Hechos 3:26 - Nuevo Testamento Uwotjüja

²⁶ Ä̧kuo̧mȩnä̧, Dio i̧tti̧rü̧ wa'arettü tto'ädäji̧'ka̧mä̧, adiwä juei kuȩmä̧tu̧kua̧ pä'ü weinä̧u̧jä̧, surojüttü räkuopächätukua pä'ü, ukuturu.

TÄ̧DO Ä̧CUÄ̧ I̧HUȨNȨ

²⁶ Dios I̧tti̧rö̧ ttoädäji o'ca'a, I̧tti̧rö̧ äcuomenä ucuturu hue'inö, ucuturu ppäda pä'ö, o'ca toi'önä suronä jȩcu̧'ä̧tu̧cu̧ jarocu'ipätucua pä'ö, —pä'inödo Pedro.

Hechos 3:26 Referans Kwoze

San Mateo 1:21

Juäju María-mä̧, kki̧tti̧ uborü kkuwäbekuäkuaju, jua̧u̧ i̧mi̧mä̧ Jesú pä'ü okuarüjä̧, jua'amä̧ awaruwärü suronä̧ jȩttä̧'i̧jü̧ttü̧ rä'epü i̧kuä̧kua̧ ja̧'a̧ttü̧.

Hechos 3:22

Moisé-mä̧ tü̧tä̧mü̧ mi̧nä̧rü̧ pä'inü̧: Ku̧ä̧nä̧wa̧tu̧ku̧ Dio-mä̧, kui̧jä̧wa̧tü̧ttü̧ ya̧tȩ profeta wa̧rü̧ ä̧rä̧bȩ'ä̧kua̧, ttü jü̧ta̧'a̧nü̧. Jua̧u̧ru̧mä̧ o'kajuiyünä̧ päümä̧ kukuotätukuäkuotüjä̧.

Judas 1:24

Chutä Dio ya̧tȩrü̧tä̧, ra̧wä̧pi̧jü̧ku̧ ma̧kuä̧chä̧tu̧ku̧ juiyünä̧ tta̧'ä̧rü̧rü̧, rü̧ȩnä̧ eseu gloria pättü kko̧mȩ ukuturu i̧jȩpü̧rü̧,

Romanos 1:16

Isopäi'ünä̧ jareü wȩnȩ ji'äumä̧ dä'ä ttu'oküsä, jua̧u̧mä̧ surojüttü kki̧'ä̧kuä̧wä̧ Dio ujuru ja̧'a̧ttü̧ esetätürümä̧, ä̧kuo̧mȩnä̧mä̧ judío-rü'i̧nä̧, judío pokotürü'i̧nä̧, jü̧nä̧.

Hechos 3:25

Ukutu'i̧nä̧ profeta-tü̧ pinä̧tü̧ tti̧tti̧mü̧jä̧ ja̧'wa̧ta̧nü̧ tü̧tä̧mü̧ mi̧nä̧rü̧ eseku Dio iyinü'i̧nä̧ kuȩmä̧kuo̧tü̧jä̧. Dio-mä̧ pä'inü̧ Abraha̧-rü̧: Uku kui̧tti̧mü̧nä̧, pi̧jä̧ ttü̧ja̧mä̧ o'katoi'ünä̧ adiwä juei ttȩmä̧kuo̧tü̧.

1 Pedro 1:3

Tu̧ru̧wa̧ Jesucrito jä'o Dio-rü tesewätukua, rü̧ä̧nä̧ rȩrü̧jü̧ toa'a'ttü̧ Jesucrito ttoächinünä̧ jareünä̧ tuwäpächünä̧ jȩi̧nä̧u̧jä̧, pi̧yȩ ja̧'a̧ tta̧wa̧rä̧kuä̧wä̧ iyümä̧,

Efesios 1:3

Tu̧ru̧wa̧ Jesucrito, Jä'o Dio-rü tesewätukua, Jua̧u̧ Crito-nä̧mä̧ epíritu jäwä mo̧ro̧jä̧ra̧'a̧ttü̧ i'chächü iyinä̧u̧ ta'attü̧.

Romanos 15:29

Täkü chu̧wo̧juö̧nä̧ jä̧ku̧sä̧ ukuturu topi'ü 'kuädopomȩnä̧, Crito jäwä jareü wȩnȩ rü̧ȩnä̧ ppä̧dä̧kuä̧u̧ pä'ümä̧.

