Hechos 9:15 - Nuevo Testamento Uwotjüja

¹⁵ Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

¹⁵ Ja̧'hua̧nö̧ ja̧'a̧ Tu̧ru̧hua̧ pä'inödo Ananíasrö: —Täi. Ja̧u̧ru̧ ȩmä̧ji̧sä̧ adicuä i̧sa̧ päi'önä judíos huocotörö'inä, tturuhuotörö'inä, Israel ttö̧ja̧rö̧'i̧nä̧ chi̧huȩnȩ jiähua pä'ö.

Hechos 9:15 Referans Kwoze

Romanos 11:13

Ja̧'wa̧nü̧ ja̧'a̧nä̧ ukutu judío pokotürü pä'üsä: Ttü ukutu judío pokotürü Dio-mä̧ i̧wȩnȩ jidäwiyarü pä'ü weinä̧ku̧ cha'attü, jua̧u̧ juiyo eseusä.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

1 Timoteo 2:7

Pi̧yȩ jidäwa pä'ü, apóto pä'ü'i̧nä̧, jiäkuäwä i̧sa̧ pä'ü'i̧nä̧, o̧ä̧wa̧sä̧, chäditäwämä̧ Judío pokotürü isopäi'ünä̧ wȩnȩ tta̧'kua̧ wȩnä̧rä̧kuä̧wä̧ tü'kü jidäwa pä'ü ja̧'a̧, yaparewoküsä, Pi̧yȩ jidäumä̧ isopäi'ünä̧ ja̧'a̧.

2 Timoteo 2:4

Su̧ro̧do̧u̧ ttu̧ru̧wa̧ esewätü pä'ätümä̧, yoriso kkoro su̧ro̧do̧u̧ jäwä jo̧kü̧mä̧ tta̧'kua̧ ro'ekuokotü.

Hechos 22:21

Päda'anä̧ Chu̧ru̧wa̧mä̧ päinä̧ku̧sä̧: Täkü täi, judío pokotü tti̧rȩjä̧ra̧'a̧, otó wedäkujä̧.

San Juan 15:16

Ukutumä̧ ttürümä̧ pojopü ȩmo̧ko̧tü̧ pinä̧tü̧jä̧, ttütätä ji̧na̧'a̧ ukuturu pojopü ȩmi̧nü̧mä̧ ja̧'wa̧nü̧ jȩpü̧ wedinä̧u̧jä̧ u̧wä̧ju̧ rü̧ȩnä̧ ȩpü̧ kuiyätukua pä'ü, jua̧u̧ u̧wä̧ju̧ toe'ächoka'a kka̧ pä'ü. Ja̧'wa̧nü̧ ja̧'a̧, o'kajuiyünä̧ ttü chi̧mi̧nä̧ Chä'orü jäkuepätukumä̧, iyäkua'anü̧.

2 Timoteo 1:11

Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.

Gálatas 1:1

Ttü Pauru, Apóto päi'ünä̧ wa̧, ttü̧ja̧ weäwänä̧'i̧nä̧, ttü̧ja̧nä̧'i̧nä̧ u̧ju̧no̧ko̧ku̧ pinü̧, Tu̧ru̧wa̧ Jesucrito-nä̧tä̧, jua̧u̧ru̧ wa'arettü tto'ädinü̧ Dio-tä weinä̧ku̧,

1 Corintios 15:10

Ja̧'wa̧nü̧ ja̧'a̧nä̧ Dio-mä̧ ttürü re ü̧ji̧no̧mȩttü̧tä̧, pa̧'a̧nü̧ wa̧sä̧; jua̧u̧ re ü̧ji̧nü̧mä̧ yaparemä̧ jo̧ka̧'a̧ ji̧na̧'a̧ ttürümä̧. Ja̧'wa̧nü̧ ja̧'a̧nä̧, ttümä̧ juätü o'katoi'ünä̧ttü̧'i̧nä̧ abonä̧nü̧ aditinü̧sä̧; ja̧'wa̧nü̧ ja̧'a̧nä̧ ttümä̧kü̧ ja̧'a̧, ji̧nä̧somä̧ Dio ttürü re ü̧ji̧nü̧ kka̧'a̧ ttünä̧.

Hechos 13:2

Ya'utenä̧ Dio-rü ukuoku kkä̧nü̧, ttu̧kuȩ'i̧nä̧ tta̧do̧chä̧ja̧'a̧, Epíritu Sa̧tu̧ päinä̧u̧: «Bernawérü'i̧nä̧, Sauro-rü'i̧nä̧ 'kȩ'ȩpi̧yä̧tu̧kui̧ttü̧, ttadita pä'ü wochinü̧ wedatü.»

San Mateo 10:18

Jua'a yabonä̧ ttü jäwänä̧mä̧, ruwotü gobernadores ttä'ka'i̧nä̧, ruwotü tturuwotü ttä'ka'i̧nä̧, judío pokotü ttä'ka jo̧mȩ'i̧nä̧ ttȩpä̧kuä̧u̧jä̧ ttü jäwänä̧mä̧, juätürü jikuäwätukua pä'ü.

