Hechos 8:40 - Nuevo Testamento Uwotjüja

⁴⁰ Ja̧'wa̧nü̧ jä̧ja̧'a̧mä̧, Felipe-mä̧ Azoto pä'ü miku ütawiyänä̧ 'kuä'opü, jareü wȩnȩ ji'äwinü̧ ütawiyä pünä̧ Cesarea-bü kä'ädü.

TÄ̧DO Ä̧CUÄ̧ I̧HUȨNȨ

⁴⁰ Ja̧'hua̧nö̧ ja̧'a̧ Felipe Azoto ötahuiyänä 'chä̧hui̧'i̧nö̧do. Juhua'a yabo 'chä̧nö̧, koro ötahuiyänä o'ca juiyönä ji'ähuinödo Jesucristo i̧huȩnȩ Cesarea ötahuiyära̧'a̧ i̧rȩbȩhua̧'a̧ päi'önä.

Hechos 8:40 Referans Kwoze

Hechos 21:8

Kkoro mo̧ro̧mä̧, Pauru'i̧nä̧, jua̧u̧tä̧ku̧ kue'ächätü'i̧nä̧ rä'opinä̧tü̧jä̧, Cesarea ütawiyära̧'a̧ku̧. Jua'attümä̧ Felipe Jareü Wȩnȩ jiäkuäwä i̧sa̧ ojusodenä̧ rȩbȩä̧kuä̧wä̧jä̧'kotü kka̧kui̧nä̧tü̧jä̧. Jua̧u̧mä̧ Apótore-rü ppä'ädä̧rä̧'i̧jä̧tü̧, sietenü̧ wotü i̧sa̧ ji̧na̧'a̧.

Hechos 25:4

Ja̧'wa̧nü̧ pätta'anä̧ Feto-mä̧ päinä̧u̧, Pauru-mä̧ Cesarea-nä̧ kärenä̧ ü̧'ä̧kua̧ jitätämä̧; jua'akumä̧ jua'atä chi̧'chä̧kua̧sä̧ ttütä'i̧nä̧,

Hechos 23:33

Ja̧'wa̧nü̧ ja̧'a̧ Cesarea-ra̧'a̧ rȩbȩwi̧pü̧mä̧, gobernado-rü wȩyu̧kuojä iyinä̧tü̧ ja̧'wa̧ta̧nü̧ Pauru-rü'i̧nä̧ jua̧u̧ku̧tä̧ iyipü kkä̧nü̧.

Hechos 23:23

Ja̧'wa̧nü̧ ji̧yä̧ku̧, comu̧da̧temä̧, i̧dȩa̧'a̧nä̧ we'ätü capita̧tü̧ ta̧ju̧ru̧ wopo'äji̧'ka̧, we'inü̧ dosciento-nü̧ jo̧mȩnä̧ su̧ro̧do̧u̧ru̧mä̧, cabayu-tü̧mä̧ setenta-nü̧ jo̧mȩnä̧, dakuodiyä ȩpä̧tü̧mä̧ dosciento-nü̧ jo̧mȩnä̧ pojopü ttu̧ju̧ni̧ya̧rü̧, Cesarea ütawiyära̧'a̧, yodó las nueve päi'omȩnä̧ rättopäkua'a ja̧'a̧.

Hechos 10:1

Ya̧tȩ kki̧nü̧, Cornelio pä'ü mi̧kua̧ Cesarea ütawiyänä̧, su̧ro̧do̧u̧ ttu̧ru̧wa̧ ciȩnü̧ wotü su̧ro̧do̧u̧ ttu̧ru̧wa̧ «Itariana» pä̧ttä̧u̧.

Romanos 15:19

Tottokü jä̧'i̧jü̧ tottünä̧'i̧nä̧, kkorojuei ttiweyeku'i̧nä̧, Epíritu Sa̧tu̧ ujurunä̧ aditinü̧sä̧. Ja̧'wa̧nü̧ aditinü̧sä̧ jareü wȩnȩ Jerusarȩ́-ttü̧ kkä̧mä̧dü̧, kkara'a'i̧nä̧ o'kajuiyünä̧, Irírico rȩjȩbü päi'ünä̧.

