Hechos 3:17 - Nuevo Testamento Uwotjüja

¹⁷ Ja̧'wa̧nü̧ ja̧'a̧nä̧, chawaruwä chü̧jä̧wa̧tü̧, jerupü jȩpi̧nä̧tü̧ pä'ümä̧ wo̧jua̧sä̧, kuruwotuku'i̧nä̧ ja̧'wa̧ta̧nü̧ jerupü jȩpi̧nä̧tü̧ pä'ü.

TÄ̧DO Ä̧CUÄ̧ I̧HUȨNȨ

¹⁷ “Ja̧'hua̧nö̧ ja̧'a̧ chahuaruhuä, huo̧jua̧sä̧ ucutu'inä curuhuotö'inä cuä'ö cuicuätucuomenä, cuieruhuätucua'attö cuä'ö icuinätöjä.

Hechos 3:17 Referans Kwoze

San Lucas 23:34

Jesú-mä̧ pä'inü̧: «Chä'o, surojü jui'ätü 'kua̧rü̧nä̧ topitü, jerupü jȩtta̧'a̧ttü̧»] Ja̧'wa̧nü̧ ja̧'a̧nä̧ su̧ro̧do̧u̧mä̧ Jesú ü̧'ka̧tä̧wä̧ta̧ tȩma̧ pä'ü, dirü ma̧ä̧ma̧ ja̧ pä'ü jȩpä̧'chü̧ topinä̧tü̧.

Hechos 13:27

Isopäi'ünä̧, Jerusarȩ́-nä̧ kka̧kuä̧tü̧mä̧ ja̧'wa̧ta̧nü̧ tturuwotü'i̧nä̧ Jesú ütü'kü wo̧jui̧'o̧ko̧tü̧ pinä̧tü̧ sawaru mo̧ro̧ jü̧ta̧'a̧nü̧ profeta-tü̧ tti̧wȩyu̧ti̧nü̧mä̧ ttukuokua'anä̧. Ja̧'wa̧nü̧ ttu̧wo̧jui̧po̧ka̧'a̧ttü̧, profeta-tü̧ ttukuokuinü̧'a̧kuä̧ kuä'ü ttikunä̧ wettinä̧ku̧.

1 Corintios 2:8

Pi̧yȩ wo̧juä̧wä̧mä̧ jitä pi̧jä̧nä̧ we'ätü ruwotümä̧ ttu̧wo̧jui̧po̧kü̧ ji̧nü̧ ja̧'a̧; ja̧'wa̧nü̧ jo̧ka̧'a̧ ta̧'kua̧rü̧ u̧ru̧wa̧rü̧ ttu̧wo̧jui̧pi̧nü̧ttü̧mä̧ ü̧jo̧kä̧nü̧ jäinä̧mä̧ kuä'ümä̧ ttikuokoku pi̧na̧jü̧.

San Juan 16:3

Pi̧yȩmä̧ jȩttä̧kuo̧tü̧, Chä'orü'i̧nä̧, Ttürü'i̧nä̧ ttu̧wo̧jui̧po̧ka̧'a̧ttü̧.

1 Timoteo 1:13

ä'kojimä̧ churutä to'ija̧'a̧ku̧ suronä̧ ppädä'chia'anä̧, suronä̧ amükuädü chusina'a̧nä̧, ja̧'wa̧ta̧nü̧ suronä̧ wochina̧'a̧nä̧, Dio-mä̧ rȩrü̧jü̧ toinä̧ku̧sä̧, jua'amä̧ Dio-rü esetü jui'ü, jȩchü̧mä̧ chieruwa'attü̧.

2 Corintios 3:14

Ja̧'wa̧nü̧ juätümä̧ pi̧yȩ tü'kümä̧ yorisotä wo̧jui̧'o̧ko̧tü̧ pinä̧tü̧; ja̧'wa̧nü̧ ja̧'a̧ttü̧, jitä pi̧yȩ mo̧ro̧bü päi'ünä̧, Moisé i̧wȩyu̧ti̧nü̧mä̧ wo̧jui̧'o̧ko̧tü̧, juä̧ta̧tä̧ mü̧ȩkuä̧ra̧'a̧ jä̧'i̧nü̧'a̧nü̧ ja̧'a̧ttü̧. Suro, ya̧tȩtä̧ ja̧'a̧ Crito-tä ttu̧wo̧jui̧pü̧nä̧ ba'epümä̧.

