Hechos 8:12 - Nuevo Testamento Uwotjüja

¹² Ja̧'wa̧nü̧ ja̧'a̧nä̧, Felipe jareünä̧ Ru̧wa̧ Dio weü wȩnȩ'i̧nä̧, Jesucrito i̧mi̧nä̧'i̧nä̧ jiäwomȩnä̧ bautizo jȩpä̧kuä̧wi̧nä̧tü̧ u̧mä̧tü̧'i̧nä̧, nä̧tü̧'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

¹² Ja̧'hua̧nö̧ ja̧'a̧ adihuä huȩnȩ, Jesucristo i̧huȩnȩ, Dios Ru̧hua̧ päi'önä ö̧jä̧cuȩ huȩnȩ, Felipe jiähua'a ttesetomenä, bautizados pä'i'inätödo u̧mä̧tö̧'i̧nä̧, nä̧tö̧'i̧nä̧.

Hechos 8:12 Referans Kwoze

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

Hechos 1:3

Ja̧'wa̧ta̧nü̧ juätürümä̧, usurä ȩmä̧u̧ wa'ü ikuäja'attü tto'ächäji̧'ka̧mä̧, wäjuönä̧ ttu̧wo̧juö̧nä̧tä̧, ttü̧ja̧ ta̧ju̧ mo̧ro̧ jo̧mȩnä̧ i̧jȩkui̧nä̧u̧, ru̧wa̧ Dio weü wȩnȩ ji'äu kkä̧nü̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

1 Pedro 3:21

Ja̧'wa̧nü̧ ja̧'a̧ttü̧ ajiya ji̧no̧yamä̧ bautizo päwoya jü̧nä̧ wȩnȩkuä̧chi̧na̧'a̧, jitämä̧ ja̧u̧nä̧tä̧ suronä̧ jȩtä̧i'jü̧ttü̧mä̧ kka̧kui̧pä̧tü̧jä̧. Bautizo-mä̧ jättäpäyotümä̧ tükächi'okü, ja̧'wa̧nü̧ ja̧jü̧jueimä̧ adiu amükuädütä Dio-rümä̧ jä'epätukui, Jesucrito tto'ächäji̧'ka̧,

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Gálatas 3:28

Ja̧'wa̧nü̧ ja̧'a̧ttü̧, täkü toa'a judío'i̧nä̧, Grecia ttü̧ja̧'i̧nä̧, ttu̧wo̧juȩtä̧u̧ esclavo wotü'i̧nä̧, ttu̧ru̧wa̧ to'ätü'i̧nä̧, ubo'i̧nä̧, isaju'i̧nä̧, jü̧nä̧; isopäi'ünä̧ Crito Jesú-nä̧mä̧, ukutu o'katoi'ünä̧ ji̧nä̧ ya̧tȩ wotüjä̧.

Romanos 10:10

Ja̧'wa̧nü̧ ja̧'a̧ttü̧ tta̧mi̧so'kinä̧mä̧ adiwä isotü päi'ünä̧ Dio pärotü ikuatü pä'ü esetäkuäwä ja̧'a̧ ja̧'wa̧nü̧ ja̧'a̧nä̧ ttänämä̧ jiäkuäwä ja̧'a̧ ra̧wä̧pi̧jü̧ttü̧ ttü̧ji̧pa̧ pä'ü Jesucrito-nä̧.

1 Corintios 11:11

Ja̧'wa̧nü̧ ja̧'a̧nä̧, Tu̧ru̧wa̧ jäwänä̧mä̧ ubomä̧ isaju toünä̧mä̧ ü̧jü̧ jui̧'a̧, pärokua'aku isaju'i̧nä̧ ubo toünä̧mä̧ kkü̧jü̧ jui'aju.

Hechos 28:31

Ru̧wa̧ Dio weü wȩnȩmä̧, Tu̧ru̧wa̧ Jesucrito ütü'kü'i̧nä̧ wäjuönä̧, wȩnȩ juiyünä̧tä̧ ji'äwinü̧.

Hechos 20:25

Ja̧'wa̧nü̧ ja̧'a̧ttü̧, jitämä̧ wo̧jua̧sä̧, täkü ttürümä̧ topokotü kuäkuotüjä̧, ku̧'kä̧tȩtu̧ku̧nä̧ jareünä̧ ru̧wa̧ Dio weü wȩnȩ jidäwä'ija'amä̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Hechos 18:8

Ja̧'wa̧nü̧ ja̧'a̧, Crispo pä'ü mi̧kua̧mä̧, sinagoga isode u̧ru̧wa̧ ja̧'a̧ ojusodenä̧ kka̧kuä̧tu̧ku̧ o'katoi'ünä̧ esetü ikuinü̧, Tu̧ru̧wa̧rü̧mä̧. Ja̧'wa̧ta̧nü̧ Corinto ttü̧ja̧'i̧nä̧ ä̧ju̧ku̧ rekuätü tteseta'a bautizo jȩtti̧nä̧u̧.

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

Hechos 5:14

Ja̧'wa̧nü̧ jo̧mȩnä̧ Jesucrito-rü esetätümä̧ yaboku rekuächinä̧tü̧, u̧mä̧tü̧'i̧nä̧, nä̧tü̧'i̧nä̧, jü̧nä̧.

San Lucas 9:60

Päku, Jesú-mä̧ päinä̧ku̧: —Wä̧i̧nä̧ wa'inä̧tü̧tä̧, ttuwaparemä̧ ttu'tura'anä̧ ja̧'a̧tä̧ topi. Ja̧'wa̧nü̧ ja̧'a̧nä̧ ukumä̧ ru̧wa̧ Dio weü wȩnȩtä̧ ji'äwäji.

San Lucas 9:2

Ja̧'wa̧ta̧nü̧ Dio weü wȩnȩ jittäwa pä'ü'i̧nä̧, na̧'ä̧chä̧tü̧rü̧ aditü ttikua pä'ü'i̧nä̧ we'ümä̧,

Hechos 8:4

Ja̧'wa̧nü̧ jä̧u̧ Jerusarȩ́-ttü̧ dü'ekuätümä̧, tti̧'cho̧mȩ pünä̧mä̧ o'kajuiyünä̧tä̧ jareü wȩnȩ ji'äwinä̧tü̧.

Hechos 19:5

Jua̧u̧ ttä̧ju̧kuä̧ji̧ o'ka'a, Tu̧ru̧wa̧ Jesú i̧mi̧nä̧ bautizo jȩtti̧nä̧u̧.