Biblia Todo Logo
Bib sou entènèt

- Piblisite -




Hechos 3:14 - Nuevo Testamento Uwotjüja

14 Ukutumä̧ surojü jui̧'a̧rü̧, adiwä wȩnȩnä̧ kkü̧rü̧ iyü iku, jä'epinätü̧jä̧ ttü̧ja̧rü̧ kuäwä i̧sa̧rü̧tä̧.

Gade chapit la Kopi

TÄ̧DO Ä̧CUÄ̧ I̧HUȨNȨ

14 Dios hueinö ta'anö jȩpi̧nö̧rö̧, adihuä i̧sa̧rö̧, kö'cocotö pi̧nä̧tö̧jä̧. Pilatorö jä'epinätöjä ya̧tȩ ttö̧ja̧rö̧ cuä'ö icuinörö rä'epö icua pä'ö.

Gade chapit la Kopi




Hechos 3:14
22 Referans Kwoze  

—¿Tta̧'a̧nü̧ pä'ü, uku Jesú Nazare ttü̧ja̧sa̧mä̧, ujuturu mȩ'o̧pä̧rü̧ ichüjä̧ttü̧? ¿be'epäjipü iku kui̧chä̧jä̧u̧jä̧ tä̧jí̧? ukurumä̧, Dio ȩmi̧nä̧ku̧ pä'ü wo̧jua̧sä̧.


Juätümä̧ profetas winä̧tü̧rü̧ kuä'ü ttikua pä'ütä jȩpi̧nä̧tü̧, Jesú, Dio wȩ'ä̧wa̧ ichü wȩnȩ ji'äwätürü kuä'ü ikuinä̧tü̧, ukutu'i̧nä̧ Jua̧u̧ru̧ iyü ikú kuä'ü ikuinä̧tü̧jä̧;


Isopäi'ünä̧ Crito-mä̧ chutä a̧mü̧nä̧ pa̧ja̧tü̧ ujutu suronä̧ jȩtä̧'i̧jü̧nä̧, ya'utenä̧tä̧ 'korujuo'ächü usurä ȩmä̧wi̧nü̧, Jua̧u̧mä̧ surojümä̧ jȩpo̧kü̧ja̧'a̧nä̧ surojü jȩpä̧tü̧nä̧ usurä ȩmä̧wi̧nü̧, ukuturu Dio ü̧ja̧'a̧ku̧ ȩpa̧ pä'ü. Idepänämä̧ 'korujuoächina̧'a̧nä̧ Epíritu jäwä a̧'kua̧rä̧kuä̧wä̧mä̧ tto'ächinü̧.


«Isopäi'ünä̧ ukú kui̧tti̧ surojü jui̧'a̧rü̧ suronä̧ jȩtta̧ pä'ü ka̧ka̧kui̧nä̧tü̧, Herodes'i̧nä̧, Poncio Pilato'i̧nä̧, Irae ttü̧ja̧ wokotü'i̧nä̧, Irae ttü̧ja̧'i̧nä̧, jü̧nä̧.


Ukutumä̧ suronä̧ jȩpo̧ko̧tü̧rü̧ wȩnȩtä̧'chü̧, ja̧'wa̧ta̧nü̧ ttürowäwa pä'ü'i̧nä̧ jerupätürü kuä'äu ikuinä̧tü̧jä̧.


Ja̧'wa̧ta̧nü̧ pä'inü̧: Tü̧tä̧mü̧ mi̧nä̧ Ttü̧ä̧nä̧wa̧ Dio-mä̧ ȩmä̧jä̧ku̧jä̧, Churutä pä̧wä̧rü̧jü̧ ku̧wo̧jua̧ pä'ü'i̧nä̧, adiwä i̧sa̧rü̧ to'kua pä'ü'i̧nä̧ ja̧'wa̧ta̧nü̧ chutä i̧wȩnȩ kuä̧ju̧kua̧ pä'ü'i̧nä̧, jü̧nä̧.


«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:


Chi̧tti̧mü̧ wotü, pi̧yȩ wȩnȩ wȩyu̧tu̧ wȩdä̧u̧jä̧, surojü jȩ'kuä̧tu̧ku̧ juiya pä'ü. Ja̧'wa̧nü̧ ja̧'a̧nä̧, yotukunä̧ surojü jȩttü̧ttü̧mä̧, Jä'o Dio ä'ka jo̧mȩ, ya̧tȩ ujuturu ppädäkuäwä i̧sa̧, ppä̧'ä̧dä̧rü̧rü̧ kku̧nä̧rä̧tü̧jä̧: Jua̧u̧mä̧ Jesucrito ja̧'a̧, adiwomȩnä̧ jȩä̧kuä̧wä̧ i̧sa̧mä̧.


