Hechos 3:19 - Nuevo Testamento Uwotjüja

¹⁹ Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

TÄ̧DO Ä̧CUÄ̧ I̧HUȨNȨ

^19-20 Ja̧'hua̧ ja̧'a̧ pärocuäcutä amöcuädätucui. Diosrö ppa̧'ä̧chä̧tu̧cui̧, suronä jȩcu̧'i̧nä̧tu̧cu̧ si'epö icua pä'ö, cua̧'cua̧ eseunu kä̧cuä̧huä̧ iyätucuacu pä'ö, Jesucristorö ä'canä ucuturu pätetö hue'inörö huea pä'ö.

Hechos 3:19 Referans Kwoze

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Mateo 18:3

pä'inü̧: —Isopäi'ünä̧ pädäu̧jä̧ ppo̧'ä̧tü̧ jä̧'i̧nü̧'a̧nü̧ kui'ärowächätuku juiyüttümä̧, mo̧ro̧jä̧ ru̧wa̧ weomȩmä̧ do'ächokotü kuäkuotüjä̧.

San Mateo 13:15

Isopäi'ünä̧ pitü ttü̧ja̧mä̧ tta̧mi̧ 'ki'ächächinä̧tü̧, ttä̧ja̧wi̧yä̧nä̧'i̧nä̧ tä̧ju̧kua̧ pä'okotü, ja̧'wa̧ta̧nü̧ tti'äriyä'i̧nä̧ mu̧chä̧wä̧chi̧nä̧u̧; tottü juiya pä'ü, ä̧ju̧ku̧'i̧nä̧ ttä̧ju̧ku̧ juiya pä'ü, tta̧mi̧so'kinä̧ ttu̧wo̧jui̧pü̧ juiyünä̧nä̧tä̧, ttu̧wo̧jui̧pü̧ttü̧mä̧ ttü'ärowächomȩnä̧ aditü chiku juiyatü pä'ü.

2 Tesalonicenses 1:7

ja̧'wa̧ta̧nü̧ ukutu usurä ȩmä̧wä̧tü̧rü̧mä̧ ujutu 'kuä'ächi'ü tü̧'ȩjä̧ma̧ pä'ü iyinü̧ta̧'a̧nü̧ jȩä̧kuä̧u̧jä̧. Tu̧ru̧wa̧ Jesú mo̧ro̧jä̧ra̧'a̧ttü̧ ichomȩnä̧, okurä 'kä̧tȩnä̧ umüwäyotü á̧gȩrȩ-ku̧.

Hechos 11:21

Ja̧'wa̧nü̧ jo̧mȩnä̧, Tu̧ru̧wa̧ Dio jäwä juätütäku kka̧'a̧ttü̧, rekuätü Tu̧ru̧wa̧ Jesucrito-rü esetü ikuinä̧tü̧.

2 Pedro 3:8

Chi̧jä̧wa̧tü̧, kkoromä̧, ku̧ni̧chi'ätukuä tu̧ru̧wa̧rü̧mä̧ ya'ute mo̧ro̧mä̧, mil-nü̧ du'o jo̧mȩnä̧ jä̧ku̧ ja̧'wa̧ta̧nü̧ mil-nü̧ du'omä̧ ya'ute mo̧ro̧tä̧.

Hechos 28:27

Isopäi'ünä̧ tta̧mi̧so'kimä̧ 'ki'ächächinä̧tü̧, Ttä̧ja̧wi̧yä̧mä̧ du̧mä̧chä̧chi̧nä̧u̧, tti'äriyä'i̧nä̧ mu̧chä̧wä̧chi̧nä̧u̧. Tti'äriyänä̧ tottü juiya pä'ü'i̧nä̧, ttä̧ju̧ku̧ juiyünä̧'i̧nä̧. Tta̧mi̧so'kinä̧ wo̧jui̧'ü̧, ttü'ärowächomȩnä̧, Ttü aditü chiku juiyatü pä'ü.

1 Pedro 2:25

Ja̧'wa̧nü̧ ja̧'a̧ttü̧ ä'kojimä̧ oweja-tü̧ re'tewächätü jä̧'i̧nü̧'a̧nü̧ kue'ächinä̧tü̧jä̧, ja̧'wa̧nü̧ ja̧'a̧nä̧ jitämä̧ Crito-nä̧ ppa̧'ä̧chinä̧tü̧jä̧, Pató jä̧'i̧nü̧'a̧nü̧ ukuturu to̧pä̧rü̧ tta̧'a̧ru̧nä̧.

