Hechos 28:6 - Nuevo Testamento Uwotjüja

⁶ Ja̧'wa̧nü̧ päi'äjiyä̧u̧, Pauru-mä̧ ü̧jo̧mȩ kkä'kottü ji̧ä̧mi̧'ä̧kua̧kü̧, ma̧ä̧mä̧kua̧kü̧ pä'ü o'katoi'ünä̧ tta̧'ä̧ri̧nä̧tü̧; ja̧'wa̧nü̧ rekuó to̧ttä̧ro̧mȩnä̧ ji̧yo̧ko̧u̧mä̧, amükuädi'inä̧tü̧, Pauru-mä̧ dio ja̧'a̧ pä'ü.

TÄ̧DO Ä̧CUÄ̧ I̧HUȨNȨ

⁶ O'ca toi'önä to̧pä̧ri̧nä̧tö̧ Pablo u̧mö̧ jö̧ä̧mi̧'a̧ pä'ö. Korotö to̧pä̧ri̧nä̧tö̧ jurunä 'corupäi'a pä'ö. Recuo tta̧ttä̧ro̧mȩnä̧, Pablo yoröiso na̧'ä̧cho̧cö̧ pi̧nö̧. Ja̧'hua̧nö̧ ja̧'a̧ttö̧ ttamöcuädömä pärocuätä amöcuädinätö. Pä'inätö: —Chujuamä korotö ttä̧do̧ ä̧cua̧ a̧'cua̧ra̧'a̧.

Hechos 28:6 Referans Kwoze

Hechos 12:22

Ja̧'wa̧nü̧ jä̧u̧ ttü̧ja̧mä̧ wopinä̧tü̧: «¡ttü̧ja̧sa̧ 'kua̧rü̧ juiyünä̧, dio 'kua̧rü̧nä̧tä̧ ukuoku! pä'ü.»

San Mateo 21:9

Ja̧'wa̧ta̧nü̧ kkorotü Jesú ä'kanä̧ 'chä̧tü̧'i̧nä̧ o'ka'anä̧ ichätü'i̧nä̧ wopinä̧tü̧: —¡Ppä'äditü, ra̧wä̧pi̧jü̧ttü̧, Dawi i̧tti̧jä̧! ¡Tu̧ru̧wa̧ i̧mi̧nä̧ ichümä̧, bendito pättü kkä̧ku̧jä̧! mo̧ro̧jä̧nä̧ttü̧, pä'ü wopinä̧tü̧:

San Mateo 27:22

Pättiyäku, Pilato-mä̧ jä'epinü̧: —Ja̧'wa̧ta̧nü̧ ¿Jesú, Crito pättäkurumä̧, toku jȩcha̧'a̧jä̧ttü̧? Päomȩnä̧, o'katoi'ünä̧ ädätinä̧tü̧: —¡Ü̧jo̧kä̧nü̧ jäinä̧ pȩ'o̧pü̧ kkü̧nä̧tu̧kui̧rü̧, 'korupäi'ünä̧! pä'inä̧tü̧,

Hechos 8:10

Ja̧'wa̧nü̧ ja̧'a̧, jua̧u̧ru̧mä̧ o'katoi'ünä̧ ppo̧'ä̧tü̧ttü̧ kkä̧mä̧da̧'a̧mä̧, tä̧mü̧'i̧nä̧ ä̧ju̧kuä̧rü̧ ukuokuinä̧tü̧: «Pi̧yȩtä̧ ja̧'a̧ Dio ujurumä̧,» pä'ü.

Hechos 28:7

Juȩnȩ tü'künä̧nü̧mä̧, ya̧tȩ Publio pä'ü mi̧kua̧, juä̧sa̧ kkä'ko i̧sä̧sa̧ttü̧ ukuo i̧sa̧ kki̧nü̧; i'ättiyu kku̧nä̧rü̧, jua̧u̧mä̧ wäbodäkuä mo̧ro̧ jo̧mȩnä̧ do'ädäji'ka̧ ppädinä̧u̧jä̧.