Hechos 9:14 - Nuevo Testamento Uwotjüja

¹⁴ ja̧'wa̧ta̧nü̧ porü'i̧nä̧, sacerdote-tü̧ tturuwotü wettäjäku, ukuru esetätürü 'chu'chäu, kärenä̧ ttütatü pä'ü ȩpi̧ya̧tü̧ pä'ü.

TÄ̧DO Ä̧CUÄ̧ I̧HUȨNȨ

¹⁴ Jitä pȩnȩtä̧ ichi'ö sacerdotes tturuhuotö huettäjäcumä ucu cui̧mi̧nä̧ Diosrö ucuocuätörö ȩpa̧ pä'ö cärenä öta pä'ö.

Hechos 9:14 Referans Kwoze

Hechos 9:21

Ja̧'wa̧nü̧ jiäwiyä̧u̧, to̧o̧ to̧pä̧rü̧ kkä̧nü̧ pä'inä̧tü̧: —¿Chujuatä jo̧ka̧'a̧ Jerusarȩ́-ttü̧, Jesú-ru esetätürü suronä̧ jȩpü̧ ya̧'a̧wä̧'i̧jü̧mä̧? ¿Ja̧'wa̧ta̧nü̧ jua̧u̧tä̧ jo̧ka̧'a̧, sacerdote tturuwotü weäwänä̧, kärenä̧ ttüta pä'ü 'chu'chäu ichäjimä̧?

Hechos 7:59

Ja̧'wa̧nü̧ ja̧'a̧, inä̧du ttikuäwa'anä̧ Esteba̧-mä̧ Dio-rü pa̧'a̧nü̧ ukuokuinü̧: «Chu̧ru̧wa̧ Jesú, cha̧'kua̧ ru̧wa̧rü̧ ȩmi̧ttü̧.»

2 Timoteo 2:22

Ja̧'wa̧ta̧nü̧ mü̧ä̧yotü ttidepä kkü'kekuttümä̧ tü'ipächi, tü'ipächümä̧ adiu jȩä̧kuä̧wä̧tä̧, tta̧'kua̧ wȩnä̧rä̧kuä̧wä̧tä̧, eseäkuäwätä ja̧'wa̧ta̧nü̧ unichä̧rü̧ kkä̧kuä̧wä̧tä̧ usí, tta̧mi̧so'ki teünä̧ kka̧kuä̧tü̧, ttu̧ru̧wa̧rü̧ ppädatü pä'ü jä'epätuku yo̧mȩtȩnä̧.

Hechos 22:16

Ja̧'wa̧nü̧ ja̧'a̧ttü̧, yabonü̧ rekuomä̧ tta̧kuä̧ro̧ka̧'a̧, ä̧rä̧mi̧'ü̧, bautizo jȩpä̧kuä̧u̧, Ku̧ru̧wa̧rü̧ ajuäkuäunü̧ jä'epi surojü jȩpü̧ ikuaku.

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.