Hechos 3:6 - Nuevo Testamento Uwotjüja

⁶ Ja̧'wa̧nü̧ ja̧'a̧nä̧ Peduru-mä̧ päinä̧ku̧: —Pärätä'i̧nä̧, oro'i̧nä̧ juida'anä̧, chu̧ju̧nä̧rü̧mä̧ chiyäkujä̧: Jesucrito Nazare i̧sa̧ i̧mi̧nä̧, ä̧rä̧mi̧'ü̧ kue'ächi.

TÄ̧DO Ä̧CUÄ̧ I̧HUȨNȨ

⁶ Ja̧'hua̧ ja̧'a̧ Pedro pä'inödo: —Pärätä'inä, oro'inä jui̧'a̧sä̧. Chu̧ju̧nä̧rö̧mä̧ chiyäcujä. Ä̧rä̧mi̧'ö̧ cue'ächi Jesucristo Nazaret i̧sa̧ i̧mi̧nä̧.

Hechos 3:6 Referans Kwoze

Hechos 3:16

Ja̧'wa̧nü̧ ja̧'a̧ttü̧, jua̧u̧ Jesú-ru ta̧'kua̧ tu̧wȩnä̧ro̧mȩnä̧, pide to'kuä'ijätukuäkumä̧ na̧wä̧chä̧'i̧jü̧ttü̧ a̧'kua̧ttü̧ juoächäji ja̧'a̧.

Hechos 10:38

Dio-mä̧, Epíritu Sa̧tu̧ jäwänä̧ jȩpü̧, ujuru'i̧nä̧ iyinä̧ku̧ Jesú Nazare i̧sa̧rü̧mä̧. Ja̧'wa̧nü̧ ja̧'a̧ttü̧, Jesú-mä̧ adiutä ppä'ädü kue'ächinü̧, äwettä usurä ttȩmä̧u̧nä̧ jȩü̧'i̧nä̧ aditü ikuinü̧. Jua'amä̧ Dio chutäku ü̧ja̧'a̧ttü̧.

Hechos 4:10

Pi̧yȩmä̧ o'katoi'ünä̧ kuä̧ju̧kuä̧tu̧kua̧ pä'ü ja̧'a̧ ukuturumä̧ ja̧'wa̧ta̧nü̧ Irae ttü̧ja̧'i̧nä̧, pide kuä'katuku jo̧mȩnü̧ adiwächäji̧'ka̧ ü̧ja̧'a̧mä̧, ukutu ü̧jo̧kä̧ jäinä̧ kuä'ü kuikuinä̧tu̧kuä̧ku̧, wa'arettü Dio ttoädinä̧ku̧ Jesucrito i̧mi̧nä̧ adiwächäji.

Hechos 9:34

Jua̧u̧ru̧ Peduru-mä̧ pä'inü̧: —Enea, Jesucrito aditü ikuäkujä̧; ä̧rä̧mi̧'ü̧ kuiäre camatä̧ aditi. Päomȩnä̧ Enea-mä̧ yotäku ä̧rä̧mi̧'i̧nü̧.

2 Corintios 8:9

Täkü, ukutumä̧ wo̧juä̧tü̧jä̧ Tu̧ru̧wa̧ Jesucrito, ru̧wa̧ ja̧'a̧nä̧ ukuturu repe'ü usurä i̧sa̧ juoinü̧mä̧; Jua̧u̧ usurä i̧sa̧ juoinü̧nä̧mä̧, ukutu ruwotü juokuätukua pä'ü ji̧na̧'a̧.

Hechos 16:18

Ja̧'wa̧nü̧tä̧ jȩpi̧nä̧ju̧ rekuäinä̧ mo̧ro̧ ja̧'wa̧nü̧ jȩji̧yä̧ku̧ Pauru-mä̧ kkärächi'ü, juäjunä̧ kkü̧ epíritu su̧ro̧pa̧rü̧ pä'inü̧: —Jesucrito i̧mi̧nä̧ wedäkujä̧, juäjuttümä̧ räkuopächa pä'ü. Ja̧'wa̧nü̧ päomȩnä̧, yotäku rä'opächinü̧, epíritumä̧, juäjuttümä̧.