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Hechos 27:24

Jua̧u̧mä̧ pä'äji: Pauru, yekuekuä; ukumä̧ Roma ütawiyä ru̧wa̧ emperador ä'ka kui̧'cha̧ pä'ü rekuä rü̧ja̧'a̧. Ja̧'wa̧ta̧nü̧ ukuku 'chä̧tü̧rü̧mä̧ o'katoi'ünä̧ totte'ächü juiyünä̧tä̧ jȩpä̧ji̧ Dio-mä̧.

Hechos 26:32

Ja̧'wa̧nü̧ ja̧'a̧ Agripa-mä̧ Feto-rü pä'inü̧: —Pidemä̧ kärenä̧ttü̧ rä'epü ttikuarü pä'ü wäji ja̧'a̧, chutä emperador Césa ü̧ja̧'a̧ i̧'cha̧ pä'ü jä'epü juiyäjittümä̧.

Hechos 25:22

Ja̧'wa̧nü̧ ja̧'a̧, Agripa-mä̧ Feto-rü pä'inü̧: —Ttü'i̧nä̧ jua̧u̧ru̧, chä̧ju̧kua̧ pä'üsä. Päku, Feto-mä̧ pä'inü̧: —Yo̧i̧mo̧ro̧, kuä̧ju̧kua̧rü̧jä̧.

Hechos 21:19

Ja̧'wa̧nü̧ ja̧'a̧ Pauru-mä̧ juätürü te'äwäji̧'ka̧, ji̧yȩku̧pü̧nä̧ ji'äwinü̧, aditü kueächomȩnä̧ judío pokotürü Dio jȩä̧'i̧jü̧ wȩnȩ.

Hechos 28:17

I̧rȩbȩwi̧'ä̧ja̧'a̧ttü̧mä̧, wäbodäkuätä mo̧ro̧ o'ka'a, Pauru-mä̧ Roma ütawiyättü Judío tturuwotürü ttü̧ka̧ka̧kui̧'a̧ pä'ü ä̧tȩpä̧ji̧'ka̧, juätürü pä'inü̧: —Chawaruwä chü̧jä̧wa̧tü̧, ttümä̧ judío-rü'i̧nä̧ ja̧'wa̧ta̧nü̧ tü̧tä̧mü̧ mi̧nä̧ jäwä jȩpü̧ ttü̧jä̧'i̧jü̧'i̧nä̧ to'ija̧'a̧ku̧mä̧ suronä̧mä̧ jȩcho̧ka̧'a̧ ji̧na̧'a̧nä̧, Jerusarȩ́-ttü̧ kkä̧mä̧dü̧ kärenä̧ra̧'a̧ iyü ttikuinä̧ku̧sä̧, Roma ttü̧ja̧ ttu̧mü̧nä̧;

Hechos 22:14

Ja̧'wa̧ta̧nü̧ pä'inü̧: Tü̧tä̧mü̧ mi̧nä̧ Ttü̧ä̧nä̧wa̧ Dio-mä̧ ȩmä̧jä̧ku̧jä̧, Churutä pä̧wä̧rü̧jü̧ ku̧wo̧jua̧ pä'ü'i̧nä̧, adiwä i̧sa̧rü̧ to'kua pä'ü'i̧nä̧ ja̧'wa̧ta̧nü̧ chutä i̧wȩnȩ kuä̧ju̧kua̧ pä'ü'i̧nä̧, jü̧nä̧.

Hechos 26:1

Ja̧'wa̧nü̧ ja̧'a̧ ru̧wa̧ rey Agripa-mä̧, Pauru-rü pä'inü̧: —Kua̧mü̧nä̧ pa̧ja̧tü̧ ji'äkuäwi. Päku, Pauru-mä̧ u̧mü̧ kä'epü ukuokuinü̧:

Hechos 28:28

Ja̧'wa̧nü̧ ja̧'a̧ttü̧ ä̧ju̧kuä̧tu̧kui̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧ judío pokotürü rȩbȩä̧kuä̧wo̧mȩnä̧mä̧; juätütä ja̧'a̧ pi̧yȩ adiu ttä̧ju̧kuä̧kuo̧tü̧mä̧.

Romanos 1:1

Ttü Pauru-mä̧, Jesucrito u̧mü̧wä̧ya̧ jü̧nä̧, apóto cha pä'ü, jareü wȩnȩ Dio jäwä ujuturu iyinü̧ jidäwiyarü pä'ü woinä̧ku̧sä̧.

1 Corintios 9:16

Ja̧'wa̧ta̧nü̧ ttümä̧ jareü wȩnȩ jidäwa'amä̧ eseäkuäwoküsä, isopäi'ünä̧ jua̧u̧mä̧ rekuä rü̧ji̧yä̧ku̧ weina̧'a̧ttü̧. ¡Jua̧u̧ jareü wȩnȩ jidäwoka'a jü̧ttü̧mä̧, isottü̧ ttüwe! pä'äusä.

Efesios 3:1

Ja̧'wa̧nü̧ jo̧mȩttü̧, Ttü Pauru-mä̧ Jesucrito kärenä̧ ütinä̧ku̧sä̧, ukutu judío pokotürü rekuä rü̧ji̧yä̧ku̧.