San Juan 1:19 - Nuevo Testamento Uwotjüja

¹⁹ Ju̧a̧-mä̧ pi̧yȩ ji'äwinü̧, Jerusarȩ́-ra̧'a̧ttü̧ judío tturuwotü, sacerdote wotü'i̧nä̧, Levitas pä̧ttä̧u̧'i̧nä̧, ¿Ukumä̧ dí kua'ajä̧ttü̧? pä'ü jä'epü ttä̧ju̧kua̧rü̧ pä'ü wettäjäkumä̧.

TÄ̧DO Ä̧CUÄ̧ I̧HUȨNȨ

¹⁹ Judíos ttö̧ja̧ Jerusalén ötahuiyänä ka̧cuä̧tö̧mä̧, sacerdotesrö'inä, levitas ttö̧ja̧rö̧'i̧nä̧ hue'inätödo Juanrö jä'epö ttä̧ju̧cua̧ pä'ö. Jä'epinätödo: —Ucumä ¿di cu'ättö?

San Juan 1:19 Referans Kwoze

San Juan 10:24

Ja̧'wa̧nü̧ ja̧'a̧ judío-mä̧ ka̧ka̧kui̧pü̧ pättinä̧ku̧: —¿Ti̧yȩnü̧bü päi'ünä̧ kuäppü̧tä̧rä̧kuä̧u̧jä̧ttü̧? Isopäi'ünä̧, Crito kuttümä̧, ya'uteku wäjuönä̧ ji'äwitü.

Hechos 19:4

Pättiyäku, Pauru-mä̧ päinä̧u̧: Ju̧a̧-mä̧, surojüttü kättädi'a pä'ütä, bautizo jȩpü̧ pä'inü̧: Cho'ka'anä̧ ichürü kuesetätukua pä'ü ja̧'a̧, jua̧u̧mä̧ Jesú jä̧kua̧'a̧, Crito-mä̧.

Hechos 13:25

Ja̧'wa̧nü̧ ja̧'a̧, Ju̧a̧-mä̧ aditäwä jo̧mȩnü̧ kä'ädäkuäumä̧ pä'inü̧: Ttümä̧, ukutu jua̧u̧tä̧ ja̧'a̧ pä'ü kuamükuädä'ijätukuäkumä̧kü̧sä̧; ja̧'wa̧nü̧ ja̧'a̧nä̧ ttü cho'ka'anä̧ ichü, ya̧tȩ, jua̧u̧ru̧ ttümä̧ ü̧jä̧pü̧ isäya isappä'i̧nä̧ chejäda pä'ümä̧ weü juiyü'anü̧ wa̧sä̧.

San Juan 2:18

Ja̧'wa̧nü̧ jȩi̧yä̧u̧ judío-mä̧ Jesú-ru jä'epü ä̧ju̧kui̧nä̧tü̧: —¿Ja̧'wa̧nü̧ jȩ'kua̧'a̧mä̧, dí weäwänä̧ jȩ'kua̧'a̧jä̧ttü̧?

San Juan 5:10

Judío-mä̧, jua̧u̧ pi̧'ä̧ji̧rü̧mä̧ pä'inä̧tü̧: —Pi̧yȩ mo̧ro̧mä̧, sawaru mo̧ro̧ ja̧'a̧; ku̧'ä̧'i̧jä̧bämä̧ kuȩpa̧ pä'ü weäwoka'a.

San Juan 6:52

Ja̧'wa̧nü̧ päomȩnä̧, judío-mä̧ tta̧mü̧nä̧ wopäkuäwinä̧tü̧: —¿Toku i̧yä̧kuä̧u̧jä̧ttü̧ idepä ttukua pä'ümä̧?

San Juan 6:41

Ja̧'wa̧nü̧ ja̧'a̧ttü̧ judío-mä̧ Jesú-ru ya̧'ä̧wä̧'chi̧nä̧tü̧: Ttütäsä kuäkuäwä, mo̧ro̧jä̧ra̧'a̧ttü̧ mȩyȩwi̧nü̧mä̧ päjiyä̧u̧.

San Juan 1:7

Jua̧u̧mä̧, tȩya̧u̧ u̧wo̧jua̧'a̧; jua̧u̧ tȩya̧u̧ tü'kü jiäwa pä'ü ichinü̧ o'katoi'ünä̧ ttesetiyarü pä'ü.

San Juan 2:20

Pä̧i̧yä̧u̧ judío-mä̧ pättinä̧ku̧: —Podemä̧, cuarenta y sei año jo̧mȩnä̧ ttaditinode ja̧'wa̧nü̧ ja̧'a̧ ¿ukumä̧ wäbodäkuä mo̧ro̧tä̧ adito'ü kuäräbe'äkua'a?