Surojü jȩpo̧kü̧ pinü̧rü̧mä̧, ujutu jäwänä̧; surojü jȩpä̧tü̧ 'kua̧rü̧nä̧ jȩi̧nä̧ku̧; jua'amä̧ Dio adiwomȩnä̧ jȩü̧mä̧, Crito-nä̧tä̧ adiwä isotü päti'a pä'ü.


Isopäi'ünä̧ ukumä̧ wa'arenä̧mä̧ kuikuipokoku chä̧kua̧sä̧ ja̧'wa̧ta̧nü̧ kuemi̧nä̧ku̧ cha'attü surojü tochünä̧mä̧ jȩ'kuo̧ko̧ku̧ chä̧kua̧sä̧.


Ja̧'wa̧nü̧ ja̧'a̧ttü̧, ru̧wa̧rü̧ ttüjü'kü juiyünä̧ jȩa̧'a̧ ja̧'wa̧ta̧nü̧ kuä'ü ikuini̧yä̧u̧ kärenä̧ ttütinä̧ku̧ru̧mä̧ rä'epü iku, pä̧ro̧kua̧ Jesú-rutä iyü ikuinü̧, ttüjü'komȩnä̧ jȩtta̧rü̧ pä'ü.


Päjäku á̧gȩ-mä̧ ädätinä̧kua̧: —Epíritu Sa̧tu̧ ukuru ichü ü̧jä̧mä̧dä̧kua̧. Ja̧'wa̧nü̧ jo̧mȩnä̧ Mo̧ro̧jä̧ Ru̧wa̧ ujuru a̧'kua̧juä̧nä̧ 'ka̧tä̧chi̧'ä̧kua̧ju̧jä̧. Ja̧'wa̧nü̧ ja̧'a̧ttü̧ ji̧'ki̧cha̧wa̧ u̧wä̧pä̧chä̧kua̧mä̧ Dio i̧tti̧, surojü jui̧'a̧ pä'ü o̧ttä̧kua̧.


Ja̧'wa̧nü̧ ja̧'a̧nä̧, sacerdote wotü tturuwotümä̧, ttü̧ja̧rü̧ ji'äu kku̧ni̧nä̧tü̧ Barrabá-rütä rä'epü ikunä̧ jätteparü pä'ü.


Ja̧'wa̧ta̧nü̧, ya̧tȩ Barrabá pä'ü mi̧kua̧, kkorotüku kärenä̧ pinü̧, ttürowäwomȩttü̧ ttü̧ja̧sa̧rü̧ kuä'ü ttikuina̧'a̧ ja̧'a̧.


Ja̧'wa̧nü̧ ja̧'a̧nä̧, sacerdote tturuwotü'i̧nä̧, a̧ci̧a̧nu̧tu̧'i̧nä̧ ttü̧ja̧ rekuätürü we'ü kku̧ni̧nä̧tü̧, Barrabá-rütä rä'epü iku; Jesú-rumä̧ kuä'ü ttikua pä'ü jättepünä̧.


Jueünä̧ jȩttü̧ttü̧'i̧nä̧, pädümä̧, Chä'o ü̧ja̧'a̧ chi̧'cha̧'a̧ttü̧ pä'üsä, täkü ttürümä̧ yabonü̧mä̧ to'kuätukuokoku chäkua'attü̧,


Päomȩnä̧, o'katoi'ünä̧ pä'äjita'anü̧ pä̧i̧ku̧nä̧ wopi'inä̧tü̧: —¡Jua̧u̧ru̧mä̧kü̧! ¡Barrabá-rütä rä'epü ikuí!, jü̧nä̧. Jua̧u̧ Barabá-mä̧, nä̧u̧kuä̧rä̧kuä̧wä̧ i̧sa̧ pinü̧.


—Ujutu, Jua̧u̧ ütü'kümä̧ yoriso ku̧wo̧juȩtä̧tu̧kuä̧ pätäja'amä̧. Jitämä̧ Jerusarȩ́ ütawiyä o'kajuiyünä̧ wo̧juȩtü̧ ikuäjätüjä̧, Jua̧u̧ 'koru juoächinü̧'i̧nä̧ ujuturutä wȩnȩtü̧.


Kuä'ü ttikuarü pä'ümä̧, suronä̧ jȩä̧ji̧mä̧ ttü̧'o̧kui̧'o̧ka̧'a̧ jä̧ja̧'a̧nä̧, Pilato-rü jä'epinä̧tü̧ kuä'ü ttikuarü pä'ütä.


Swiv nou:

Piblisite


Piblisite