2 Tesalonicenses 1:10

Ji̧yȩnü̧ mo̧ro̧ Tu̧ru̧wa̧ ichü mo̧ro̧ umüwäyotü pojopü ȩmi̧nä̧u̧ surojü jui'ätü eseäkuäu ukuo tettäwarü pä'ü. Isopäi'ünä̧ ukutu'i̧nä̧ juätü jü̧ta̧'a̧nü̧ pojopü ȩmi̧nä̧u̧jä̧ esetinä̧tü̧jä̧ adiwäjuei jareü wȩnȩ ujutu jitäwomȩnä̧.

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

San Lucas 1:16

Ja̧'wa̧ta̧nü̧ Irae ttü̧ja̧ rekuätürü ttu̧ru̧wa̧ Dio-ku ppa̧ttä̧chü̧nä̧ jȩä̧kua̧.

Romanos 11:25

Chawaruwä chü̧jä̧wa̧tü̧ pi̧yȩ Dio ttieruwuönä̧ amükuädinü̧mä̧ kuieruwätukuamä̧ pä'oküsä, kua̧mü̧nä̧ pa̧ja̧tü̧ ukuotekuäwätuku juiyäkua'anü̧. Judío yotukunä̧mä̧ rü̧ȩnä̧ tta̧mi̧ 'ki'ächächinü̧'kotü Jesucrito-rü tteseta pä'okotü; ja̧'wa̧nü̧ ja̧'a̧nä̧ iweye ja̧'wa̧ta̧nü̧tä̧ ttäkuotü judío pokotü i̧tti̧mü̧ pätti'omȩbü päi'ünä̧;

Hechos 17:26

Jua̧u̧mä̧ pi̧jä̧ ttü̧ja̧rü̧mä̧, ttü̧ja̧sa̧ ya̧tȩttü̧tä̧ aditinü̧ rekuächü pi̧jä̧ o'kajuiyünä̧ ttü̧ja̧ku̧nä̧; ja̧'wa̧nü̧ jȩpü̧ tü̧ja̧kuä̧kuo̧mȩ'i̧nä̧, ttü̧ja̧kuä̧kuȩ mo̧ro̧'i̧nä̧ jo̧mȩnü̧ jȩpü̧ kku̧ni̧nü̧;

Hechos 15:3

Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

Hechos 3:21

Jitämä̧ mo̧ro̧jä̧ra̧'a̧tä̧ ü̧ja̧ pä'ü ja̧'a̧ Jesú-mä̧, Dio aditü ikuomȩbü päi'ünä̧, täbokü kka̧kui̧nä̧tü̧ profeta-nä̧ ukuokuinü̧ ji̧nü̧ ta̧'a̧nü̧.

Hechos 1:6

Ja̧'wa̧nü̧ Jesú-ku ji̧nä̧ yo̧mȩtȩ pȩjü̧, jä'epü ttä̧ju̧kui̧nä̧ku̧: —Chu̧ru̧wa̧, ¿Jitä pi̧yȩtä̧ pä̧nä̧, Irae ttü̧ja̧ tturuwomä̧ weäwi'ünä̧ ppa̧kuä̧dä̧kua̧'a̧ tä̧jí̧?

Apocalipsis 21:4

Dio-mä̧, juätü tti̧'chȩrȩ'i̧nä̧, jȩpü̧ i̧kuä̧kua̧; täkü wa'are'i̧nä̧ juiyäkua'a, 'chȩrȩ'i̧nä̧, barawä̧u̧ wottü'i̧nä̧; täkü ä̧kuo̧mȩnä̧ kka̧kui̧nü̧mä̧ 'kuäopina̧'a̧tä̧ ji̧na̧'a̧.»

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

Hechos 3:20

Ja̧'wa̧nü̧ jo̧mȩnä̧, Dio wea päinä̧ku̧, Crito-rü weäkua'anü̧.

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

San Lucas 22:57

Päjäku Peduru-mä̧ ä̧ppü̧ti̧'ü̧ pä'inü̧: —Dijua'aju, jua̧u̧mä̧ yoriso chieruwäku.