Hechos 3:12 - Nuevo Testamento Uwotjüja

¹² Peduru-mä̧, ja̧'wa̧nü̧ jȩtta̧'a̧ topü ttü̧ja̧rü̧ pä'inü̧: ¿Irae ttü̧ja̧, tta̧'a̧nü̧ pä'ü, to̧o̧ to̧'kuä̧rä̧tu̧kua̧'a̧jä̧ttü̧ pi̧yȩ tü'kümä̧? ¿tta̧'a̧nü̧ pä'ü, ujuturu to̧'kuä̧rä̧tu̧kua̧'a̧jä̧ttü̧, ujutu tujurunä̧, adiu jȩpä̧tü̧ jü̧nä̧ piderü kueächünä̧ jȩtä̧ja̧'a̧ 'kua̧rü̧nä̧?

TÄ̧DO Ä̧CUÄ̧ I̧HUȨNȨ

¹² Pedro jahuätörö topö pä'inödo: —Israel ttö̧ja̧, ¿dä̧bö̧ tocu'ätucuocö jä̧'i̧jö̧ to̧pä̧rö̧ cu̧ja̧cuä̧tu̧cuä̧ttö̧? ¿Dä̧bö̧ ujuturu to̧cu̧'ä̧rä̧tu̧cuä̧ttö̧? ¿Diosrö adiu ttamöcuäda'attö, ttujurunä adiu cueächa pä'ö aditö tticuäjäcu amöcuädätöjä tä̧ji̧?

Hechos 3:12 Referans Kwoze

2 Corintios 3:5

Ujututä ta̧mü̧nä̧ pa̧ja̧tü̧, jȩtü̧'a̧nü̧ jü̧mä̧ jui'ätüjä̧; ujutu jȩtü̧mä̧, jȩtü̧nä̧ Dio iyomȩttü̧tä̧ jȩpä̧tü̧jä̧.

Romanos 9:4

Juätümä̧ Irae i̧tti̧mü̧ isotü ttomȩttü̧ ja̧'wa̧ta̧nü̧ Dio i̧tti̧mü̧ jü̧nä̧ ȩmi̧nä̧u̧ tta'attü̧; Dio-mä̧ juätütäku kki̧nü̧, ujuru'i̧nä̧ i̧jȩpi̧nä̧u̧ ja̧'wa̧ta̧nü̧ juätütäku eseku, jȩttä̧kuȩ wȩnȩ'i̧nä̧ iyinä̧u̧. Isopäi'ünä̧ ttesewarü pä'ü wo̧juȩtü̧ kkä̧nü̧, i̧yä̧kuȩ'i̧nä̧ ukuokuinä̧u̧.

Hechos 2:22

Irae ttü̧ja̧, pi̧yȩ jidäu adiu ä̧ju̧kuä̧tu̧kui̧: Jesú Nasaret i̧sa̧ ütü'kümä̧ wo̧juä̧tü̧jä̧, Jua̧u̧nä̧ Dio jo̧mȩnü̧ i̧jȩpi̧nü̧mä̧; Jua̧u̧nä̧mä̧ tottünä̧ jȩtto̧kü̧ juei jȩpi̧nü̧, i̧jȩkuä̧chü̧nä̧.

Romanos 11:1

Ja̧'wa̧nü̧ ji̧yä̧ku̧ pä'üsä: ¿Dio-mä̧ umüwäyotü pinä̧tü̧rü̧mä̧ do'opü ikuina̧'a̧ tä̧jí̧? ¡Isokü̧, ja̧'wa̧nü̧mä̧kü̧! Ttütä'i̧nä̧ Irae ttü̧ja̧sa̧sä̧, Abraha̧ isotü i̧sa̧, Benjamín isotü i̧sa̧.

Hechos 13:26

Chawaruwä chi̧jä̧wa̧tü̧, Abraha̧ i̧tti̧mü̧ isotürü ja̧'wa̧ta̧nü̧ ukutu Dio-rü ukuotätürü ja̧'a̧tȩ'ü̧ ja̧'a̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧.

San Juan 7:18

Ya̧tȩ chutä a̧mü̧nä̧ pa̧ja̧tü̧ amükuädäkuäu ukuokumä̧, churutä tesewarü pä'ü usú ja̧'wa̧nü̧ ja̧'a̧nä̧, churutä we'inü̧rü̧ ttesewiyarü pä'ü usomȩnä̧mä̧, jueü wȩnȩtä̧ ukuoku, surojü jui'attü.

Hechos 3:11

I̧'chü̧ juiyünä̧ wäjimä̧, Peduru-ttü'i̧nä̧, Ju̧a̧-ttü̧'i̧nä̧ yoriso 'kȩi̧'o̧ka̧'a̧ ja̧'a̧, ttü̧ja̧mä̧ to̧o̧ to̧pä̧rü̧kkä̧nü̧, Saromón pä'ü mikuate äpateku ru'i'ü ttü̧ka̧ka̧kui̧'i̧nä̧u̧.

Hechos 3:13

Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧, tü̧tä̧mü̧mi̧nä̧ pinä̧tü̧ ttü̧ä̧nä̧wa̧ Dio ja̧'a̧, i̧tti̧ Jesú-ru ukuo iyinü̧mä̧, ukutu kkü'kü jui'ü iyü kuikuinä̧tu̧kuä̧ku̧ru̧, Pilato-mä̧ rä'epü ikuarü pä'ü amükuädäja'anä̧.

Apocalipsis 7:13

Ja̧'wa̧nü̧ ja̧'a̧, a̧ci̧a̧nu̧tu̧ttü̧ ya̧tȩ ttürü jä'epü ä̧ju̧kui̧nü̧: «Jitüja ttü̧'ka̧tä̧wä̧ti̧yu̧ teü 'ka̧tä̧wä̧tü̧mä̧ ¿titü juo'otüjä̧ttü̧, torü ichinä̧tü̧jä̧ttü̧?»