Hechos 8:26 - Nuevo Testamento Uwotjüja

²⁶ Ya̧tȩ á̧gȩ Dio i̧sa̧, Felipe-rü pä'inü̧: Ä̧rä̧mi̧'ü̧ kkä̧wa̧ ü'oweku ja̧'a̧ku̧nä̧ku̧ täi, Jerusarȩ́-ttü̧mä̧ Gaza ütawiyä mä̧nä̧ku̧nä̧, rȩbi̧yu̧ dȩ'a̧ra̧'a̧ kkä'konä̧ 'kuäopä̧'ijä̧mä̧nä̧.

TÄ̧DO Ä̧CUÄ̧ I̧HUȨNȨ

²⁶ Ja̧'hua̧nö̧ ja̧'a̧ ya̧tȩ ángel Tu̧ru̧hua̧ huȩ'ä̧hua̧ Feliperö pä'inödo: —Ä̧rä̧mi̧'ö̧ täi kä̧hua̧ ö'ohuenä ja̧'a̧nä̧ Jerusalén ötahuiyättö Gaza ötahuiyära̧'a̧ mä̧nä̧nä̧. Ju̧huä̧mä̧ mä̧nä̧ ttö̧ja̧ tomenä rä̧mä̧.

Hechos 8:26 Referans Kwoze

Hechos 5:19

Ja̧'wa̧nü̧ ja̧'a̧nä̧, ya̧tȩ á̧gȩ Dio wȩ'ä̧wa̧ kärenä̧ rütäwode äpate, yodó ba'epü rä'epü iku päinä̧u̧:

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

Hechos 27:23

Mo̧ro̧ji̧ yodomä̧, Dio i̧sa̧ á̧gȩ i̧wä̧chä̧ji̧. Jua̧u̧ Dio-rü esetü ukuotü cha'attü ttümä̧,

Hechos 12:23

Wotta'anä̧ yotäku, Tu̧ru̧wa̧ i̧sa̧ á̧gȩ jȩä̧ku̧ na̧'ä̧chi̧pinü̧, Dio-rü esewokomȩnä̧ ja̧'wa̧nü̧ ja̧'a̧ttü̧ mi̧yü̧ kuä̧nü̧ ttikuäku 'korujuo'ächinü̧.

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

Hechos 10:7

Ja̧'wa̧nü̧ ja̧'a̧, jua̧u̧ á̧gȩ i̧wi̧'ä̧ji̧ o'ka'a umüwäyotüttü ta̧ju̧ru̧ wopo'ü ja̧'wa̧ta̧nü̧ u̧mü̧wä̧ya̧ su̧ro̧do̧u̧ i̧sa̧ rü̧ȩnä̧ ukuotä'ijürü wopo'ü.

Hechos 8:5

Ja̧'wa̧ta̧nü̧ Felipe'i̧nä̧, Samaria ütawiyära̧'a̧ku̧ mȩyȩwä̧chü̧ 'chä̧ji̧'ka̧, Jesucrito ütü'kü ji'äwinü̧.

Hechos 8:29

Ja̧'wa̧nü̧ ja̧'a̧ Epíritumä̧ Felipe-rü pä'inü̧: «Jikäja karukä tü'küku pä'i'i.»