San Juan 1:44 - Nuevo Testamento Uwotjüja

⁴⁴ Jua̧u̧ Felipe-mä̧, André-ku, Peduru-ku ttidepiyu Betsaida ütawiyä ttü̧ja̧sa̧ pinü̧.

TÄ̧DO Ä̧CUÄ̧ I̧HUȨNȨ

⁴⁴ Ja̧u̧ Felipe Betsaida ötahuiyänä ki̧nö̧do. Andrés'inä, Pedro'inä ja̧u̧ ötahuiyänä ka̧cui̧nä̧tö̧do.

San Juan 1:44 Referans Kwoze

San Juan 12:21

Juätümä̧ Galirea rȩjȩ, Betsaida ütawiyä ttü̧ja̧sa̧ Felipe-rü ichi'ü jä'epü pä'inä̧tü̧: —Chu̧ru̧wa̧, Jesú-ru tota pä'ätüjä̧.

San Mateo 11:21

¡Isoó isottü̧, Corazín ütawiyä ttü̧ja̧we! ¡Isoó Betsaida ütawiyä ttü̧ja̧we! Isopäi'ünä̧ ukuturu jü̧'a̧nü̧ Tiro ttü̧ja̧rü̧, Sidón ttü̧ja̧rü̧ jȩtto̧kü̧ juei jȩtti̧nü̧ttü̧mä̧, ä̧ya̧ri̧ jäwänä̧ jȩpä̧kuä̧u̧ su̧ro̧jä̧ta̧ 'ka̧tä̧wi̧'ü̧, täkü mo̧tä̧ Dio-ku ppa̧'a̧chi̧na̧ja̧tü̧.

San Lucas 10:13

¡Isottü̧, ukutu Corazín ütawiyä ttü̧ja̧we! ¡Isottü̧ ukutu Betsaida ütawiyä ttü̧ja̧we! Isopäi'ünä̧ ukuturu jü̧'a̧nü̧, jȩtto̧kü̧ juei jäwä Tiro ütawiyä ttü̧ja̧rü̧'i̧nä̧, Sidón ütawiyä ttü̧ja̧rü̧'i̧nä̧ ttä'kattü ji̧nü̧ttü̧mä̧, juätümä̧ ttü̧'ka̧tä̧wä̧ti̧yu̧ surojü o'pi 'ka̧tä̧wi̧'ü̧, okurä i̧sa̧ppȩttü̧ jiwäwi'ü surojü jȩttä̧'i̧jü̧ttü̧mä̧ kä'ädäkuäu Dio-ku ppa̧'a̧cha̧ja̧tü̧.

San Lucas 9:10

Jesú u̧wo̧juȩtä̧u̧ apótore wȩä̧jä̧u̧ ppa̧tä̧chi̧'o̧mȩnä̧mä̧ jȩttä̧ji̧mä̧ o'kajuiyünä̧ jittäwinä̧ku̧. Jua̧u̧ o'ka'a, juätürü i̧mi̧ku̧nä̧ wopo'ü, ttü̧ja̧ toächomȩ Betsaida ütawiyära̧'a̧ku̧ oipächinä̧u̧.

San Marcos 8:22

Jua̧u̧nü̧ o'ka'a Betsaida ütawiyära̧'a̧ ichi'äji'ka̧ ü̧ja̧'a̧, ä̧to̧ka̧rü̧ Jesú ü̧jo̧mȩku̧ i'chächipü mȩi̧ya̧tü̧ pä'ü ajuäkuäunü̧ jä'epinä̧tü̧.

San Marcos 6:45

Jua̧u̧ 'kuäopäji o'ka'a, Jesú-mä̧, u̧mü̧wä̧yotürü woi'kanä̧ ä'kanä̧ tti̧'cha̧ pä'ü we'ü ikuinü̧. Ä'kanä̧ rü̧ä̧ duboranä̧ Betsaida ütawiyära̧'a̧ku̧ ttijäwiyarü pä'ü, chutämä̧ ttü̧ja̧rü̧ tti̧wa̧ pä'ü we'ü iku ü̧ji̧pa̧'a̧nä̧.

San Marcos 3:18

Ja̧'wa̧ta̧nü̧ André'i̧nä̧, Felipe'i̧nä̧, Bartoromé'i̧nä̧, Mateo'i̧nä̧, Tomá'i̧nä̧, Alfeo i̧tti̧ Sa̧ti̧a̧ku̧'i̧nä̧; Tadeo'i̧nä̧, canaá̧ ttü̧ja̧sa̧ Simón'i̧nä̧.