San Juan 5:15

Päjäkumä̧, judío-rü 'chä̧wi̧'ü̧ ji'äwinü̧: Jesú jä̧ja̧'a̧ ttürü aditü ikuäjimä̧ pä'ü.

San Juan 5:16

Ja̧'wa̧nü̧ sawaru mo̧ro̧ jȩi̧yä̧u̧ judío-mä̧, Jesú-ru kuä'ü ttikua pä'ü jȩpi̧nä̧tü̧.

San Juan 5:18

Ja̧'wa̧nü̧ pä̧i̧yä̧u̧ judío-mä̧, yabokutä kuä'ü ttikua pättinä̧ku̧; jua'amä̧ sawaru mo̧ro̧tä̧ ukuotoka'atämä̧kü̧, Dio-rü'i̧nä̧ Chä'o, pä'ükkä̧nü̧, Dio jü̧ta̧'a̧nü̧ yoräteku päomȩnä̧.

San Juan 7:1

Jua̧u̧ 'kuäopäji o'ka'a Jesú-mä̧ Galirea rȩjȩnä̧ kue'ächinü̧; ja̧'wa̧nü̧ ja̧'a̧nä̧ Judea rȩjȩnä̧mä̧ ü̧ja̧ pä'okü pinü̧, judío kuä'ü ttikua pättäku.

San Juan 7:11

Ja̧'wa̧nü̧ ja̧'a̧, Judío-mä̧ pä'kärira̧'a̧ttü̧ u̧sä̧rü̧ pä'inä̧tü̧: —¿Chupä'ijümä̧, too ü̧ja̧'a̧jä̧ttü̧?

San Juan 7:15

Jua̧u̧ wo̧juȩtü̧ wo̧juȩku̧nä̧ u̧wo̧juȩti̧yä̧u̧, judío-mä̧ isoó, pä'inä̧tü̧: —¿Toku ja̧'a̧ wo̧jua̧jä̧ttü̧ chujuamä̧, kuyärumä̧ uwo̧jui̧'o̧ka̧'a̧ ji̧na̧'a̧nä̧?

San Juan 8:22

Päomȩnä̧, judío-mä̧ pä'inä̧tü̧: —¿Jua'amä̧ kuä'äu ikua pä'üdí̧ pä'a, ttü chi̧'cha̧'a̧mä̧, kuichü juiyünä̧ wotüjä̧ pä'amä̧?

San Juan 8:48

Ja̧'wa̧nü̧ pä̧i̧yä̧u̧ judío-mä̧ pättinä̧ku̧: —Ja̧'wa̧nü̧ ji̧yä̧u̧, ujutumä̧, ukurumä̧ Samaria ttü̧ja̧sa̧jä̧, epíritu su̧ro̧pa̧ ü̧jä̧ku̧ pätäkujä̧.

San Juan 8:52

Judío-mä̧ ttädätinä̧ku̧: —Jitämä̧, isopäi'ünä̧ epíritu su̧ro̧pa̧ ü̧jä̧ku̧ pä'ü wo̧juä̧tü̧jä̧. Abraha̧'i̧nä̧, profeta-tü̧'i̧nä̧ wa'ü ttikuina̧'a̧nä̧, ukumä̧, ttü chi̧wȩnȩ ukuotätümä̧ wa'ü ikuokotü ttäkuotü päkua'attü̧.

San Juan 8:57

Ja̧'wa̧nü̧ pä̧i̧yä̧u̧ judío-mä̧ Jesú-ru pä'inä̧tü̧: Ji̧nä̧ cincuenta-nü̧ año'i̧nä̧ jui̧'a̧ja̧'a̧nä̧, ¿Abraha̧-rü̧mä̧ topinü̧ ja̧'a̧ tä̧jí̧?

San Juan 10:31

Päomȩnä̧, judío-mä̧ pä'äjita'anü̧ i̧nä̧ o'ki ȩmo̧po̧'i̧nä̧tü̧ ikuäu ttikuarü pä'ü.

San Juan 11:19

Ja̧'wa̧nü̧ ja̧'a̧, rekuätü judío-mä̧, Marta-rü'i̧nä̧, kkijäwaju María-rü'i̧nä̧, tti̧jä̧wa̧ Rázaru 'korujuoächäja'a ttajäkuäwiyä̧u̧ do'ächü tti̧'chä̧ja̧'a̧ ji̧na̧'a̧.

1 Juan 1:5

Jua̧u̧ Jesucrito-ttü ä̧ju̧kui̧nü̧'kotü ukuturu jitäumä̧ pi̧yȩ ja̧'a̧: Dio-mä̧ tȩya̧u̧tä̧ wa̧ ja̧'a̧ttü̧ jua̧u̧nä̧mä̧, yorisotä yo̧ü̧mä̧ juiya'a,