Hechos 4:36 - Nuevo Testamento Uwotjüja

³⁶ Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).

TÄ̧DO Ä̧CUÄ̧ I̧HUȨNȨ

³⁶ Ja̧'hua̧nö̧ ja̧'a̧ ya̧tȩ levita i̧sa̧ pi̧nö̧do, José pä'ö mi̧cua̧. Ja̧u̧ Chipre kä'co i̧sa̧sa̧ttö̧ uhuäpächinödo. Jesús hue'ähuotö i̧mi̧ päjure Bernabé ottinäcudo. Jahuätö tti̧huȩnȩnä̧ päa'a Bernabé, ujutu ti̧huȩnȩnä̧ päa'a ahuaruhuärö adiu ucuocu ppädäcuähuä i̧sa̧.

Hechos 4:36 Referans Kwoze

Gálatas 2:13

Ja̧'wa̧nü̧ ä'koyättü Peduru jȩü̧ta̧'a̧nü̧ jȩpi̧nä̧tü̧, kkorotü judío'i̧nä̧, ji̧nä̧ Bernawé'i̧nä̧ ja̧'wa̧ta̧nü̧tä̧ jȩpi̧nü̧.

Gálatas 2:9

Ja̧'wa̧nü̧ ja̧'a̧ttü̧, adiwä juei ttürü iyäwi'ina̧'a̧ wo̧jui̧'ü̧ Sa̧ti̧a̧ku̧'i̧nä̧, Cefa'i̧nä̧, Ju̧a̧'i̧nä̧ igresia 'chu̧'ä̧rä̧tü̧ ja̧'a̧ttü̧ tettäwinä̧u̧jä̧, ttürü'i̧nä̧, Bernawérü'i̧nä̧, ji̧nä̧ ji̧yȩtȩ adikuä isotü jü̧nä̧: Ujutumä̧ judío pokotürü ji'äu ti̧'cha̧'a̧nä̧, jitütämä̧ judío-rü jittäwa pä'ü.

Gálatas 2:1

Jua̧u̧nü̧ ji̧na̧'a̧ttü̧mä̧, ttü̧jä̧pü̧ttü̧ pa̧ja̧kuä̧nü̧ a̧'ȩ 'kuäopinü̧ o'ka'a, pä'äjita'anü̧ Jerusarȩ́-ra̧'a̧ Bernawé-ku 'chä̧nü̧, Tito-rü'i̧nä̧ o'ipinü̧sä̧.

Hechos 15:39

Ja̧'wa̧nü̧ ja̧'a̧mä̧, rü̧ȩnä̧ pä'äkuäwinä̧tü̧, juorütä 'kȩttȩkuä̧chü̧nä̧; Bernawé-mä̧ Maruku-rütä o'ipächü Chipre-ra̧'a̧ 'chi̧nü̧.

1 Corintios 9:6

¿Juiyo ujutu Bernawé-kutätí̧, tu̧kuȩ tukua pä'ü aditü usurä ȩmä̧wä̧tü̧mä̧?

Hechos 21:16

Ti̧'cho̧mȩnä̧ Cesarea ütawiyättü yotukunä̧ Jesucrito-rü esetätü'i̧nä̧ ichinä̧tü̧, Mnasón-rü̧'i̧nä̧ o'ipü, ojusodenä̧ ti̧rȩbȩwi̧yä̧kua̧rü̧, Chipre ttü̧ja̧sa̧, täkü rekuo Jesucrito-rü esetinü̧rü̧.

Hechos 15:37

Päku, Bernawé-mä̧, Ju̧a̧ ja̧'a̧nä̧ Maruku pättäkuru oipa pä'inü̧;

Hechos 12:25

Ja̧'wa̧nü̧ ja̧'a̧ Bernawé'i̧nä̧, Sauro'i̧nä̧ aditäjä'kotü Jerusarȩ́-ttü̧ kä'ädäkuäwipü, Antioquía-ra̧'a̧ku̧ ppa̧'ä̧chä̧chi̧nä̧tü̧. Ju̧a̧-rü̧ ȩmi̧pinä̧tü̧, Maruku pä'ü ottinä̧ku̧ru̧.

Hechos 11:30

Ja̧'wa̧nü̧ pärätä ppä'ädümä̧, Bernawé'i̧nä̧, Sauro'i̧nä̧ ȩpü̧ iyinätü̧ Jerusarȩ́ igresia-ttü a̧ci̧a̧nu̧ wotü ttu̧mü̧nä̧.

Hechos 15:12

Ja̧'wa̧nü̧ ukuokuomȩnä̧ o'katoi'ünä̧tä̧ 'koruchi'äjä'kotü ä̧ju̧kuä̧ri̧nä̧tü̧. Ja̧'wa̧ta̧nü̧ Pauru-mä̧, Bernawé-ku ukuokuinä̧tü̧ judío pokotü ttü̧'kä̧tȩttü̧ Dio jȩi̧nü̧ wȩnȩ, juätürü.