San Mateo 10:3

Felipe'i̧nä̧, Bartoromé'i̧nä̧; Tomá'i̧nä̧ ja̧'wa̧ta̧nü̧ pärätä ka̧ka̧tä̧'i̧jü̧ Mateo'i̧nä̧; Alfeo i̧tti̧ Sa̧ti̧a̧ku̧'i̧nä̧, Tadeo'i̧nä̧;

Hechos 1:13

Ja̧'wa̧nü̧ ja̧'a̧ rȩbȩä̧kuä̧wi̧'ü̧mä̧, isode wä̧mȩ i̧so̧ka̧nä̧ ttü̧ja̧kuä̧jä̧ka̧nä̧ dodepinä̧tü̧, juätümä̧: Peduru'i̧nä̧, Ju̧a̧'i̧nä̧, Jacobo'i̧nä̧, André'i̧nä̧, Felipe'i̧nä̧, Tomá'i̧nä̧, Bartoromé'i̧nä̧, Mateo'i̧nä̧, Alfeo i̧tti̧ Jacobo'i̧nä̧, Simón Zerote pä'ü ottinä̧ku̧'i̧nä̧ ja̧'wa̧ta̧nü̧ Juda, Jacobo ü̧jä̧wa̧'i̧nä̧ ji̧na̧'a̧.

San Lucas 6:14

Juätümä̧ pitü ji̧na̧'a̧: Simón, kkoro i̧mi̧mä̧ Peduru pä'ü oinä̧ku̧'i̧nä̧; ja̧'wa̧ta̧nü̧ ü̧jä̧wa̧ André'i̧nä̧; Sa̧ti̧a̧ku̧'i̧nä̧, Ju̧a̧'i̧nä̧, Felipe'i̧nä̧, Bartoromé'i̧nä̧,

San Juan 1:43

Ja̧'wa̧ta̧nü̧ kkoro mo̧ro̧, Jesú-mä̧ Galirea rȩjȩra̧'a̧ 'chi̧nü̧. Jua'attü Felipe-rü po̧kui̧pü̧ pä'inü̧: —Ttüku ichi.

San Juan 1:45

Ja̧'wa̧ta̧nü̧ Felipe-mä̧, Natanael-rü po̧kui̧pü̧ pä'inü̧: —Weäwä wȩnȩnä̧ Moisé i̧wȩyȩti̧nä̧ku̧ pä'ijürü, profeta winä̧tü̧ tti̧wȩyu̧ti̧nä̧ku̧ pä'ijürü, Jesú nazare i̧sa̧, José i̧tti̧rü̧ po̧kui̧pä̧jä̧tü̧jä̧,

San Juan 1:46

Päomȩnä̧, Natanael-mä̧ pä'inü̧: —¿Nazare ütawiyättümä̧, adiwä juei räopü'anü̧ tä̧jí̧? Päiyäku Felipe-mä̧, päinä̧ku̧: —Ukutä, to'kua ichi.

San Juan 1:48

Päiyäku Natanael-mä̧ jä'epü ä̧ju̧kui̧nä̧ku̧: —¿Ttürümä̧ toku ku̧wo̧jua̧'a̧jä̧ttü̧? Päku, Jesú-mä̧ ädätinä̧ku̧: —Felipe ukuru woäkua'a ä'kanä̧, higuera dau dȩa̧'a̧ ku̧'a̧'a̧ tochäjäkujä̧.

San Juan 6:5

Ja̧'wa̧nü̧ ja̧'a̧ Jesú-mä̧ toomȩnä̧, ttü̧ja̧ rekuätü ttü̧ka̧ka̧kuä̧ji̧yä̧ku̧, Felipe-rü pä'inü̧: —¿Jitüja ttü̧ja̧ o'katoi'ünä̧ ttukua pä'ümä̧, torü tȩmä̧kua̧'a̧jä̧ttü̧?

San Juan 6:7

Päomȩnä̧ Felipe-mä̧, ädätinä̧ku̧: —Pärätämä̧, todäre mo̧ro̧ jo̧mȩnä̧ ä̧tȩkuo̧mȩ aditi'ü'kotü, ttȩma̧ja̧ pä'ü'i̧nä̧ ttu̧kuȩmä̧ pa̧ja̧kuä̧chü̧ juiyü'anü̧ ja̧'a̧.

San Juan 12:22

Pättäku, Felipe-mä̧, André-rü ji'äwinü̧; ja̧'wa̧nü̧ ja̧'a̧ Felipe'i̧nä̧, André'i̧nä̧ Jesú-ru ji'äu 'chi̧nä̧tü̧.