Hechos 4:1 - Nuevo Testamento Uwotjüja

¹ Ja̧'wa̧nü̧ Peduru-mä̧, Ju̧a̧-ku̧ ttü̧ja̧rü̧ ukuoku ttü̧ja̧kua̧'a̧ 'kä̧tȩnä̧, ichi'inä̧tü̧ sacerdote-tü̧mä̧, Dio-rü ukuokuäkuäwode su̧ro̧do̧u̧ tturuwotüku, saduceo wotüku, jü̧nä̧.

TÄ̧DO Ä̧CUÄ̧ I̧HUȨNȨ

¹ Pedrocu, Juancu ttö̧ja̧rö̧ jittähua'anä, 'chä̧hui̧'i̧nä̧tö̧do sacerdotes'inä, saduceos huotö'inä, Diosrö ucuocuäcuähuode su̧ro̧da̧u̧ ttu̧ru̧hua̧'i̧nä̧.

Hechos 4:1 Referans Kwoze

San Lucas 22:4

Jua̧u̧mä̧ sacerdote wotü tturuwotürü'i̧nä̧, su̧ro̧do̧u̧ tturuwotürü'i̧nä̧ ukuoku 'chi̧nü̧, Jesú-ru iyü i̧kuä̧kuȩ wȩnȩ.

Hechos 6:12

Ja̧'wa̧nü̧ jȩpü̧ ttü̧ja̧rü̧'i̧nä̧, judío-ttü a̧ci̧a̧nu̧ wotü'i̧nä̧, weäwä wȩnȩ wo̧juȩkuä̧ isottürü'i̧nä̧ ttü̧ra̧wä̧ri̧pü̧nä̧ jȩpi̧nä̧tü̧; ja̧'wa̧nü̧ jo̧mȩnä̧ Esteba̧-rü̧ 'chu'ädü ruwotü ukuo isotü ttä'ka jo̧mȩ ȩpü̧ kku̧ni̧nä̧tü̧.

Hechos 5:26

Ja̧'wa̧nü̧ ja̧'a̧ Dio-rü ukuokuäkuäwode tta̧'a̧rä̧tü̧ ttu̧ru̧wa̧mä̧ umüwäyotüku 'chä̧wi̧'ü̧ kuäkuäoka'atä ȩmo̧po̧'ü̧ i̧wi̧nä̧u̧, ttü̧ja̧ inä̧wiyänä̧ ikuäu ttikuätü pä'ü yekua'attü̧.

Hechos 5:24

Pätta'a ä̧ju̧ku̧ Dio-rü ukuokuäkuäwode tta̧'a̧rä̧tü̧ ttu̧ru̧wa̧'i̧nä̧, sacerdote-tü̧ tturuwotü'i̧nä̧, jua̧u̧nu̧mä̧ toku jä̧ja̧'a̧ jä̧ttü̧, pä'ü amükuädinä̧tü̧.

San Mateo 3:7

Ja̧'wa̧nü̧ ja̧'a̧nä̧, rekuätü fariseo wotü'i̧nä̧, saduceo wotü'i̧nä̧, Ju̧a̧ bautizo jȩa̧'a̧ topü ttichäja'a, päinä̧u̧. «¡Ukutumä̧ ä̧ka̧tü̧ isotü wotüjä̧!» ¿Dí jiäwinä̧tu̧kuä̧ku̧ttü̧ usurä ttȩmä̧u̧nä̧ ro̧ȩpä̧kuȩttü̧ tü'ipächü ku̧ji̧pä̧tu̧kua̧ pä'ümä̧?

Hechos 4:6

ja̧'wa̧ta̧nü̧ sacerdote ttu̧ru̧wa̧ Aná'i̧nä̧, Caifái̧nä̧ ja̧'wa̧ta̧nü̧ Ju̧a̧'i̧nä̧, Alejandro'i̧nä̧ ja̧'wa̧ta̧nü̧ sacerdote-tü̧ ttawaruwämä̧ o'katoi'ünä̧ jo̧mȩnä̧;

San Juan 18:3

Ja̧'wa̧nü̧ ja̧'a̧ttü̧, Juda-mä̧, sacerdote tturuwotü wȩttä̧jä̧u̧ su̧ro̧do̧u̧ku̧ ja̧'wa̧ta̧nü̧ fariseo wotü wȩttä̧jä̧u̧ su̧ro̧do̧u̧ku̧ o'ipächäji̧'ka̧ rȩbȩwi̧pi̧nü̧, dauwiyäku, ttitejäworiyäku, ttürowä'äku, jü̧nä̧.

