Hechos 6:1 - Nuevo Testamento Uwotjüja

¹ Ji̧yȩnü̧ pä̧nä̧ Jesucrito-rü esetätü ttirekuächomȩnä̧, judío ja̧'a̧nä̧ Grecia ttü̧ja̧ tti̧wȩnȩ ukuokuätuku, ja̧'wa̧ta̧nü̧ judío ja̧'a̧nä̧ arameo ukuokuätürü, wopäkuäwinä̧tü̧ rȩkua̧mü̧rü̧ adiu ttu̧kuȩ iyokotü pä'ü.

TÄ̧DO Ä̧CUÄ̧ I̧HUȨNȨ

¹ Ja̧u̧nu̧ pä̧nä̧ Jesucristorö esetätömä ttirecuächina'attö, griegos ttö̧ja̧ tti̧huȩnȩ ucuocuätömä pä'ähuinätödo judíos ttö̧ja̧ tti̧huȩnȩ ucuocuätörö. Griegos ttö̧ja̧ tti̧huȩnȩ ucuocuätöttö rȩcua̧mö̧rö̧ iyocotö pi̧nä̧tö̧do, mo̧ro̧ji̧nö̧ a̧'u̧cuä̧ ttu̧cuȩ ttiya'anä.

Hechos 6:1 Referans Kwoze

Hechos 4:35

Apótore ttiyä'cha pä'ü. Ja̧'wa̧nü̧ ja̧'a̧ rekuä rü̧ja̧'a̧ttü̧ topü yotukunä̧rü̧ 'kȩchä̧u̧ iyinä̧tü̧.

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Santiago 5:9

Chawaruwä chü̧jä̧wa̧tü̧ kkorotünü̧rü̧mä̧ päkuä'chätukuä Dio ro̧ȩpü̧ juiyätukuaku pä'ümä̧; ja̧'wa̧ta̧nü̧ Juez-mä̧ täkü äpate ä'ka kkü̧.

Hechos 9:39

Ja̧'wa̧nü̧ jittäwo'ächäku, Peduru-mä̧ 'chä̧ji̧'ka̧ ttü̧tä̧ro̧ka̧nä̧ doächi'omȩnä̧; rü̧ȩnä̧ rȩkua̧mü̧mä̧, Dorca ji̧nä̧ kka̧'kua̧rä̧i̧ kkiyä'chinü̧, pü̧jä̧ti̧yu̧ i̧jȩpä̧rü̧ ajuäkuäwinä̧tü̧.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

Hechos 2:47

Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

Filipenses 3:5

Chuwäpächäja'attümä̧ kko̧ro̧mü̧ttü̧nü̧ wäbodäkuä mo̧ro̧ päi'omȩnä̧ circuncisió̧-mä̧ jȩtti̧nä̧ku̧sä̧, Irae ttü̧ja̧ i̧sa̧sä̧, Benjamín i̧tti̧mü̧ i̧sa̧sä̧, hebreos ttü̧ja̧ i̧sa̧. Weäwä wȩnȩ weünä̧mä̧ Fariseo wotü i̧sa̧ winü̧sä̧.

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

Hechos 9:41

Ja̧'wa̧nü̧ ja̧'a̧ kku̧mü̧ttü̧ 'chu'ädü äräbe'äji̧'ka̧; Crito-rü esetätürü'i̧nä̧, rȩkua̧mü̧rü̧'i̧nä̧ wopo'ü a̧'kua̧räju̧ru̧tä̧ iyinä̧u̧.

Hechos 9:29

Ja̧'wa̧ta̧nü̧ judío ja̧'a̧nä̧ Grecia ttü̧ja̧ tti̧wȩnȩ ukuokuätuku rü̧ȩnä̧ ujuruku ukuokui Tu̧ru̧wa̧ Jesucrito ütü'kü. Ja̧'wa̧nü̧ ja̧'a̧nä̧ juätümä̧ kuä'ü ttikua pä'ü jȩpü̧ kku̧ni̧nä̧tü̧;

Hechos 5:14

Ja̧'wa̧nü̧ jo̧mȩnä̧ Jesucrito-rü esetätümä̧ yaboku rekuächinä̧tü̧, u̧mä̧tü̧'i̧nä̧, nä̧tü̧'i̧nä̧, jü̧nä̧.

Hechos 4:4

Ja̧'wa̧nü̧ ja̧'a̧nä̧, jittäwa'a ä̧ju̧kuä̧jä̧tü̧mä̧, rekuätü esetinä̧tü̧; suro u̧mä̧tü̧tä̧mä̧ cinco mil jo̧mȩnä̧ ji̧na̧'a̧.

Hebreos 13:1

Eseäkuäu, repe'äkuäu kka̧kuä̧tu̧kui̧, Crito-nä̧ kui̧jä̧wa̧tu̧ku̧ jü̧nä̧.

