ja̧u̧mä̧ Jesús, José i̧tti̧do, Nazaret ötahuiyänä ki̧nö̧do.

San Juan 1:45 Referans Kwoze

San Lucas 24:27

Jua̧u̧ pä'ü kä'ädü, Moisé i̧wȩyu̧ti̧nü̧ttü̧ kkä̧mä̧dü̧, profeta tti̧wȩyu̧ti̧nü̧'i̧nä̧ ukuokuinä̧u̧, wȩyu̧kuä̧ wȩnȩ chutä ütü'kü ukuokumä̧ o'kajuiyünä̧tä̧.

San Mateo 2:23

Juä̧jä̧ rȩjȩnä̧ 'chä̧wi̧'ü̧mä̧, Nazare ütawiyänä̧ idepiyu päi'ünä̧ kkä̧mä̧di̧nü̧. Jua'amä̧ profetas pättinü̧ta̧'a̧nü̧ 'kuäopa'attü, pa̧'a̧nü̧ pä'inä̧tü̧: «Jesú-mä̧ nazare ütawiyä ttü̧ja̧sa̧ pä'ü i̧mi̧kuä̧kua̧.»

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

San Lucas 4:22

O'katoi'ünä̧tä̧ Jesú ütü'kümä̧ adiu ukuokuinä̧tü̧ ja̧'wa̧ta̧nü̧ adiwä jueitä ukuokuiyä̧u̧, isoo pä'ü amükuädinä̧tü̧. Jua̧u̧ pä'ü kkä̧nü̧ pä'inä̧tü̧: —¿Pidemä̧ José i̧tti̧ pä'ijümä̧kü̧?

San Juan 18:7

Pä'äjita'anü̧, Jesú jä'epü ä̧ju̧kui̧nä̧u̧: —¿Dírü kusätukua'ajä̧ttü̧? Päomȩnä̧, ädätinä̧tü̧: —Jesú, Nazare ttü̧ja̧sa̧rü̧.

San Marcos 6:3

¿Pidemä̧, María kki̧tti̧ (Carpintero) pä'ijümä̧kü̧ ja̧'wa̧ta̧nü̧ Jacobo'i̧nä̧, José'i̧nä̧ Juda'i̧nä̧ Simón'i̧nä̧ ttubüo pä'ijümä̧kü̧? ¿Ja̧'wa̧ta̧nü̧ ü̧jä̧wa̧tü̧ nä̧tü̧mä̧ ujututä ttü̧jä̧'i̧jä̧ttü̧? —Ja̧'wa̧nü̧ pä'ü rü̧ȩnä̧juo'eku, esetokotü pinä̧tü̧.

San Mateo 21:11

Ttü̧ja̧mä̧, pä'inä̧tü̧: —Jua̧u̧mä̧ Galirea rȩjȩ, Nazare i̧sa̧ Jesú, profeta i̧sa̧ ja̧'a̧.

Hechos 22:8

Päiyäku, jä'epinü̧sä̧: ¿Dí kua'ajä̧ttü̧, Chu̧ru̧wa̧? pädäku ädätinü̧: Ttü ru̧kuä̧rä̧ku̧mä̧, Jesú-sä Nazare i̧sa̧sä̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

San Juan 21:2

Simón Peduru'i̧nä̧, ta̧ju̧winü̧ pättinä̧ku̧ Tomá'i̧nä̧, Galirea-ttü Caná i̧sa̧ pinü̧ Natanael'i̧nä̧, Zebedeo i̧tti̧mü̧'i̧nä̧ ja̧'wa̧ta̧nü̧ kkorotü Jesú u̧wo̧juȩtä̧u̧ ta̧ju̧, ji̧nä̧ yo̧mȩtȩ ttü̧ja̧kua̧'a̧,

San Lucas 2:4

Ja̧'wa̧nü̧ ji̧yä̧ku̧ José-mä̧ Nazare ütawiyättü, Galirea rȩjȩnä̧ttü̧ rä'opächü Judea rȩjȩra̧'a̧ku̧, Berȩ́ ütawiyä Dawi idepiyura̧'a̧ku 'chi̧nü̧, José-mä̧ Dawi isotü i̧sa̧ ja̧'a̧ttü̧.

San Marcos 14:67

ichi'opo'ü, Peduru-rü okurä tä̧nü̧ ü̧'ja̧'a̧ topü, to̧o̧ to̧jä̧ra̧'a̧ttü̧ päjinä̧ku̧: —Uku'i̧nä̧, nazare i̧sa̧jä̧, Jesú-ku kue'ächä'ijü̧jä̧.

San Mateo 13:55

¿Pidemä̧, dau odiyä adikuä i̧sa̧ i̧tti̧ pä'ijü i̧tti̧mä̧kü̧?, ¿ja̧ju̧mä̧ María pä'ijäjumä̧kü̧, Sa̧ti̧a̧ku̧'i̧nä̧, José'i̧nä̧, Simón'i̧nä̧, Juda'i̧nä̧ ttubüo pä'ijümä̧kü̧?,

Hechos 26:9

Ttütä'i̧nä̧ ä'kojimä̧ amükuädinü̧sä̧, kka̧ku̧nä̧mä̧ o'kajuiyünä̧tä̧ jȩpü̧, Jesú nasaret i̧sa̧ i̧mi̧ surojuodepa pä'ü,

Hechos 3:6

Ja̧'wa̧nü̧ ja̧'a̧nä̧ Peduru-mä̧ päinä̧ku̧: —Pärätä'i̧nä̧, oro'i̧nä̧ juida'anä̧, chu̧ju̧nä̧rü̧mä̧ chiyäkujä̧: Jesucrito Nazare i̧sa̧ i̧mi̧nä̧, ä̧rä̧mi̧'ü̧ kue'ächi.