San Juan 15:20

Pi̧yȩ pädinü̧ amükuädätukui: Ya̧tȩ ttu̧mü̧wä̧ya̧mä̧, u̧ru̧wa̧ttü̧'i̧nä̧ u̧wä̧mȩnä̧mä̧ wokü ja̧'a̧. Ttürü suronä̧ pä'ü ttusinü̧ta'anü̧, ukuturu'i̧nä̧, suronä̧ pä'ü ttusäkuotü; ttü chi̧wȩnȩ ma̧i̧pü̧ juiyünä̧ ukuoku jȩttä̧'i̧jü̧mä̧, ukuturu'i̧nä̧ ja̧'wa̧ta̧nü̧ jȩttä̧kuo̧tü̧.

San Mateo 27:41

Ja̧'wa̧ta̧nü̧ sacerdote tturuwotü'i̧nä̧, weäwä wȩnȩ wo̧juȩtä̧tü̧'i̧nä̧ ja̧'wa̧ta̧nü̧ A̧ci̧a̧nu̧tu̧ päi'ünä̧ wotüku yo̧mȩtȩnä̧ pättä'chinä̧ku̧:

San Mateo 27:20

Ja̧'wa̧nü̧ ja̧'a̧nä̧, sacerdote tturuwotü'i̧nä̧, a̧ci̧a̧nu̧tu̧'i̧nä̧ ttü̧ja̧ rekuätürü we'ü kku̧ni̧nä̧tü̧, Barrabá-rütä rä'epü iku; Jesú-rumä̧ kuä'ü ttikua pä'ü jättepünä̧.

San Mateo 22:16

Ja̧'wa̧nü̧ ja̧'a̧ttü̧ jitütäku wotürü'i̧nä̧ we'ükkä̧nü̧, Herode-ku wotürü'i̧nä̧ we'inä̧tü̧, pa̧'a̧nü̧ pättarü pä'ü: —Wo̧juȩkuä̧ i̧sa̧, ukumä̧ jueünä̧tä̧ ukuokuä'ijü pätäkujä̧ ja̧'wa̧ta̧nü̧ Dio u̧mä̧nä̧dä̧jä̧ jueünä̧tä̧ ku̧wo̧juȩta̧'a̧ttü̧, ttü̧ja̧ ä'koyättü pätta'akumä̧ esetokü pä'ü tu̧wo̧juä̧ku̧jä̧.

San Mateo 16:12

Ja̧'wa̧nü̧ pä̧u̧tä̧, Jesú-mä̧ fariseo wotü'inä̧, saduceo wotü'i̧nä̧ wotü ttu̧wo̧juetü̧ttü̧ tta̧'a̧rä̧kuä̧wä̧tu̧kui̧ pä'ü pä'a, pä'ü wo̧jui̧'i̧nä̧tü̧, trigo ire o̧si̧ jäwä levadura tü'kümä̧ päoka'a jä̧ja̧'a̧dä̧ pä'ü.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

San Lucas 20:1

Ya'ute mo̧ro̧ Jesú-mä̧, Dio-rü ukuokuäkuäwodenä̧ jareü wȩnȩ wo̧juȩtü̧ ü̧ja̧'a̧ jakuänä̧, sacerdote wotü tturuwotü'i̧nä̧, weäwä wȩnȩ wo̧juȩkuä̧ isotü'i̧nä̧, judío-ttü a̧ci̧a̧nu̧ wotü'i̧nä̧ ichi'ü,

Hechos 5:17

Ja̧'wa̧nü̧ ja̧'a̧, sacerdote ttu̧ru̧wa̧mä̧ ja̧'wa̧ta̧nü̧ saduceo wotü'i̧nä̧ juȩnȩ kka̧kuä̧tü̧mä̧ kkü'kü jui'ü ra̧wä̧ri̧nä̧tü̧.