Hechos 8:5 - Nuevo Testamento Uwotjüja

⁵ Ja̧'wa̧ta̧nü̧ Felipe'i̧nä̧, Samaria ütawiyära̧'a̧ku̧ mȩyȩwä̧chü̧ 'chä̧ji̧'ka̧, Jesucrito ütü'kü ji'äwinü̧.

TÄ̧DO Ä̧CUÄ̧ I̧HUȨNȨ

⁵ Jahuätöttö ya̧tȩ, Felipe pä'ö mi̧cua̧, Samaria ötahuiyära̧'a̧ 'chä̧nö̧, Jesucristo i̧huȩnȩ ji'ähuinödo.

Hechos 8:5 Referans Kwoze

Hechos 6:5

Ja̧'wa̧nü̧ pättomȩnä̧ o'katoi'ünä̧ tteseunä̧ ji̧na̧'a̧; ja̧'wa̧nü̧ ja̧'a̧ Esteba̧-rü̧ ȩmi̧nä̧tü̧, Dio-rü a̧'kua̧ wȩnä̧rü̧rü̧ ja̧'wa̧ta̧nü̧ Epíritu Sa̧tu̧ jäwä jo̧mȩnü̧ wa̧rü̧, Felipe-rü'i̧nä̧, Prócoro-rü'i̧nä̧, Nicano-rü'inä̧, Timón-rü'i̧nä̧, Pármena-rü'i̧nä̧, Nicorá Antioquía-ra̧'a̧ttü̧ ichinü̧rü̧'i̧nä̧, jü̧nä̧.

Hechos 21:8

Kkoro mo̧ro̧mä̧, Pauru'i̧nä̧, jua̧u̧tä̧ku̧ kue'ächätü'i̧nä̧ rä'opinä̧tü̧jä̧, Cesarea ütawiyära̧'a̧ku̧. Jua'attümä̧ Felipe Jareü Wȩnȩ jiäkuäwä i̧sa̧ ojusodenä̧ rȩbȩä̧kuä̧wä̧jä̧'kotü kka̧kui̧nä̧tü̧jä̧. Jua̧u̧mä̧ Apótore-rü ppä'ädä̧rä̧'i̧jä̧tü̧, sietenü̧ wotü i̧sa̧ ji̧na̧'a̧.

Hechos 8:40

Ja̧'wa̧nü̧ jä̧ja̧'a̧mä̧, Felipe-mä̧ Azoto pä'ü miku ütawiyänä̧ 'kuä'opü, jareü wȩnȩ ji'äwinü̧ ütawiyä pünä̧ Cesarea-bü kä'ädü.

1 Corintios 3:11

Ja̧'wa̧nü̧ täkü yo̧mȩtȩ kka̧'a̧ttü̧, ya̧tȩ'i̧nä̧ kkoromȩ i̧mi̧ku̧nä̧ jo̧mȩ 'chu̧ä̧ro̧mȩ, adita pä'ümä̧ juiya'a, juȩnȩ 'chu̧ä̧ro̧mȩmä̧ Jesucrito-tä ja̧'a̧.

1 Corintios 1:23

ja̧'wa̧nü̧ ja̧'a̧nä̧, ujutumä̧ Crito-rü ü̧jo̧kä̧ jäinä̧ 'korujuo'ächinü̧rü̧ ji'äwätüjä̧. Pi̧yȩmä̧ judío-rümä̧ tto̧ȩpä̧rü̧ wȩnȩ ja̧'a̧nä̧, judío pokotürütä ttu̧'ȩpä̧ro̧ko̧tü̧ ttukuokua'a jä̧'i̧nü̧'a̧nü̧ jü̧ wȩnȩ ja̧'a̧;

Hechos 5:42

Ja̧'wa̧nü̧ ja̧'a̧mä̧, mo̧ro̧ ji̧nü̧'a̧kuä̧, Dio-rü ukuokuäwodenä'i̧nä̧, ttü̧ja̧ ttoju odewiyänä̧'i̧nä̧ wo̧juȩtü̧ kkä̧nü̧, ji'äwinä̧tü̧ Jesú jäwämä̧.

1 Corintios 2:2

Ja̧'wa̧ta̧nü̧, ukutuku chü̧ji̧nü̧mä̧ kkoro juei ttukuokuajü jueimä̧, suro Jesucrito ütü'kütä, ü̧jo̧kä̧ jäinä̧ toe'ächinü̧tä̧ ji'äwinü̧sä̧.

Hechos 9:20

Ja̧'wa̧nü̧ jä̧ji̧ o'ka'a, yotäku sinagogas odewiyänä̧ Jesucrito ütü'kü ji'äwinü̧, jua̧u̧tä̧ ja̧'a̧ Dio i̧tti̧mä̧ pä'ü.

Hechos 8:1

Sauro'i̧nä̧, Esteba̧-rü̧ kuä'ü ttikua'a ppä'ädinü̧. Jua̧u̧nu̧tä̧ mo̧ro̧ kkä̧mä̧di̧na̧'a̧, Jesucrito-rü esetätü Jerusarȩ́-nä̧ kka̧kuä̧tü̧rü̧ ra̧wä̧rü̧ ya'äu ttiku wȩnȩmä̧. Ja̧'wa̧nü̧ ya̧ttä̧wä̧u̧ o'katoi'ünä̧ dü'ekuinä̧tü̧ Judea rȩjȩra̧'a̧ku̧'i̧nä̧, Samaria rȩjȩra̧'a̧ku̧'i̧nä̧, jü̧nä̧; suro apótore-tä ttü̧ja̧kui̧'a̧nä̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

Hechos 8:6

Ja̧'wa̧nü̧ ja̧'a̧ Felipe jiäwa'a, rekuätü ka̧ka̧ku̧ ä̧ju̧kui̧nä̧tü̧ ja̧'wa̧ta̧nü̧ jȩtto̧kü̧ ja̧jü̧ juei'i̧nä̧ jȩa̧'a̧ topinä̧tü̧.

Hechos 8:26

Ya̧tȩ á̧gȩ Dio i̧sa̧, Felipe-rü pä'inü̧: Ä̧rä̧mi̧'ü̧ kkä̧wa̧ ü'oweku ja̧'a̧ku̧nä̧ku̧ täi, Jerusarȩ́-ttü̧mä̧ Gaza ütawiyä mä̧nä̧ku̧nä̧, rȩbi̧yu̧ dȩ'a̧ra̧'a̧ kkä'konä̧ 'kuäopä̧'ijä̧mä̧nä̧.

Hechos 8:30

Päku, Felipe-mä̧ tü'küku päi'omȩnä̧, profeta Isaía kuyäru'tä ukuokua'a ä̧ju̧ku̧, päinä̧ku̧: —Ja̧'wa̧nü̧ kukuokua'amä̧, ¿Wo̧jui̧'ü̧jä̧?