Hechos 9:23 - Nuevo Testamento Uwotjüja

²³ Täkü rekuo mo̧ro̧ 'kuäo'äji o'ka'a, judío-mä̧ Sauro-rü kuä'ü ttikua pä'ü jo̧mȩnü̧ amükuädü kku̧ni̧nä̧tü̧;

TÄ̧DO Ä̧CUÄ̧ I̧HUȨNȨ

²³ Recuo mo̧ro̧ o'ca'a judíos ttö̧ja̧ ca̧ca̧cu̧ ucuocuinätödo, Saulorö cuä'ö tticua pä'ö.

Hechos 9:23 Referans Kwoze

Hechos 14:19

Ja̧'wa̧nü̧ ja̧'a̧ jakuänä̧ Antioquía-ttü'i̧nä̧, Iconiottü̧'i̧nä̧ Judío-mä̧ ichi'ü ttü̧ja̧rü̧ esekuinä̧tü̧; ttesekuä̧u̧ Pauru-rü inä̧dunä̧ ikuäu ikuäjä'kotü, täkü 'koru pä'i'äjikü̧ pä'ü, ütawiyättü dodopü rä'epü ttikuinä̧ku̧.

Hechos 13:50

Ja̧'wa̧nü̧ ja̧'a̧nä̧ judío-mä̧, juȩnȩ ütawiyättü, nä̧tü̧ adiu Dio-rü esetätürü'i̧nä̧, ukuo isotürü'i̧nä̧ ja̧'wa̧ta̧nü̧ ruwotürü'i̧nä̧ esekuinä̧tü̧, Pauru-rü'i̧nä̧, Bernawérü'i̧nä̧ juä̧jä̧ttü̧ rä'epü ttikunä̧.

2 Corintios 11:26

rü̧ȩnä̧ kue'ächä'ijüsä; ajewiyättü ra̧wä̧pi̧ja̧'a̧'i̧nä̧, nä̧u̧kuä̧rä̧tü̧ttü̧ ra̧wä̧pi̧ja̧'a̧'i̧nä̧, ttütä chi̧rȩjä̧ isotüttü ra̧wä̧pi̧ja̧'a̧'i̧nä̧, judío pokotüttü ra̧wä̧pi̧ja̧'a̧'i̧nä̧, ütäwiyättü ra̧wä̧pi̧ja̧'a̧'i̧nä̧, rȩba̧ dȩ'a̧ra̧'a̧ttü̧ ra̧wä̧pi̧ja̧'a̧'i̧nä̧, rü̧ä̧ ajera̧'a̧ttü̧ ra̧wä̧pi̧ja̧'a̧'i̧nä̧, chawaruwä chi̧jä̧wa̧tü̧ yapareäkuäwä isotüttü ra̧wä̧pi̧ja̧'a̧'i̧nä̧;

Hechos 14:2

Ja̧'wa̧nü̧ ja̧'a̧nä̧ judío Jesú-ru esetokotümä̧, juätü judío pokotürü suronä̧ ji'äwinä̧tü̧, Dio i̧wȩnȩ esetätürü tta̧mi̧ surächi'ünä̧.

Hechos 9:16

Isopäi'ünä̧ Ttü jua̧u̧ru̧ chi̧jȩpä̧kua̧sä̧, ttü chi̧mi̧nä̧ usurä ttȩmä̧wa̧ pä'ü rü̧ȩnä̧ rekuä rü̧jü̧ wȩnȩ.

Hechos 9:22

Ja̧'wa̧nü̧ ja̧'a̧nä̧ Sauro-mä̧, yabonü̧ ujuruku, Jesucrito-mä̧ Dio wȩ'ä̧wa̧ pä'ü jiäwomȩnä̧, Damasco-nä̧ kka̧kuä̧tü̧ judío-mä̧ jua'a yabokutä, isotä ja̧'a̧ pä'ü ttieruwächi'ünä̧ ji̧nä̧u̧.

Hechos 15:26

Juätümä̧, yettekuoka'a tta̧'kua̧rü̧ iyäwinä̧tü̧, Tu̧ru̧wa̧ Jesucrito i̧mi̧nä̧.

Hechos 20:3

Juȩnȩmä̧ kkä̧wa̧tü̧ wä̧mȩtukuä jo̧mȩtä̧ kkä̧ji̧'ka̧, Siria rȩjȩra̧'a̧ woi'kanä̧ i̧'cha̧ pä'ü amükuädäja'a, judío suronä̧ jȩtta̧rü̧ pä'ü tta̧mü̧kuädäja'a ä̧ju̧kuä̧kuä̧u̧. Macedonia rȩjȩra̧'a̧nä̧tä̧, pä'äji jä̧ji̧ta̧'a̧nü̧ ppa̧wä̧cha̧ pä'ü amükuädäji̧'ka̧, icha'a,

Hechos 23:12

Kkoro mo̧ro̧, Pauru-rü kuä'ü ttikua pä'ü amükuädü kku̧ni̧nä̧tü̧, suronä̧ pä'äu kku̧nu̧, kuä'ü ttikuomȩbü päi'ünä̧ ajiya'i̧nä̧, ttu̧kuȩ'i̧nä̧ ttüku juiya pä'ü.