Hechos 3:25 - Nuevo Testamento Uwotjüja

²⁵ Ukutu'i̧nä̧ profeta-tü̧ pinä̧tü̧ tti̧tti̧mü̧jä̧ ja̧'wa̧ta̧nü̧ tü̧tä̧mü̧ mi̧nä̧rü̧ eseku Dio iyinü'i̧nä̧ kuȩmä̧kuo̧tü̧jä̧. Dio-mä̧ pä'inü̧ Abraha̧-rü̧: Uku kui̧tti̧mü̧nä̧, pi̧jä̧ ttü̧ja̧mä̧ o'katoi'ünä̧ adiwä juei ttȩmä̧kuo̧tü̧.

TÄ̧DO Ä̧CUÄ̧ I̧HUȨNȨ

²⁵ Dios iya päinömä, i̧huȩnȩ jiäcuähuä isotörö päinömä, ucuturu'inä pä'inö. Ja̧'hua̧ta̧nö̧ ucutu cuä̧do̧tö̧ mi̧nä̧cu̧ amöcuädäcuähuä ucuocuomenä, Dios ucuturu'inä amöcuädinö. Ja̧'hua̧nö̧ pä'inö Abrahamrö: “Ucuttu isotöttö ppä̧dä̧dä̧cua̧sä̧ o'ca toi'önärö ruhuäcuiyä pa̧ja̧cu̧nä̧ ttö̧ja̧rö̧.”

Hechos 3:25 Referans Kwoze

Hechos 2:39

Pi̧yȩ iya päinü̧mä̧, ukuturu iya pä'inü̧, kui̧tti̧mü̧tu̧ku̧ru̧'i̧nä̧ ja̧'wa̧ta̧nü̧ kkorotü otó kka̧kuä̧tü̧rü̧'i̧nä̧; suro juätütämä̧kü̧, Tu̧ru̧wa̧ Dio wo̧ä̧u̧mä̧ o'katoi'ünä̧rü̧.

Gálatas 3:8

Mo̧ täbokütä päi'ünä̧, ä'kanä̧ ukuokuina̧'a̧ Wȩyu̧kuä̧ wȩnȩmä̧, judío pokotü tta̧'kua̧ ttu̧wȩnä̧ro̧mȩnä̧ Dio ȩmä̧kuȩ wȩnȩmä̧. Ja̧'wa̧nü̧ jo̧mȩttü̧ Dio-mä̧, pa̧'a̧nü̧ jareü wȩnȩ ji'äwinü̧ Abraha̧-rü̧: «Ukunä̧tä̧ pi̧jä̧ ttü̧ja̧rü̧mä̧ o'katoi'ünä̧rü̧ ppä̧dä̧dä̧kua̧sä̧» jü̧nä̧.

Apocalipsis 7:9

Pi̧yȩ jä̧ji̧ o'ka'a topinüsä̧, ttü̧ja̧ rekuätü pa̧ja̧kuä̧ juiyünä̧ wotürü, tti̧rȩji̧yä̧ pünä̧, tti̧wȩnȩ pünä̧, ttawaruwä pünä̧, ruwo dȩä̧kä̧ ä'ka jo̧mȩ, oweja mü̧ä̧ya̧ wa̧ ä'ka jo̧mȩ ttü̧ja̧kua̧'a̧ ttü̧'ka̧tä̧wä̧ti̧yu̧ teü rü̧jä̧u̧ru̧ ja̧'wa̧ta̧nü̧ ttu̧mü̧nä̧mä̧ ojiyä 'chu̧'ä̧ri̧nä̧tü̧.

Gálatas 3:16

Ja̧'wa̧nü̧ ja̧'a̧ttü̧ Dio, Abraha̧-rü̧ chi̧yä̧kua̧jä̧ pä'ü ukuokuinü̧mä̧, churutä'i̧nä̧, i̧tti̧rü̧'i̧nä̧ pätetü ji̧na̧'a̧. Rekuätünä̧, «kui̧tti̧mü̧rü̧» päwächoka'a, ya̧tȩrü̧tä̧ «kuakuä i̧sa̧rü̧» päwächina̧'a̧, Jua̧u̧mä̧ Crito-tä ja̧'a̧.

Romanos 4:13

Isopäi'ünä̧ Abraha̧-rü̧ i̧rȩjä̧, churutä'i̧nä̧ iyü kkä̧nü̧, i̧tti̧mü̧rü̧'i̧nä̧ Dio iya pä'ina̧'a̧mä̧, weäwä wȩnȩ ukuotomȩttü̧mä̧ jo̧ka̧'a̧ ji̧na̧'a̧. Jua'amä̧ Dio-rü, churutä a̧'kua̧ u̧wȩnä̧ro̧mȩttü̧ ji̧na̧'a̧; Dio adiwä i̧sa̧ jü̧nä̧ pärotü ikumä̧.

Gálatas 3:29

Ja̧'wa̧ta̧nü̧, Crito-rü kuesetätukuttümä̧, Abraha̧-mi̧nä̧ i̧tti̧mü̧ isotüjä̧ ja̧'wa̧nü̧ ja̧'a̧ttü̧ Dio i̧yä̧kuȩ päinü̧mä̧ kuȩmä̧tu̧kua̧ pä'ütä ja̧'a̧.

Apocalipsis 14:6

Ja̧'wa̧ta̧nü̧ kka̧ra̧ á̧gȩ-rü̧, mo̧ro̧jä̧ ju'tojunä̧ koa'a topinü̧sä̧, jareü wȩnȩ beipokü 'chu̧ä̧rä̧nü̧, pi̧jä̧nä̧ kka̧kuä̧tü̧rü̧, tti̧rȩji̧yä̧ pünä̧, ttawaruwä pünä̧, tti̧wȩnȩ pünä̧ ja̧'wa̧ta̧nü̧ ütawiyä pünä̧ jiäwa pä'ü.

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

Romanos 15:8

Ja̧'wa̧ta̧nü̧ ukuturu pä'üsä Crito'i̧nä̧ circuncisión pättü jȩpä̧kuä̧wo̧ko̧tü̧ ttu̧mü̧wä̧ya̧ päi'ünä̧ ichinü̧ Dio jäwä jueü wȩnȩ jȩpü̧, tä̧'o̧tü̧ mi̧nä̧rü̧ iyäkua'a ukuokuinü̧ iso juoünä̧,

Hechos 13:26

Chawaruwä chi̧jä̧wa̧tü̧, Abraha̧ i̧tti̧mü̧ isotürü ja̧'wa̧ta̧nü̧ ukutu Dio-rü ukuotätürü ja̧'a̧tȩ'ü̧ ja̧'a̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧.

San Lucas 1:72

Tä̧do̧tü̧ mi̧nä̧rü̧ eseku, rȩrü̧jü̧ to̧chä̧kuä̧u̧jä̧ päinü̧.