Hechos 9:18 - Nuevo Testamento Uwotjüja

¹⁸ Päüta'anü̧, yotäku Sauro i'ärettümä̧ po̧i̧sa̧ i̧jȩ o̧bi̧ 'kua̧rü̧ ma̧i̧'a̧'a̧ttü̧, pä'äjita'anü̧ topinü̧. Jua̧u̧nü̧ o'ka'a bautizo jȩtti̧nä̧ku̧.

TÄ̧DO Ä̧CUÄ̧ I̧HUȨNȨ

¹⁸ Yotäcu po̧i̧ i̧sa̧ i̧jȩ'o̧bi̧ jä̧'i̧nö̧'a̧nö̧ jö̧ o̧bi̧ Saulo ö'ärettö ma̧i̧na̧'a̧do. Ja̧u̧nu̧ o'ca'a adiu topinödo. Ja̧u̧nu̧tä̧ ä̧rä̧mi̧'ö̧ Saulo bautizado pä'i'inödo.

Hechos 9:18 Referans Kwoze

2 Corintios 3:14

Ja̧'wa̧nü̧ juätümä̧ pi̧yȩ tü'kümä̧ yorisotä wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧ttü̧, jitä pi̧yȩ mo̧ro̧bü päi'ünä̧, Moisé i̧wȩyu̧ti̧nü̧mä̧ wo̧jui̧'o̧ko̧tü̧, juä̧ta̧tä̧ mü̧ȩkuä̧ra̧'a̧ jä̧'i̧nü̧'a̧nü̧ ja̧'a̧ttü̧. Suro, ya̧tȩtä̧ ja̧'a̧ Crito-tä ttu̧wo̧jui̧pü̧nä̧ ba'epümä̧.

Hechos 22:16

Ja̧'wa̧nü̧ ja̧'a̧ttü̧, yabonü̧ rekuomä̧ tta̧kuä̧ro̧ka̧'a̧, ä̧rä̧mi̧'ü̧, bautizo jȩpä̧kuä̧u̧, Ku̧ru̧wa̧rü̧ ajuäkuäunü̧ jä'epi surojü jȩpü̧ ikuaku.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Hechos 9:8

Ja̧'wa̧nü̧ jä̧jí̧ o'ka'a Sauro-mä̧ rȩjȩttü̧ ä̧rä̧mi̧'ü̧, i'äre yeädomȩnä̧, toü juiyünä̧ ji̧nä̧ku̧. Ja̧'wa̧nü̧ ji̧yä̧u̧ u̧mü̧ttü̧tä̧ ȩpü̧ Damasco ütawiyära̧'a̧ tti'kächinä̧ku̧.

Hechos 9:17

Ja̧'wa̧nü̧ weäjäku, Ananía-mä̧, isodenä̧ do'ächi'ü, jua̧u̧ru̧ u̧mü̧ mȩ'ü̧ pä'inü̧: —Cha̧wa̧ru̧wa̧ chi̧jä̧wa̧ Sauro, uku mä̧nä̧nä̧ kuichomȩnä̧ i̧jȩkuä̧ji̧, Tu̧ru̧wa̧ Jesú weäjäkusä kui'äre pä'äjita'anü̧ to'kua pä'ü'i̧nä̧ ja̧'wa̧ta̧nü̧ Epíritu Sa̧tu̧rü̧ jo̧mȩnü̧ päkui'a pä'ü'i̧nä̧, jü̧nä̧.

Hechos 9:19

Ja̧'wa̧nü̧ jä̧ji̧ o'ka'a u̧kuȩ kui'ipü ujuru ȩmi̧nü̧. Juȩnȩ Damasco-nä̧mä̧, a̧'u̧ku̧nä̧tä̧ mo̧ro̧ kki̧nü̧ Jesucrito-rü esetätukumä̧.

Hechos 22:13

Ananía-mä̧ ttürütä topü ichäji̧'ka̧, ichi'ü pä'inü̧: Cha̧wa̧ru̧wa̧ chi̧jä̧wa̧ Sauro, pä'äjita'anü̧ kui'äre topi. Päomȩnä̧, ji̧yȩtä̧ hora-nä̧ topinü̧sä̧.