Romanos 11:2

Ä̧kuo̧mȩnä̧tä̧ päi'ünä̧, Dio-mä̧ Irae ttü̧ja̧rü̧mä̧ pojopü ȩmi̧nä̧u̧ ji̧na̧'a̧; jitä'i̧nä̧ jäyämä̧ u̧ju̧ni̧'o̧ko̧u̧ ¿ukutumä̧ kuieruwätukua'a Elía-rü 'kuäopinü̧, wȩyu̧kuä̧ wȩnȩnä̧ pä'ijomȩmä̧? Dio-rü jäepinomȩ, Irae ttü̧ja̧rü̧ pä'ünü̧:

Hechos 26:9

Ttütä'i̧nä̧ ä'kojimä̧ amükuädinü̧sä̧, kka̧ku̧nä̧mä̧ o'kajuiyünä̧tä̧ jȩpü̧, Jesú nasaret i̧sa̧ i̧mi̧ surojuodepa pä'ü,

Hechos 7:40

Ja̧'wa̧nü̧ pä'ü Aaro̧-rü̧ pä'inä̧tü̧: ujutu tä'kanä̧ 'chä̧tü̧, tü̧ä̧nä̧wo̧tü̧rü̧ aditiyitü; ujuturu Egito-ttü rä'epü ikuinü̧ päji Moisé-mä̧, tieruwünä̧tä̧ toepa'attü̧.»

San Juan 7:52

Päomȩnä̧, ttädätinä̧ku̧: ¿Uku'i̧nä̧, Galirea ttü̧ja̧sa̧jä̧? Wȩyu̧kuä̧ wȩnȩ wo̧jui̧pü̧ topi. Yorisotä Galirea-ttümä̧, profeta-mä̧ rä'opokotü pä'ijätü. [

Filipenses 1:22

Ja̧'wa̧nü̧ ja̧'a̧nä̧ pi̧jä̧ttü̧ cha̧'kua̧ra̧'a̧mä̧, Dio aditäwä yaboku chadita pä'ü rekuä rü̧jä̧ku̧sä̧, ja̧'wa̧nü̧ jä̧ku̧ ¿ti̧yȩnä̧ chü̧ji̧pa̧'a̧ jä̧ttü̧? pä'üsä.

San Lucas 23:13

Pilato-mä̧ sacerdote wotü tturuwotürü'i̧nä̧, ukuo isotürü'i̧nä̧ ja̧'wa̧ta̧nü̧ ttü̧ja̧rü̧'i̧nä̧ ka̧ka̧tä̧ji̧'ka̧,

San Juan 15:21

Ja̧'wa̧nü̧ ja̧'a̧ttü̧, pi̧yȩ o'kajuiyünä̧ jȩttä̧kuo̧tü̧jä̧, ttü chi̧mi̧ jäwänä̧, jua'amä̧ ttürü we'inü̧rü̧ ttieruwa'attü̧.

Hechos 22:5

Sacerdote ttu̧ru̧wa̧'i̧nä̧, judío-ttü a̧ci̧a̧nu̧ wotü'i̧nä̧ topinä̧tü̧, pi̧yȩ pädümä̧. Juätütä ttiyinä̧ku̧sä̧ wȩyu̧kuojämä̧, Damasco-ttü Jesucrito-rü esetätürü, 'chudädäja pä'ümä̧, porü Jerusarȩ́-ttü̧ ro̧ttȩpa̧tü̧ pä'ü.

Hechos 28:21

Ja̧'wa̧nü̧ ji̧ä̧wä̧u̧, juätümä̧ pä'inä̧tü̧: —Ujutumä̧ Judea rȩjȩra̧'a̧ttü̧'i̧nä̧ ja̧'wa̧ta̧nü̧ tawaruwä tü̧jä̧wa̧tü̧'i̧nä̧ uku kutü'kümä̧, adiu'i̧nä̧, surojü'i̧nä̧ wȩyu̧kua̧'a̧mä̧ wettoka'attü̧ jerupätüjä̧.

Efesios 4:18

Juätümä̧ tta̧mü̧kuädü'i̧nä̧ yo̧ä̧chä̧chi̧nä̧u̧, Dio jäwä a̧'kua̧rä̧kuä̧wä̧ttü̧mä̧ otó wotü, yoriso jerupü tta̧mi̧ 'kittädäkuäwina̧'a̧ttü̧.