Hechos 9:22 - Nuevo Testamento Uwotjüja

²² Ja̧'wa̧nü̧ ja̧'a̧nä̧ Sauro-mä̧, yabonü̧ ujuruku, Jesucrito-mä̧ Dio wȩ'ä̧wa̧ pä'ü jiäwomȩnä̧, Damasco-nä̧ kka̧kuä̧tü̧ judío-mä̧ jua'a yabokutä, isotä ja̧'a̧ pä'ü ttieruwächi'ünä̧ ji̧nä̧u̧.

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧nä̧ Saulo äcuomenä jiähuinöttö'inä abonänö adiu ji'ähuinödo iso päi'önä Dios huea päinäcu Jesúsmä ja̧u̧tä̧ ja̧'a̧. Judíos ttö̧ja̧ Damasco ötahuiyänä ka̧cuä̧tö̧mä̧ u̧huo̧juȩta̧'a̧ ttä̧ju̧cuo̧mȩnä̧, “Yoröiso tädätö juiyö'a̧nö̧ ja̧'a̧”, pä'inätödo.

Hechos 9:22 Referans Kwoze

Hechos 18:5

Sira'i̧nä̧, Timoteo'i̧nä̧ Macedonia rȩjȩra̧'a̧ttü̧ tti̧'chi̧'o̧mȩnä̧mä̧, Pauru-mä̧ jo̧mȩnü̧tä̧ judío-rü jareü wȩnȩ ji'äwinü̧, Jesú-mä̧ Crito ja̧'a̧ pä'ü.

San Lucas 21:15

Isopäi'ünä̧ ttütä chi̧yä̧kua̧sä̧ wo̧juȩku̧nä̧ kukuokuätukua pä'ümä̧, kuaboiyotü to'ija̧'a̧ku̧ pättü juiyünä̧tä̧ ttiweyekua pä'ü.

1 Corintios 1:27

Isopäi'ünä̧, Dio-mä̧, pi̧jä̧ttü̧ jerupätürü ȩmi̧nü̧, rü̧ȩnä̧ wo̧juä̧tü̧rü̧ dä'ä ttuepa pä'ü; ja̧'wa̧ta̧nü̧ Dio-mä̧, pi̧jä̧ttü̧ ttujuru jui'ätürü ȩmi̧nü̧, ttujuru kku̧nä̧rä̧tü̧rü̧ dä'ä ttuepa pä'ümä̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

Hechos 17:3

Jua̧u̧ ji'äumä̧ pä'inü̧: —Dio i̧wȩnȩ wȩyu̧kua̧'a̧ku̧tä̧ 'kuäopina̧'a̧ Jesucrito-rümä̧, wa'ü ikuipü'ka̧, wa'arettü ttoächa pä'ümä̧, jua̧u̧tä̧ ja̧'a̧ Crito, ttü jidäwäkumä̧ pä'ü ji'äwinü̧.

Hechos 9:20

Ja̧'wa̧nü̧ jä̧ji̧ o'ka'a, yotäku sinagogas odewiyänä̧ Jesucrito ütü'kü ji'äwinü̧, jua̧u̧tä̧ ja̧'a̧ Dio i̧tti̧mä̧ pä'ü.

Hechos 9:21

Ja̧'wa̧nü̧ jiäwiyä̧u̧, to̧o̧ to̧pä̧rü̧ kkä̧nü̧ pä'inä̧tü̧: —¿Chujuatä jo̧ka̧'a̧ Jerusarȩ́-ttü̧, Jesú-ru esetätürü suronä̧ jȩpü̧ ya̧'a̧wä̧'i̧jü̧mä̧? ¿Ja̧'wa̧ta̧nü̧ jua̧u̧tä̧ jo̧ka̧'a̧, sacerdote tturuwotü weäwänä̧, kärenä̧ ttüta pä'ü 'chu'chäu ichäjimä̧?

Hechos 9:23

Täkü rekuo mo̧ro̧ 'kuäo'äji o'ka'a, judío-mä̧ Sauro-rü kuä'ü ttikua pä'ü jo̧mȩnü̧ amükuädü kku̧ni̧nä̧tü̧;

Hechos 9:27

Ja̧'wa̧nü̧ ji̧yä̧ku̧, Bernawé-mä̧ apótore ttü̧ja̧'a̧ku̧ o'ipächü i̧jȩpü̧, ji'äwinü̧: Sauro-mä̧ mä̧nä̧ttü̧ Tu̧ru̧wa̧rü̧ topäji pä'ü ja̧'wa̧ta̧nü̧ Damasco-ttü ujuruku Jesucrito ütü'kü jiäwäja'a'i̧nä̧ jiäwiyinä̧u̧.

Gálatas 1:18

Ja̧'wa̧nü̧ ji̧na̧'a̧ttü̧mä̧, wäbodäkuä a̧'ȩ o'ka'a, Peduru-rü topü 'chä̧nü̧ Jerusarȩ́-ra̧'a̧ku̧ 'cha'ächinü̧sä̧, ja̧'wa̧nü̧ ja̧'a̧ jua̧u̧ku̧mä̧ ttü̧jä̧pü̧ttü̧nü̧ ji̧mü̧tȩ mo̧ro̧ jo̧mȩnä̧ kki̧nü̧sä̧;

1 Timoteo 1:12

Chujuru iyinü̧ chu̧ru̧wa̧ Jesucrito-rü eseusä, jua'amä̧ aditäwänä̧ chadita pä'ü a̧'kua̧ i̧wȩnä̧ri̧no̧mȩttü̧,