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

San Juan 19:19

Ja̧'wa̧nü̧ ja̧'a̧, Pilato-mä̧ ü̧jo̧kä̧ jäi wä̧mȩ wȩyu̧tu̧ ttütünä̧ we'inü̧: «Judío TTU̧RU̧WA̧ Rey-mä̧, Jesú Nazare I̧SA̧ JA̧'A̧», jü̧nä̧.

San Juan 18:5

Jä̧ȩpä̧u̧ ädätinä̧tü̧: Jesú, Nazare ttü̧ja̧sa̧rü̧. Pättiyäku, Jesú pä'inü̧: —Ttütäsä. Ji̧nä̧so iyü iku, Juda-mä̧ juätütäku kki̧nü̧.

San Juan 6:42

Ja̧'wa̧nü̧ ja̧'a̧mä̧ pä'inä̧tü̧: —¿Pidemä̧ José i̧tti̧, Jesú pä'ijümä̧kü̧? Jä'orü'i̧nä̧, ja̧ju̧ru̧'i̧nä̧ tu̧wo̧jui̧yä̧ku̧. ¿Tta̧'a̧nü̧ pä'ü jitämä̧, mo̧ro̧jä̧ra̧'a̧ttü̧ mȩyȩwi̧nü̧sä̧ pä'attü̧?

San Lucas 3:23

Jesú-mä̧ treinta-nü̧ año jo̧mȩnä̧ kku̧nä̧ri̧nü̧ aditäwä kkä̧mä̧dü̧ aditinü̧mä̧. Jesú-mä̧ José i̧tti̧ pä'ütä ttu̧wo̧jui̧nä̧ku̧. José-mä̧ Elí i̧tti̧ ji̧na̧'a̧,

San Mateo 10:3

Felipe'i̧nä̧, Bartoromé'i̧nä̧; Tomá'i̧nä̧ ja̧'wa̧ta̧nü̧ pärätä ka̧ka̧tä̧'i̧jü̧ Mateo'i̧nä̧; Alfeo i̧tti̧ Sa̧ti̧a̧ku̧'i̧nä̧, Tadeo'i̧nä̧;

San Lucas 2:48

Ja̧'wa̧nü̧ topo'ü jä'o'i̧nä̧, ja̧ju̧'i̧nä̧ ¡isoo! pä'ü amükuädü ja̧ju̧mä̧ päjinä̧ku̧: —U̧bo̧ ¿Tta̧'a̧nü̧ pä'ü ja̧'wa̧nü̧ jȩ'kuä̧jä̧tü̧ttü̧? Topi, kuä'okumä̧ ajuäkuäu u̧sä̧rä̧jä̧tü̧jä̧.

San Juan 1:44

Jua̧u̧ Felipe-mä̧, André-ku, Peduru-ku ttidepiyu Betsaida ütawiyä ttü̧ja̧sa̧ pinü̧.

San Juan 6:5

Ja̧'wa̧nü̧ ja̧'a̧ Jesú-mä̧ toomȩnä̧, ttü̧ja̧ rekuätü ttü̧ka̧ka̧kuä̧ji̧yä̧ku̧, Felipe-rü pä'inü̧: —¿Jitüja ttü̧ja̧ o'katoi'ünä̧ ttukua pä'ümä̧, torü tȩmä̧kua̧'a̧jä̧ttü̧?

San Juan 6:7

Päomȩnä̧ Felipe-mä̧, ädätinä̧ku̧: —Pärätämä̧, todäre mo̧ro̧ jo̧mȩnä̧ ä̧tȩkuo̧mȩ aditi'ü'kotü, ttȩma̧ja̧ pä'ü'i̧nä̧ ttu̧kuȩmä̧ pa̧ja̧kuä̧chü̧ juiyü'anü̧ ja̧'a̧.

San Juan 12:21

Juätümä̧ Galirea rȩjȩ, Betsaida ütawiyä ttü̧ja̧sa̧ Felipe-rü ichi'ü jä'epü pä'inä̧tü̧: —Chu̧ru̧wa̧, Jesú-ru tota pä'ätüjä̧.

San Juan 14:8

Päomȩnä̧, Felipe-mä̧ pä'inü̧: —Chu̧ru̧wa̧, kuä'orü i̧jȩpi̧ttü̧, kui̧jȩpü̧ttü̧mä̧, jua'a yabonü̧mä̧ jä̧tȩpä̧ro̧ko̧ku̧jä̧.

San Lucas 18:37

Pä̧u̧ jittäwinä̧ku̧: Jesú nazare i̧sa̧ 'kuäopü, jü̧nä̧.