Hechos 26:20

ja̧'wa̧nü̧ jä̧ku̧, ä̧kuo̧mȩnä̧ Damasco ütawiyä ttü̧ja̧rü̧, jua̧u̧nü̧ o'ka'a Jerusarȩ́-nä̧'i̧nä̧, Judea rȩjȩ o'kajuiyünä̧ kka̧kuä̧tü̧rü̧'i̧nä̧ ja̧'wa̧ta̧nü̧ judío pokotürü'i̧nä̧ ji'äwinü̧sä̧, surojü kä'ädäkuäu Dio-rü ukuotü kkä̧kuä̧wä̧ wȩnȩmä̧.

Hechos 3:15

Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

Hechos 2:24

Jua̧u̧ru̧mä̧, Dio-mä̧ wa'are ubarattü äräbe'inü̧; wa'are 'chuädi'arü pä'ümä̧, yoriso juiyina̧'a̧.

Hechos 1:8

Ja̧'wa̧nü̧ ja̧'a̧nä̧, Epíritu Sa̧tu̧ ukutunä̧ ichi'ü ü̧jä̧mä̧do̧mȩnä̧mä̧, kujurutuku kuȩmä̧kuo̧tü̧jä̧; jua'amä̧, Jerusarȩ́-nä̧'i̧nä̧, Judea rȩjȩnä̧'i̧nä̧, Samaria-nä̧'i̧nä̧ ja̧'wa̧ta̧nü̧ pi̧jä̧ beipomȩbü päi'ünä̧ 'chä̧nü̧ ttürü 'kuäopa'a to'kuinä̧tu̧ku̧ jikuäwätukua pä'ü.

1 Pedro 3:9

Surojünä̧mä̧ mikuämä̧ päkuätukuä, ja̧'wa̧ta̧nü̧ suronä̧ pä'chäkuäwänä̧'i̧nä̧, to'ija̧'a̧ku̧tä̧ adiwäjueitä iyätukui, ja̧'wa̧nü̧ ja̧'a̧ttü̧ Dio-mä̧ adiwäjuei kuȩmä̧tu̧kua̧ pä'ü woinä̧u̧jä̧.

Hechos 13:26

Chawaruwä chi̧jä̧wa̧tü̧, Abraha̧ i̧tti̧mü̧ isotürü ja̧'wa̧ta̧nü̧ ukutu Dio-rü ukuotätürü ja̧'a̧tȩ'ü̧ ja̧'a̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧.

Hechos 3:20

Ja̧'wa̧nü̧ jo̧mȩnä̧, Dio wea päinä̧ku̧, Crito-rü weäkua'anü̧.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Mateo 15:24

Pättäku Jesú-mä̧ pä'inü̧. —Dio-mä̧ juätürümä̧ weäwiokoku pinü̧sä̧, Irae ttü̧ja̧ oweja-tü̧ re'tewächinä̧tü̧rü̧tä̧ ja̧'a̧tȩ'ü̧ weinä̧ku̧sä̧.

San Juan 4:22

ukutumä̧, kuieruwätukua'anä̧ kuiwe'kiyutukunä̧ kkä̧mä̧dü̧ esewätüjä̧; ja̧'wa̧nü̧ ja̧'a̧nä̧ ujutumä̧ tu̧wo̧jua̧'a̧ttü̧ ttiwe'kiyunä̧ kkä̧mä̧dü̧ esewätüjä̧, isopäi'ünä̧ ra̧wä̧pi̧jü̧ttü̧ kki̧'ä̧kuä̧wä̧mä̧ judío-ttü ichina̧'a̧ttü̧.

Hechos 2:32

Jesú-rumä̧, Dio-mä̧ wa'arettü tto'ädinü̧; ujutu o'katoi'ünä̧ topinä̧tü̧jä̧.

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.

Romanos 15:8

Ja̧'wa̧ta̧nü̧ ukuturu pä'üsä Crito'i̧nä̧ circuncisión pättü jȩpä̧kuä̧wo̧ko̧tü̧ ttu̧mü̧wä̧ya̧ päi'ünä̧ ichinü̧ Dio jäwä jueü wȩnȩ jȩpü̧, tä̧'o̧tü̧ mi̧nä̧rü̧ iyäkua'a ukuokuinü̧ iso juoünä̧,