Hechos 15:2

Ja̧'wa̧nü̧ ji̧yä̧u̧ Pauru-mä̧, Bernawé'i̧nä̧ juätuku rü̧ȩnä̧ pä'ä'kuäwinä̧tü̧ ja̧'wa̧nü̧ jä̧jí̧ o'ka'a Antioquía-ttü igresia tturuwotümä̧, Pauru-rü'i̧nä̧, Bernawérü'i̧nä̧, kkorotürü'i̧nä̧ Jerusarȩ́-ra̧'a̧ tti̧'chi̧ya̧tü̧ pä'ü we'inä̧tü̧; pi̧yȩ tü'kü, jua̧u̧ ütawiyära̧'a̧ttü̧, apótore-ku, igresia-ttü a̧ci̧a̧nu̧ wotüku ttukuokuäja pä'ü.

Hechos 9:27

Ja̧'wa̧nü̧ ji̧yä̧ku̧, Bernawé-mä̧ apótore ttü̧ja̧'a̧ku̧ o'ipächü i̧jȩpü̧, ji'äwinü̧: Sauro-mä̧ mä̧nä̧ttü̧ Tu̧ru̧wa̧rü̧ topäji pä'ü ja̧'wa̧ta̧nü̧ Damasco-ttü ujuruku Jesucrito ütü'kü jiäwäja'a'i̧nä̧ jiäwiyinä̧u̧.

San Marcos 3:17

Zebedeo i̧tti̧mü̧, Sa̧ti̧a̧ku̧'i̧nä̧, i̧jä̧wa̧ Ju̧a̧'i̧nä̧, juätürümä̧, Boanerges pä'ü o'inä̧u̧, (ja̧'wa̧nü̧ pä'ümä̧ «ku'upä kürüa'a i̧tti̧mü̧» pä'ü päwä).

Hechos 13:1

Antioquía ütawiyättü igresia jü̧nä̧ wotükumä̧, profeta'i̧nä̧, wo̧juȩkuä̧ isotü'i̧nä̧ kka̧kui̧nä̧tü̧. Juätümä̧ Bernawé'i̧nä̧, Simón-ja̧'a̧nä̧ (Niger pättinä̧ku̧'i̧nä̧), Cirene i̧sa̧ Ruciu'i̧nä̧, Herode Antipas-ku püttächinü̧ Menahem'i̧nä̧, Sauro'i̧nä̧ ji̧na̧'a̧.

Hechos 13:2

Ya'utenä̧ Dio-rü ukuoku kkä̧nü̧, ttu̧kuȩ'i̧nä̧ tta̧do̧chä̧ja̧'a̧, Epíritu Sa̧tu̧ päinä̧u̧: «Bernawérü'i̧nä̧, Sauro-rü'i̧nä̧ 'kȩ'ȩpi̧yä̧tu̧kui̧ttü̧, ttadita pä'ü wochinü̧ wedatü.»

Hechos 13:4

Ja̧'wa̧nü̧ ja̧'a̧ Epíritu Sa̧tu̧ wȩä̧jä̧u̧mä̧, Sereucia ütawiyäku 'chä̧wi̧'ü̧mä̧ Chipre-ra̧'a̧ku̧ kkäwinä̧tü̧.

Hechos 13:15

Weäwä wȩnȩ'i̧nä̧, profeta-tü̧ wȩyu̧kuä̧'i̧nä̧ to̧pä̧rü̧ ttukuokuäji o'ka'a, sinagoga isode uruwotümä̧ jättepinä̧u̧: —Chawaruwä chi̧jä̧wa̧tü̧, ttü̧ja̧rü̧ jikuäwa päkuätuku kkü̧ttü̧mä̧ jitätä ji'äwätukui, pättinä̧u̧.

Hechos 21:3

'Kuätopomȩnä̧, Chipre kkä'ko i̧sä̧sa̧mä̧ tieruwa'akunä̧ kki̧'a̧'a̧nä̧, Siria rȩjȩra̧'a̧ku̧ 'chi̧nä̧tü̧jä̧. Ja̧'wa̧nü̧ ja̧'a̧nä̧, woi'kamä̧ Tiro ütawiyä ttawaränä̧ rä̧mä̧di̧na̧'a̧, juȩnȩ ttiäre wȩnä̧dü̧ ttikua pä'ü.

Hechos 27:4

Ja̧'wa̧nü̧ ja̧'a̧ juorü rä'opächümä̧, kkä̧rü̧'koppa to'ija̧'a̧ku̧ kkä̧rü̧'ko̧wi̧yä̧u̧, Chipre kkä'ko i̧sä̧sa̧ jä̧yä̧sa̧nä̧ 'kuä'opinä̧tü̧jä̧.

1 Corintios 14:3

Ja̧'wa̧nü̧ ja̧'a̧nä̧, Dio i̧mi̧nä̧ jiäkuäwämä̧ ttü̧ja̧rü̧ äräbe'ü kkä̧nü̧, ro̧'ȩpü̧'i̧nä̧ ro̧'ȩpü̧ kkä̧nü̧, ttajuäkuäu'i̧nä̧ jȩpü̧ ikua'a.

Colosenses 4:10

Ttütäku kärenä̧ pü̧ Aritarco'i̧nä̧ teäwä̧u̧jä̧. Ja̧'wa̧ta̧nü̧ Bernawé, a̧wa̧ru̧wa̧ Maruku'i̧nä̧ teäwä̧u̧jä̧. Jua̧u̧ ütü'kümä̧ wedinä̧u̧jä̧, do'ächü ichüttümä̧ adiutä ppä'ädätukuirü.