Hechos 28:8 - Nuevo Testamento Uwotjüja

⁸ Publio jä'o, du'unä̧ na̧'ä̧chü̧, kuo 'cha̧bi̧ttü̧ cama-nä̧ ü̧'a̧'a̧, Pauru-mä̧ do'ächo'ü 'chä̧ji̧'ka̧, Dio-rü ukuoku, u̧mü̧nä̧ mȩo̧mȩnä̧, umäricheittü pi̧'i̧nü̧.

TÄ̧DO Ä̧CUÄ̧ I̧HUȨNȨ

⁸ Publio jä'o huä̧ri̧sa̧nä̧ ri̧nö̧, märicheicu, 'cha̧bi̧cu̧ na̧'ä̧chö̧. Pablo ja̧u̧ru̧ do'ächi'ö, Diosrö ucuocuinö. U̧mö̧nä̧ mȩ'ö̧, aditö icuinäcu.

Hechos 28:8 Referans Kwoze

Hechos 9:40

Ja̧'wa̧nü̧ ja̧'a̧, Peduru-mä̧ o'katoi'ünä̧rü̧ rättopächünä̧ we'ü ikuäji̧'ka̧, iwe'kiyunä̧ kkä̧mä̧dü̧, Dio-rü ukuoku pä'inü̧: —«¡Tabitá, ä̧rä̧mi̧'i̧!», päomȩnä̧, kki'äre ye'ädü Peduru-rü tojomȩnä̧, pä'äji ta̧'a̧nü̧ adiu pä'i'inä̧ju̧.

San Marcos 6:5

Ja̧'wa̧nü̧ ja̧'a̧ttü̧ jȩtto̧kü̧ jueimä̧, juorümä̧ jȩpo̧kü̧ pinü̧. Ja̧'wa̧nü̧ ja̧'a̧nä̧ a̧'u̧ku̧nä̧ wotürütä u̧mü̧ mȩü̧tä̧ na̧'ä̧chä̧tü̧rü̧mä̧ aditü ikuinü̧.

San Marcos 16:18

Ä̧ka̧tü̧rü̧ 'chuttäda'anä'i̧nä̧; ni̧yȩkua̧'a̧ ttauttu'i̧nä̧ surojuoepo̧ko̧u̧ ttäkuotü; ja̧'wa̧ta̧nü̧ na̧'ä̧chä̧tü̧rü̧ ttu̧mü̧ mȩtto̧mȩnä̧'i̧nä̧ ttü̧'i̧pi̧yä̧kuä̧u̧.

San Mateo 9:18

Jesú-mä̧ ji̧nä̧ juätürü ukuokua'anä̧, ya̧tȩ judío ttu̧ru̧wa̧ ichi'ü Jesú ä'ka jo̧mȩ iwe'kiyunä̧ pä̧mä̧dü̧ pä'inü̧: —Chittiju 'koru päji'iyäkusä ja̧'wa̧nü̧ ja̧'a̧nä̧ ku̧mü̧ mȩ'ü̧ kuichüttümä̧, kka̧'kua̧ri̧'i̧yä̧kua̧sä̧.

1 Corintios 12:28

Dio-mä̧, igresia-nä̧mä̧ kku̧ni̧nü̧, ä̧kuo̧mȩnä̧mä̧ apótore pä̧ttä̧u̧ru̧; juȩnȩ o'komȩnä̧mä̧, profetas pättä̧u̧ru̧; wäbodäkuä päi'ünä̧mä̧ wo̧juȩkuä̧ isotürü; jua̧u̧ o'komȩnä̧mä̧ jȩtto̧kü̧ juei jȩpä̧tü̧rü̧; kkorotümä̧ na̧'ä̧chä̧tü̧rü̧ aditü ikuätürü'i̧nä̧; kkorotümä̧ ppädäkuäwä isotürü'i̧nä̧; kkorotümä̧ juȩpä̧rä̧kuä̧wä̧ isotürü'i̧nä̧ ja̧'wa̧ta̧nü̧ kkorotümä̧ kkorotü tti̧wȩnȩ wäjuönä̧ ukuokuätürü'i̧nä̧.

