Hechos 4:27 - Nuevo Testamento Uwotjüja

²⁷ «Isopäi'ünä̧ ukú kui̧tti̧ surojü jui̧'a̧rü̧ suronä̧ jȩtta̧ pä'ü ka̧ka̧kui̧nä̧tü̧, Herodes'i̧nä̧, Poncio Pilato'i̧nä̧, Irae ttü̧ja̧ wokotü'i̧nä̧, Irae ttü̧ja̧'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

²⁷ “Iso päi'önä pi̧yȩ ötahuiyänä Herodes'inä, Poncio Pilato'inä ca̧ca̧cui̧pi̧nä̧tö̧ judíos huocotöcu, judíos ttö̧ja̧cu̧'i̧nä̧, suronä jȩtta̧ pä'ö ucu adihuänä Cui̧tti̧ Jesúsru, pätetö huecuhuinäcuru.

Hechos 4:27 Referans Kwoze

San Mateo 27:2

Jua̧u̧nü̧ o'ka'a nü̧'kä'kotü ȩpü̧ iyinä̧tü̧ Roma-ttü̧ wȩ'ä̧wa̧ ru̧wa̧ Pilato-rü.

Hechos 4:30

Ku̧mü̧ te'ädü ppä'äditü na̧nȩpä̧tü̧ ttü̧'ȩji̧'ü̧nä̧, jȩtto̧kü̧ juei, kui̧tti̧ Jesú i̧mi̧nä̧ jȩtü̧nä̧.»

San Lucas 9:22

Pa̧'a̧nü̧ pä'ünü̧: —Ttü Ubo I̧tti̧ rü̧ȩnä̧ usurä chȩmä̧wa̧ pä'ü rekuä rü̧ja̧'a̧, judío-ttü a̧ci̧a̧nu̧ wotüttü'i̧nä̧, sacerdote wotü tturuwotüttü'i̧nä̧, weäwä wȩnȩ wo̧juȩkuä̧ isotüttü'i̧nä̧, weäwänä̧ usurä ȩmä̧wi̧'i̧pü̧, kuä'ü'i̧nä̧ ttiku o'ka'a, wäbodäkuä mo̧ro̧ päi'omȩnä̧ tto̧dä̧chä̧kua̧sä̧.

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

Hechos 2:27

Isopäi'ünä̧ ukumä̧ wa'arenä̧mä̧ kuikuipokoku chä̧kua̧sä̧ ja̧'wa̧ta̧nü̧ kuemi̧nä̧ku̧ cha'attü surojü tochünä̧mä̧ jȩ'kuo̧ko̧ku̧ chä̧kua̧sä̧.

San Juan 19:34

Ja̧'wa̧nü̧ ja̧'a̧nä̧, su̧ro̧do̧u̧ttü̧ ya̧tȩ, i'esubänä̧ dakuodänä̧ tawomȩnä̧, ukuojamä̧ ajiyakutä werächi'ina̧'a̧.

San Juan 18:28

Ja̧'wa̧nü̧ ja̧'a̧, mo̧ro̧juoa'aku juätümä̧ Caifá ojusodettü ru̧wa̧ gobernador ojusodeku Jesú-ru ȩpi̧nä̧tü̧. Ja̧'wa̧nü̧ ja̧'a̧nä̧, judío tturuwotümä̧ juodenä̧ dodepokotü pinä̧tü̧, Pacua ttukuäkua'a ja̧'a̧, surojuotächä pä'ü.

San Juan 10:36

Isopäi'ünä̧ Dio pätetü weinä̧ku̧ru̧mä̧, Dio-rü suronä̧ pä'ü pä'ätüjä̧, Dio i̧tti̧sä̧ pädomȩttü̧.

San Juan 1:11

Chutä rȩpȩä̧u̧ ttü̧ja̧rü̧ ä̧tȩkuä̧nä̧ ichina̧'a̧nä̧; chutä rȩpȩä̧u̧mä̧ yattokuinä̧ku̧.

San Lucas 22:63

Jesú-ru tta̧'a̧rä̧tü̧mä̧, ya̧'a̧wä̧'chü̧ kkä̧nü̧ kuäkuättinä̧ku̧.