San Marcos 16:17

Ja̧'wa̧ta̧nü̧ esetätümä̧, pi̧yȩ tottünä̧ jȩttä̧kuo̧tü̧: Ttü chi̧mi̧nä̧mä̧ epíritu suropätürü'i̧nä̧ rä'epä'chü ttikua'anä̧, jareü wȩnȩ'i̧nä̧ ttukuokuäkuotü;

Santiago 2:5

Chawaruwä chü̧jä̧wa̧tü̧ pi̧yȩ adiu ä̧ju̧kuä̧tu̧kui̧: Dio-mä̧ pi̧jä̧nä̧ttü̧ usurä isotürü pojopü ȩmi̧nü̧ tta̧'kua̧ wȩnä̧rä̧kuä̧wä̧nä̧ ruwotü juotta pä'ü, ja̧'wa̧ta̧nü̧ eseu rȩpȩä̧u̧ru̧ Ru̧wa̧ Dio iäre ju'to uruwotü pätti'ünä̧, chi̧yä̧kua̧sä̧ päinü̧ ji̧nü̧ ttȩma̧ pä'ümä̧;

1 Pedro 4:10

Yotükupünä̧ Dio mipponä̧ iyü kuȩmi̧nä̧tu̧ku̧mä̧, kkorotüku ppä'ädü aditätukui adiunä̧ juȩ'ȩpä̧rü̧ adikuä isotü jü̧nä̧.

Hechos 4:7

ja̧'wa̧nü̧ ttü̧'ȩjo̧mȩ kkä'ko päte'ü, Peduru-rü'i̧nä̧, Ju̧a̧-rü̧'i̧nä̧ kku̧nä̧jä̧'kotü jä̧ttȩpä̧ri̧nä̧u̧: —¿Ukutumä̧, dí weäwänä̧ ja̧'wa̧ta̧nü̧ dí i̧mi̧nä̧ jȩ'kuä̧tu̧kua̧'a̧jä̧ttü̧ pi̧yȩmä̧?

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

Hechos 2:36

«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»

San Mateo 10:9

Kuȩpä̧tu̧kuä̧, oro'i̧nä̧, cobre'i̧nä̧, pärätä'i̧nä̧, kusakuyutukunämä̧;

San Mateo 7:22

Ji̧yȩnü̧ mo̧ro̧ rekuätü ttürü pättäkuotü: Chu̧ru̧wa̧, chu̧ru̧wa̧ kui̧mi̧nä̧ profeta 'kua̧rü̧nä̧ ji'äwinä̧tü̧jä̧ kui̧wȩnȩmä̧ ja̧'wa̧ta̧nü̧ kui̧mi̧nä̧mä̧ epíritu-tu̧ suropätürü'i̧nä̧ rä'epü iku kkä̧nü̧ jȩtto̧kü̧ juei'i̧nä̧ rü̧ȩnä̧ jȩpi̧nä̧tü̧jä̧.

2 Corintios 6:10

Tta̧'kua̧ tta̧'ȩkuä̧tü̧ 'kua̧ra̧'a̧nä̧, 'kuäopünä̧tä̧ esewätüjä̧; usurä isotü 'kua̧ra̧'a̧nä̧, rekuätü ruwotü juottünä̧ ppä'ädätüjä̧; yoriso jui'ätü 'kua̧ra̧'a̧nä̧, o'kajuiyünä̧ kku̧nä̧rä̧tü̧jä̧.

San Juan 19:19

Ja̧'wa̧nü̧ ja̧'a̧, Pilato-mä̧ ü̧jo̧kä̧ jäi wä̧mȩ wȩyu̧tu̧ ttütünä̧ we'inü̧: «Judío TTU̧RU̧WA̧ Rey-mä̧, Jesú Nazare I̧SA̧ JA̧'A̧», jü̧nä̧.

2 Corintios 8:12

Isopäi'ünä̧ ya̧tȩ eseunu̧ iya pä'ürümä̧, iäre ofrenda-mä̧, Dio-mä̧ ȩmi̧yä̧kua̧, juitü tiyarü pä'ümä̧ jä'epokü ja̧'a̧ttü̧.

San Marcos 14:8

Pajumä̧ jȩjü̧'a̧nü̧ jü̧tä̧ jȩpä̧ju̧: Ttü chuwapäre ttütäkuometä̧ päi'ünä̧, ä'kanä̧ a̧mȩu̧ tujepäjäkusä.

1 Corintios 4:11

Jitä mo̧ro̧bü päi'ünä̧ ppäi'i̧nä̧, ppäi ttu'ätüjä̧, ttawa'i̧nä̧ a̧di̧rü̧jä̧u̧jä̧, tü̧'ka̧tä̧wä̧ti̧yu̧'i̧nä̧ jui'ätüjä̧; ti'ebabanä̧ kuäkuättä̧u̧jä̧, tü̧ja̧kuo̧mȩ'i̧nä̧ jui'ätüjä̧.

Hechos 3:5

Pättäku, to̧pä̧ri̧nü̧, kkorojuei tti̧yä̧kua̧sä̧kü̧ pä'ü.

Hechos 3:7

Ja̧'wa̧nü̧ pä'ü kkä̧nü̧, u̧wo̧jua̧'a̧ku̧ u̧mü̧nä̧ 'chu'ädü äräbe'omȩnä̧ utturuwä'kiyu'i̧nä̧, ü̧jä̧pi̧yä̧'i̧nä̧ 'kiyünä̧ juekuächinä̧ku̧.