1 Corintios 12:9

Ja̧'wa̧ta̧nü̧ Jua̧u̧ Epíritu-nä̧tä̧ kkorotümä̧ i̧yä̧u̧ tta̧'kua̧ wȩnä̧rä̧kuä̧wä̧ ttu̧ju̧nä̧ra̧ pä'ü'i̧nä̧ ja̧'wa̧ta̧nü̧ kkorotümä̧ i̧yä̧u̧ na̧nȩpä̧tü̧rü̧ aditü ikuäwä'i̧nä̧, jü̧nä̧.

San Mateo 10:8

Na̧nȩpä̧tü̧rü̧mä̧ aditü iku, 'korujuo'ächätürümä̧ tto'ädü kku̧nu̧, Repra mä̧richei na̧nȩpä̧tü̧rü̧ aditü iku kkä̧nü̧, epíritu-tu̧ suropätürü'i̧nä̧ rä'epü kuikuätukuajä̧. Mippoünä̧ kuȩminä̧tu̧ku̧ ja̧'a̧ttü̧, mippoünä̧ iyäjätukui.

San Mateo 10:1

Ja̧'wa̧nü̧ ja̧'a̧ Jesú-mä̧, u̧wo̧juȩtä̧u̧ doce-nü̧ wotürü wopo'ü ttukuo iyinä̧u̧, epíritu-tu̧ suropätürü rä'epü ttikua pä'ü'i̧nä̧, na̧nȩttü̧ttü̧mä̧ o'kajuiyünä̧ aditü ttikua pä'ü'i̧nä̧, ubara ttu'u na̧nȩttü̧ aditü ttikua pä'ü'i̧nä̧, jü̧nä̧.

San Lucas 13:13

Pä'ükkä̧nü̧, kku̧wä̧mȩ mȩo̧mȩnä̧, yotäku, 'tu̧wa̧yu̧nü̧ kkäja'amä̧ jue'ächipü, Dio-rü rü̧ȩnä̧ esewinä̧ju̧.

San Lucas 4:40

Kkä̧wa̧ ma̧ä̧cho̧mȩnä̧, o'katoi'ünä̧ ttumä̧richei na̧nȩpä̧tü̧rü̧ kku̧nä̧rä̧tü̧mä̧, Jesú ü̧jo̧mȩku̧ i'kächinä̧tü̧. Ja̧'wa̧nü̧ ja̧'a̧ juätü yotukunä̧rü̧ u̧mü̧ mȩ'ü̧ aditü ikuinä̧u̧.

San Marcos 7:32

Juorümä̧ i̧wȩnȩ tta̧tta̧pü̧ ukuokuokü, jä̧ri̧yä̧wa̧rü̧ i'chächipü, jua̧u̧ru̧ u̧mü̧ mȩi̧ya̧tü̧ pä'ü jättepinä̧ku̧.

San Marcos 5:23

rü̧ȩnä̧ ajuäkuäwinü̧: —Chittiju täkü 'korupäji'omȩtä̧ ji̧yä̧ku̧sä̧; ku̧mü̧nä̧, mȩ'ä̧chi̧yi̧ttü̧, a̧'kua̧ttü̧ juo'ü kka̧'kua̧ri̧'i̧ya̧ttü̧.

San Mateo 12:13

Pä'ü kkä̧nü̧, jua̧u̧ru̧ pä'inü̧: —Ku̧mü̧ te'ädi. Päku, teädomȩnä̧ kko̧ro̧mü̧ jü̧ta̧'a̧nü̧ adiwächi'inä̧ku̧.

Hechos 28:7

Juȩnȩ tü'künä̧nü̧mä̧, ya̧tȩ Publio pä'ü mi̧kua̧, juä̧sa̧ kkä'ko i̧sä̧sa̧ttü̧ ukuo i̧sa̧ kki̧nü̧; i'ättiyu kku̧nä̧rü̧, jua̧u̧mä̧ wäbodäkuä mo̧ro̧ jo̧mȩnä̧ do'ädäji'ka̧ ppädinä̧u̧jä̧.

Hechos 28:9

Ja̧'wa̧nü̧ jä̧ji̧yä̧u̧, juȩnȩ kka̧kuä̧tü̧mä̧ kkorotü na̧nȩpä̧tü̧'i̧nä̧ i̧jȩku̧ tticha'a aditü ikuinä̧u̧.