2 Corintios 11:22

Juätü'i̧nä̧, hebreos ttü̧ja̧ ja̧'a̧mä̧; ttü'i̧nä̧, hebreos ttü̧ja̧sa̧sä̧. Juätü'i̧nä̧ irae ttü̧ja̧ ja̧'a̧mä̧; ttü'i̧nä̧, irae ttü̧ja̧sa̧sä̧. Juätü'i̧nä̧, Abraha̧ i̧tti̧mü̧ isotü ja̧'a̧mä̧; ttü'i̧nä̧, Abraha̧ i̧tti̧mü̧ i̧sa̧sä̧.

Hechos 2:45

Ja̧'wa̧nü̧ jȩpü̧, ttiäre'i̧nä̧ mikuä pä'ü iyä'chü, yotukunä̧rü̧ rekuä rü̧jü̧'a̧kuä̧ ppä'ädäkuäwinä̧tü̧.

San Mateo 23:13

¡Isottü̧ ukutuwe! weäwä wȩnȩ wo̧juȩtä̧tü̧mä̧ ja̧'wa̧ta̧nü̧ fariseo wotümä̧ ä'koyättütä esetätüjä̧, ukutumä̧ mo̧ro̧jä̧ ru̧wa̧ weünä̧ dodettü juiyünä̧ tto̧'ȩpä̧rä̧tü̧jä̧. Ukututä'i̧nä̧ dode'kuätukuoka'anä̧, kkorotürü'i̧nä̧ dottächa pä'ätürü dodettü juiyünä̧ jȩpä̧tü̧jä̧.

Santiago 4:5

Ji̧yȩtȩ pätetü pä'a wȩyu̧kuä̧ wȩnȩmä̧: «Dio-mä̧ eseu repe'ünü̧ ä'kuoyäu Epíritu ujutunä̧ u̧ju̧ni̧nä̧ku̧ru̧mä̧.»

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.

1 Timoteo 5:9

Ja̧'wa̧ta̧nü̧ rekua sesenta años yaboku kku̧nä̧rä̧ju̧, kkirekuo ya̧tȩrü̧tä̧ kki̧nä̧ju̧tä̧ ja̧'a̧ rȩkua̧mü̧rü̧ tti̧mi̧pi̧yä̧ wȩyu̧tu̧ rütäwomȩ wȩyu̧tu̧ ttüta'a̧nü̧ wajumä̧.

1 Corintios 10:10

Ja̧'wa̧ta̧nü̧ Dio-rü suronä̧ amükuädü päkuä'chätukuä; ja̧'wa̧nü̧ pättä'chomȩnä̧ juätüttü yotukunä̧rü̧, wa'are wȩ'ä̧wa̧ á̧gȩ kuä'äu ikuinü̧ ja̧'a̧ttü̧.

Hechos 5:28

—Ujutu, Jua̧u̧ ütü'kümä̧ yoriso ku̧wo̧juȩtä̧tu̧kuä̧ pätäja'amä̧. Jitämä̧ Jerusarȩ́ ütawiyä o'kajuiyünä̧ wo̧juȩtü̧ ikuäjätüjä̧, Jua̧u̧ 'koru juoächinü̧'i̧nä̧ ujuturutä wȩnȩtü̧.

Hechos 6:2

Ja̧'wa̧nü̧ ji̧yä̧u̧, ttü̧jä̧pü̧ttü̧ ta̧ju̧nü̧ wotü apótore-mä̧ Jesucrito-rü esetätü o'katoi'ünä̧rü̧ wopäjä'kotü pä'inä̧tü̧: —Ujutu Dio i̧wȩnȩ jitäwä'ija'a kä'ädi'ü ttu̧kuȩtä̧ iyä'chü taditüttümä̧ adiwoka'a.

Hechos 11:26

Ja̧'wa̧nü̧ ja̧'a̧, juorü igresia jü̧nä̧ wotükumä̧, ya'ute año jo̧mȩnä̧ kka̧kui̧nä̧tü̧, rekuätürü wo̧juȩtü̧; Juorü Antioquía-ttü ji̧na̧'a̧, ä̧kuo̧mȩnä̧ Jesucrito-rü esetätürü, critiano pä'ü ottina̧'a̧mä̧.

Hechos 11:29

Ja̧'wa̧nü̧ ja̧'a̧ Antioquía-ttü, Jesucrito-rü esetätümä̧ Judea rȩjȩnä̧ kka̧kuä̧tü̧rü̧ ppä'ädümä̧ rekuä rü̧jü̧ we'inä̧tü̧.

Romanos 12:7

iyäwä iyinä̧ku̧mä̧, re juiyünä̧ iyi; ku̧wo̧juȩta̧ pä'ü iyinü̧ttü̧mä̧, wo̧juȩti̧;

1 Timoteo 5:3

Rȩkua̧mü̧, isopäi'ünä̧ rekuä rü̧jä̧u̧ru̧mä̧ ppä'ädätukui.