Hechos 5:13 - Nuevo Testamento Uwotjüja

¹³ Ja̧'wa̧nü̧ ja̧'a̧ kkorotümä̧ ya̧tȩ'i̧nä̧ juätuku ppättächi'amä̧ pä'okotü pinä̧tü̧; ja̧'wa̧nü̧ jo̧mȩnä̧ ttü̧ja̧mä̧ rü̧ȩnä̧ ttukuotinä̧u̧.

TÄ̧DO Ä̧CUÄ̧ I̧HUȨNȨ

¹³ Korotö ye'ecu ca̧ca̧cuo̧co̧tö̧ pi̧nä̧tö̧do jahuätöcu. Ja̧'hua̧nö̧ ja̧'a̧nä̧ korotö Jerusalén ötahuiyänä ka̧cui̧nä̧tö̧mä̧ adiu ucuocuinätödo jahuätörö.

Hechos 5:13 Referans Kwoze

Hechos 2:47

Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

Hechos 4:21

Ja̧'wa̧nü̧ pä̧tti̧yä̧u̧ ye'epe'ipütä rä'epü tti̧kui̧nä̧u̧. Ro̧'ȩpü̧ suronä̧ jȩtta̧tü̧ pättäja'anä̧ suronä̧ jȩttä̧ji̧ jui̧yi̧yä̧u̧ ja̧'wa̧ta̧nü̧ ttü̧ja̧rü̧'i̧nä̧ ye'eku. Ttü̧ja̧mä̧ Dio-rü rü̧ȩnä̧ o'katoi'ünä̧ esewinä̧tü̧ ja̧'wa̧nü̧ 'kuäopäjämȩnä̧.

Hechos 19:17

Ja̧'wa̧nü̧ jä̧ja̧'a̧, Éfeso ütawiyänä̧ kka̧kuä̧tü̧ o'katoi'ünä̧, ukuowa'a ä̧ju̧ku̧ rü̧ȩnä̧ ye'inä̧tü̧, judío'i̧nä̧, griegos'i̧nä̧, jü̧nä̧; ja̧'wa̧nü̧ jo̧mȩnä̧ Tu̧ru̧wa̧ Jesú i̧mi̧mä̧ rü̧ȩnä̧ ukuounä̧ rü̧ä̧chi̧na̧'a̧.

Hechos 5:5

Pi̧yȩ pä'a ä̧ju̧ku̧, Ananía-mä̧ 'koru pä'i'ü ma̧'i̧nü̧. Ja̧'wa̧nü̧ päi'omȩnä̧ o'katoi'ünä̧ pi̧yȩ ä̧ju̧ku̧ rü̧ȩnä̧ ye'inä̧tü̧.

San Juan 19:38

Pi̧yȩ 'kuäopäji o'ka'a, Arimatea ütawiyä i̧sa̧, José pä'ü mi̧kua̧, Jesú u̧wo̧juȩtä̧u̧ i̧sa̧ ja̧'a̧, judío-rü ye'eku, yä̧wȩi̧nä̧ Jesú o'ko jäwä rä'epü ikua pä'ü Pilato-rü jä'epü 'chi̧nü̧. Ja̧'wa̧nü̧ ja̧'a̧, José-mä̧, Jesú o'ko jäwä ȩmi̧pi̧nü̧.

San Juan 12:42

Ja̧'wa̧nü̧ ja̧'a̧nä̧'i̧nä̧, ruwotümä̧ rekuätü Jesú-ru esetinä̧tü̧; ja̧'wa̧nü̧ tteseta'anä̧, fariseo wotü sinagoga-ttü rä'epü ttikuätü pä'ü, wäjuönä̧mä̧ ji'äwokotü pinä̧tü̧.

San Juan 9:22

Pa̧'a̧nü̧ pätta'amä̧, jä'o'i̧nä̧, ja̧ju̧'i̧nä̧ judío-rü ye'eku pä'inä̧tü̧. Jesú-ru, jua̧u̧tä̧ Crito-mä̧ pä'ätürümä̧, sinagoga isodettü rä'epü ttikua pä'ü, jo̧mȩnü̧ ukuoku ttu̧ju̧nä̧ji̧yä̧u̧.

San Lucas 19:48

Ja̧'wa̧nü̧ ttusa'anä̧, yoriso ttü̧'o̧kui̧'ü̧ juiyünä̧ ji̧nä̧u̧, jua'amä̧ ttü̧ja̧ o'katoi'ünä̧ Jesú jiäu ttä̧ju̧kua̧ pätta'attü̧.

Hechos 5:26

Ja̧'wa̧nü̧ ja̧'a̧ Dio-rü ukuokuäkuäwode tta̧'a̧rä̧tü̧ ttu̧ru̧wa̧mä̧ umüwäyotüku 'chä̧wi̧'ü̧ kuäkuäoka'atä ȩmo̧po̧'ü̧ i̧wi̧nä̧u̧, ttü̧ja̧ inä̧wiyänä̧ ikuäu ttikuätü pä'ü yekua'attü̧.

2 Corintios 10:15

Ja̧'wa̧nü̧ ja̧'a̧ttü̧, kkorotü ttaditinü̧nä̧mä̧ esewokotüjä̧, ujutu taditüttü rä'opächümä̧. Ja̧'wa̧nü̧ ja̧jü̧ jueimä̧, ukutuku tadita pä'ätüjä̧ kua̧'kua̧ ku̧wȩnä̧rä̧tu̧ku̧ rü̧ä̧chü̧ta'anü̧, ujutu rü̧tä̧chü̧nä̧ tu̧wo̧juȩti̧nü̧nä̧;