Hechos 25:13

A̧'u̧ku̧nä̧tä̧ mo̧ro̧ 'kuäopäji o'ka'a, ru̧wa̧ rey Agripa-mä̧, Berenice-ku Cesarea ütawiyära̧'a̧ ichinä̧tü̧ Feto-rü te'äu.

Hechos 25:6

Feto-mä̧, Jerusarȩ́ ütawiyänä̧, kko̧ro̧mü̧ttü̧nü̧ wäbodäkuä mo̧ro̧ päi'ünä̧ mo̧ro̧ kkä̧ji̧'ka̧, kkoro mo̧ro̧mä̧ Cesarea ütawiyänä̧ uruwo deäkänä̧ pä̧mä̧dü̧, Pauru-rü tti'chächiyarü pä'ü we'inü̧.

Hechos 25:1

Feto-mä̧ Cesarea ütawiyänä̧ Gobernador jü̧nä̧ ü̧'ä̧mä̧da̧ pä'ü ichäja'attümä̧, wäbodäkuä mo̧ro̧ o'ka'a, Jerusarȩ́ ütawiyära̧'a̧ 'chi̧nü̧.

Hechos 21:16

Ti̧'cho̧mȩnä̧ Cesarea ütawiyättü yotukunä̧ Jesucrito-rü esetätü'i̧nä̧ ichinä̧tü̧, Mnasón-rü̧'i̧nä̧ o'ipü, ojusodenä̧ ti̧rȩbȩwi̧yä̧kua̧rü̧, Chipre ttü̧ja̧sa̧, täkü rekuo Jesucrito-rü esetinü̧rü̧.

Hechos 12:19

Ja̧'wa̧nü̧ ja̧'a̧, Herode-mä̧ ttusäjarü pä'ü weäja'anä̧, ttü̧'o̧kui̧'i̧yo̧ko̧ku̧ pä̧ji̧'ka̧mä̧, kuä'ü ttikuarü pä'ü we'inü̧. Pi̧yȩ o'ka'a Herode-mä̧, Judea rȩjȩra̧'a̧ttü̧ rä'opächäji̧'ka̧mä̧, Cesarea-ra̧'a̧tä̧ kki̧'i̧pi̧nü̧.

Hechos 10:24

Ja̧'wa̧nü̧ ja̧'a̧ kkoro mo̧ro̧ Cesarea ütawiyära̧'a̧ 'chä̧wi̧'i̧nä̧tü̧, Cornelio-mä̧ ukuojattü awaruwäku ja̧'wa̧ta̧nü̧ aditäwättü awaruwä'i̧nä̧ ttü̧ka̧ka̧kui̧'ü̧nä̧ ä̧tȩpä̧ji̧'ka̧ tta̧wä̧ra̧'a̧ rȩbȩwi̧pi̧nü̧.

Hechos 8:25

Ja̧'wa̧nü̧ ja̧'a̧ juätümä̧, Dio i̧wȩnȩ'i̧nä̧, tottinü̧'i̧nä̧ ji'äwäjä'kotü, Jerusarȩ́-ra̧'a̧ku̧ ppa̧'ä̧chä̧chi̧nä̧tü̧ ja̧'wa̧ta̧nü̧ Samaria ttü̧ja̧ ttü̧ja̧kuo̧mȩ pünä̧ ji'äwinä̧tü̧.

Hechos 9:30

Ja̧'wa̧nü̧ ttukuokua'a wo̧jui̧'ü̧, Jesucrito-rü esetätümä̧, Sauro-rü Cesarea-ra̧'a̧ ȩmi̧päjä'kotü, jua'a yabo Taso ütawiyära̧'a̧ we'ü ttikuinä̧ku̧.

Hechos 11:11

Ja̧'wa̧nü̧ päia'anä̧, ttü̧ja̧ wä̧mȩtukuä, Cesarea-ra̧'a̧ttü̧ ttürütä ä̧tȩkuä̧nä̧ we'äwotü, chü̧jodenä̧ ichi'inä̧tü̧.

Hechos 18:22

Cesarea ütawiyänä̧ rȩbȩwi̧pä̧ji̧'ka̧mä̧, igresia wotürü te'äu i̧wä̧ji̧'ka̧, Antioquía ütawiyära̧'a̧ku̧ 'chi̧nü̧.