Hechos 4:34 - Nuevo Testamento Uwotjüja

³⁴ Ja̧'wa̧nü̧ ja̧'a̧ttü̧ ya̧tȩ'i̧nä̧ rekuä rü̧jä̧ku̧mä̧ toina̧'a̧; jua'amä̧ tti'ättiyu kku̧nä̧rä̧tü̧ ja̧ pä'ü'i̧nä̧, ttojusode kku̧nä̧rä̧tü̧ ja̧ pä'ü'i̧nä̧, iyü ikuipü mikuämä̧ i'kächü iyinä̧tü̧,

TÄ̧DO Ä̧CUÄ̧ I̧HUȨNȨ

^34-35 Jahuätöttömä ya̧tȩ'i̧nä̧ öäre jui̧'a̧mä̧ toina'ado. Korotömä tti̧rȩjä̧'i̧nä̧, ttojusode'inä ku̧nä̧rä̧tö̧mä̧ iyö icu, ttȩmä̧ji̧ micuä i'cächö, Jesús hue'ähuotö ttä'ca jo̧mȩ rötinätödo recuä rö̧jä̧u̧ru̧ ttiya pä'ö.

Hechos 4:34 Referans Kwoze

Hechos 2:45

Ja̧'wa̧nü̧ jȩpü̧, ttiäre'i̧nä̧ mikuä pä'ü iyä'chü, yotukunä̧rü̧ rekuä rü̧jü̧'a̧kuä̧ ppä'ädäkuäwinä̧tü̧.

San Lucas 16:9

Isopäi'ünä̧ ukuturu pä'üsä: Pi̧jä̧ jäwä pärätä adiwä juei jo̧kü̧nä̧, kuawaruwätukuru ku̧ju̧nä̧rä̧tu̧kua̧ usätukui, jua̧u̧ beipächomȩnä̧, mo̧ro̧jä̧nä̧ i'ko kko̧mȩttü̧ ttȩmä̧tu̧kua̧ku̧.

San Lucas 12:33

Ku̧ju̧nä̧rä̧tu̧ku̧mä̧ mikuä pä'ü iyä'chü ikuätukui, usurä isotürü ppäkuädätukua; kusakuyutuku kerächokoyutä, mo̧ro̧jä̧ra̧'a̧ pärätä beipokomȩtä̧ aditätukui, nä̧u̧kuä̧rü̧'i̧nä̧ doächokomȩtä̧ ja̧'wa̧ta̧nü̧ isotü'i̧nä̧ surojuottepokomȩtä̧.

San Lucas 22:35

Ja̧'wa̧nü̧ ja̧'a̧, Jesú-mä̧ jä'epü ä̧ju̧kui̧nä̧u̧: —Ttü pärätä juiyünä̧, ku̧kuȩtu̧ku̧ juiyünä̧, kui̧jä̧pü̧ isäyatuku'i̧nä̧ juiyünä̧ wedinü̧mä̧ ¿rekuä rü̧ji̧nä̧u̧jä̧? —Päomȩnä̧, ädätinä̧tü̧: —yoriso, rekuä rü̧jo̧ko̧u̧ pinä̧tü̧jä̧.

San Marcos 10:21

Pä'anä̧, Jesú-mä̧ topü eseunu̧ päinä̧ku̧: —Ji̧nä̧, ji̧yȩtȩ jui̧'a̧jä̧: ku̧ju̧nä̧rü̧ o'kajuiyünä̧ mikuä pä'ü iyä'chü ikuäji, rekuä rü̧jä̧u̧ru̧ kuiyäkua'anü̧. Ja̧'wa̧nü̧ jȩ'kuo̧mȩnä̧ mo̧ro̧jä̧ra̧'a̧ttü̧ pärätä ku̧ju̧nä̧rä̧kua̧jä̧. Ja̧'wa̧nü̧ jȩpü̧, ü̧jo̧kä̧nü̧ ȩmi̧pü̧, cho'ka'anä̧ ichi.

San Mateo 19:21

Päku Jesú-mä̧ ädätinä̧ku̧: —O'kajuiyünä̧ jo̧mȩnü̧ kua päkuttümä̧, ku̧ju̧nä̧rü̧ kuiäre mikuä pä'ü iyä'chü ikui, usurä isotürü ppäkuäda. Ja̧'wa̧nü̧ jȩ'ku̧ttü̧mä̧, mo̧ro̧jä̧ra̧'a̧ttü̧ rü̧ȩnä̧ mikuäu ku̧ju̧nä̧rä̧kua̧jä̧. Ja̧'wa̧nü̧ jȩpü̧, cho'ka'anä̧ ichi.

1 Timoteo 6:19

Ja̧'wa̧nü̧ ttü̧ja̧ku̧ttü̧tä̧ pärätä ruwotü juottäkuotü yodojimä̧ ja̧'wa̧ta̧nü̧ kkä̧kuä̧wä̧ i'ko'i̧nä̧ ttu̧ju̧nä̧rä̧kuo̧tü̧.

Hechos 4:37

Pidemä̧ i'ätta kku̧nä̧rü̧ ja̧'a̧, juätta iyü ikuäji̧'ka̧ mikuämä̧ apótore-rü i'kächü iyinü̧, ttiyä'cha pä'ü.

Santiago 1:27

Jä'o Dio-rü esetäwämä̧ churutä eseäkuäwä ja̧'a̧ ja̧'wa̧ta̧nü̧ adiu jȩä̧kuä̧wä̧mä̧ reyotü usurä ȩmä̧wä̧tü̧rü̧'i̧nä̧, rȩkua̧mü̧rü̧'i̧nä̧ ppädäkuäwä ja̧'a̧, ja̧'wa̧ta̧nü̧ pi̧jä̧ jäwä surojuo'epünä̧mä̧ kuiditäkuäwätukuä.

1 Tesalonicenses 4:12

Ja̧'wa̧nü̧ jȩ'kuä̧tu̧kuo̧mȩnä̧ Dio-rü esetokotü ttukuotäkuotü. Ukututä'i̧nä̧ rekuä rü̧jü̧ juiyomȩnä̧ kkä̧nü̧ jä̧'ȩpä̧ro̧ko̧tü̧ kuäkuotüjä̧.

2 Corintios 8:14

Jitämä̧ ukutujä̧, juätürü rekuärü̧jü̧ kku̧nä̧rä̧tü̧mä̧; kkoronü̧mä̧ ukuruturu rekuä rü̧jü̧ ttu̧ju̧nä̧rä̧kuo̧tü̧ juätümä̧ ja̧'wa̧nü̧ jȩ'kuä̧tu̧kuo̧mȩnä̧ yoräteunä̧ ku̧ju̧nä̧rä̧kuo̧tü̧jä̧,