San Lucas 4:18

Dio i̧sa̧ Epíritu ttünä̧tä̧ kkü̧, Jua'amä̧ ȩmi̧nä̧ku̧ cha'attü, usurä isotürü adiwäjuei jareü wȩnȩ ȩpü̧ chiya pä'ü; weinä̧ku̧sä̧ tta̧mi̧ iso'kinä̧ usurä ȩmä̧wä̧tü̧rü̧ aditü chikua pä'ü. Kärenä̧ pȩjä̧tü̧rü̧ rä'epü chikua pä'ü. Ja̧'wa̧ta̧nü̧ ä̧to̧kä̧tü̧rü̧ tottünä̧ jȩcha̧ pä'ü; suronä̧ jȩttä̧u̧ usurä ȩmä̧wä̧tü̧rü̧ rä'epü chikua pä'ü;

San Lucas 1:35

Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.

San Marcos 15:31

Ja̧'wa̧ta̧nü̧ sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧ jua̧u̧ru̧ ya̧'a̧wä̧'chi̧nä̧tü̧: —«Kkorotürümä̧ ppädina̧'a̧nä̧, a̧mü̧nä̧ pa̧ja̧tü̧mä̧ ppä'ädäkuäu juiyünä̧ wa̧ pättä'chinä̧ku̧.

San Marcos 10:33

Topätukui, Jerusarȩ́-ra̧'a̧ku̧ 'cha'achätüjä̧ jua'attümä̧ Ttü Ubo i̧tti̧rü̧ iyü ttikuäkuotü sacerdote wotü tturuwotürü ja̧'wa̧ta̧nü̧ wo̧juȩkuä̧ isotürü ja̧'wa̧nü̧ ja̧'a̧ juätümä̧ kuä'ü ttikuäkua̧sä̧, kko̧ro̧jä̧ ruwä ttu̧mü̧nä̧.

San Mateo 23:37

¡Jerusarȩ́ ttü̧ja̧, Jerusarȩ́ ttü̧ja̧, profetas wotürü'i̧nä̧ kuä'äu iku kkä̧nü̧, Dio wȩä̧u̧ru̧mä̧ inä̧dunä̧ ikuäu ikuätüjä̧! ¡kko̧ro̧nü̧ jü̧ta̧'a̧nü̧, äkärä isaju kki̧tti̧mü̧rü̧ kkujuabä dȩa̧'a̧ kkü̧tä̧ra̧'a̧ jä̧'i̧jü̧'a̧nü̧, ji̧nä̧ yo̧mȩtȩ chü̧tä̧ra̧ päda'anä̧ kkü'kokotü pinä̧tü̧jä̧!

San Mateo 21:28

Jesú jä'epü ä̧ju̧kui̧nä̧u̧: —¿Ukutumä̧ pi̧yȩ, toku päkuätukua'ajä̧ttü̧? Ya̧tȩ i̧tti̧mü̧ ta̧ju̧ru̧ kku̧nä̧ri̧nü̧, ja̧'wa̧nü̧ ja̧'a̧ ä̧kuo̧mȩnä̧ i̧sa̧rü̧ ichi'ü pä'inü̧: «Chi̧tti̧, jitä mo̧ro̧mä̧ chi'ättanä̧ aditäji.»

San Mateo 14:1

Jua̧u̧nu̧tä̧ pä̧nä̧ Herode Antipas-mä̧, Galirea rȩjȩnä̧ ru̧wa̧ pä̧nü̧, Jesú rü̧ȩnä̧ ukuota'a ä̧ju̧kui̧nü̧.

San Mateo 14:3

Pa̧'a̧nü̧ pä'amä̧, Herode-mä̧ Ju̧a̧-rü̧ kä̧rȩnä̧sa̧nä̧ nü̧'kü kärenä̧ ttütünä̧ weina̧'a̧ ji̧na̧'a̧, i̧jä̧wa̧ Filipo irekua Herodía jäwänä̧.

San Mateo 14:6

Ja̧'wa̧nü̧ ja̧'a̧nä̧ Herode uwäpächinü̧ mo̧ro̧ pätekuächü pä'kärinä̧, Herodía kkittiju baira tü'inä̧ju̧ ttü̧ja̧ o'katoi'ünä̧ ttä'ka jo̧mȩttü̧, Herodes'i̧nä̧ esewächi'ünä̧.

San Lucas 23:1

Ja̧'wa̧nü̧ ja̧'a̧ ttü̧ja̧mä̧ o'katoi'ünä̧ ä̧rä̧mi̧'ü̧, Jesú-ru pilato ä'ka jo̧mȩku̧ ȩpi̧nä̧tü̧.

San Juan 18:29

Ja̧'wa̧nü̧ ja̧'a̧, Pilato-mä̧ juätü ttü̧jo̧mȩku̧ rä'o'i'ü päinä̧u̧. —¿Däjé surojü jȩä̧ja̧'a̧, piderümä̧ kui'chächäjätukuättü̧?