Hechos 28:2 - Nuevo Testamento Uwotjüja

² Juä̧sa̧nä̧ kka̧kuä̧tü̧ ttü̧ja̧mä̧ adiu ppättädinä̧u̧jä̧; okurä kkuwopo'ü o'katoi'ünä̧rü̧ okurä tütünä̧ jȩtti̧nä̧u̧jä̧, ajiya icha'a ja̧'a̧, diyo ttütiyä̧u̧.

TÄ̧DO Ä̧CUÄ̧ I̧HUȨNȨ

² Ju̧huȩnȩtä̧ ka̧cuä̧tö̧mä̧ adiu ppä'ädinätö ujuturu. Ajiya icha'attö diyahuina'a. Ocurä kuhuinätö töta pä'ö.

Hechos 28:2 Referans Kwoze

Hebreos 13:2

Do'ächü ichätürü eseunu̧ ttä'a we'ätukui. Ja̧'wa̧nü̧ jȩpü̧, yotukunä̧ mo̧'i̧nä̧ á̧gȩrȩ-rü, ttieruwa'a jakuänä̧ do'ädü ä'epinä̧tü̧.

Colosenses 3:11

Ja̧'wa̧nü̧ ja̧'a̧ttü̧, judío i̧sa̧ ja̧ pä'ü'i̧nä̧, Grecia i̧sa̧ ja̧ pä'ü'i̧nä̧, circuncisión jȩpä̧kuä̧wa̧ ja̧ pä'ü'i̧nä̧, circuncisión jȩpä̧kuä̧wo̧kü̧ ja̧ pä'ü'i̧nä̧, esclavo pättäku ja̧ pä'ü'i̧nä̧, esclavo pättäku wokü ja̧ pä'ü'i̧nä̧ Crito-nä̧mä̧ o'kajuiyünä̧ jo̧mȩnü̧ wotüjä̧, o'kajuiyünä̧tä̧ ü̧ja̧'a̧ttü̧.

Romanos 1:14

Grecia ttü̧ja̧rü̧'i̧nä̧ ja̧'wa̧ta̧nü̧ Grecia ttü̧ja̧ wokotürü'i̧nä̧ ja̧'wa̧ta̧nü̧ wo̧juä̧tü̧rü̧'i̧nä̧, jerupätürü'i̧nä̧ pi̧yȩmä̧ mi̧ppotüsä;

2 Corintios 11:27

Aditü usurä ȩmä̧u̧'i̧nä̧, chä'oka'a'i̧nä̧, ppäi ttu'u'i̧nä̧, a̧di̧ ttu'u'i̧nä̧; diyo ttu'u'i̧nä̧, chü̧'ka̧tä̧wä̧ti̧yu̧ jui'ü'i̧nä̧ usurä ȩmä̧wä̧'i̧jü̧sä̧.

Hechos 28:4

Ja̧'wa̧nü̧ Pauru u̧mü̧nä̧ yü̧'ö̧ ü̧rä̧mäda̧'a̧ topü, juȩnȩ ttü̧ja̧mä̧, yotukunä̧ pä'äkuäwinä̧tü̧: «Pidemä̧ ttü̧ja̧rü̧ kuä'äwä'ijü ja̧'a̧ tä̧jí̧, aje rü̧o̧tottümä̧ ü̧ji̧pä̧ja̧'a̧nä̧, ttü̧ä̧nä̧wa̧ u̧mü̧ttü̧mä̧ ü̧ji̧pü̧ juiyünä̧ jȩä̧ku̧.»

1 Corintios 14:11

Ja̧'wa̧nü̧ ja̧'a̧nä̧, jua̧u̧ ukuoku wȩnȩ chieruwuöttümä̧ kko̧ro̧jä̧ttü̧ i̧chä̧kuä̧wa̧ 'kua̧rü̧nä̧tä̧ wa̧sä̧ churutämä̧, pärokua'aku chutä'i̧nä̧ ja̧'wa̧nü̧tä̧ wa̧ ttürümä̧.

San Mateo 10:42

Ja̧'wa̧ta̧nü̧ pitüttü ya̧tȩ ji̧'ki̧cha̧wa̧ ja̧ pä'ü'i̧nä̧, ttü chu̧mü̧wä̧ya̧ wa̧rü̧ ajiya diyawoya ji̧'ta̧tȩnä̧ iyürümä̧, isopäi'ünä̧ pä'üsä, jua̧u̧ iäre premio-mä̧ Dio-mä̧ unichi'okoku jä̧kua̧.

Hechos 27:3

Kkoro mo̧ro̧mä̧ rȩbȩwi̧nä̧tü̧jä̧, Sidón ütawiyänä̧, juorümä̧ su̧ro̧do̧u̧ ttu̧ru̧wa̧ Juriu-mä̧ Pauru-rü ukuotünü̧ jȩpi̧nü̧, jua̧u̧ awaruwä ppättäda'anä̧.

Romanos 2:27

Ja̧'wa̧ta̧nü̧ idepänä̧mä̧ circuncisión pättü jȩpä̧kuä̧wo̧kü̧ ja̧'a̧nä̧, weäwä wȩnȩ päü'anü̧ jȩpü̧mä̧, jua̧u̧ jä̧kua̧'a̧ ukuru suronä̧ jȩ'kuä̧'i̧ja̧'a̧ ro̧ȩpä̧kua̧mä̧, jua'amä̧ weäwä wȩnȩ'i̧nä̧ ku̧ju̧nä̧ra̧'a̧nä̧, circuncisión pättü'i̧nä̧ jȩpä̧kuä̧wa̧ kua'anä̧ kukuotokomȩttü̧.

San Juan 18:18

Ja̧'wa̧nü̧ ja̧'a̧, ttu̧wo̧juȩtä̧u̧'i̧nä̧, su̧ro̧do̧u̧'i̧nä̧, di̧ya̧wä̧u̧ okurä ttujuwäja'a tä̧nü̧ kka̧kui̧nä̧tü̧; ja̧'wa̧nü̧ ja̧'a̧ Peduru'i̧nä̧ juätütäku okurä tä̧nü̧ kki̧nü̧.

Hechos 28:3

Pauru-mä̧ okuränä̧ mi̧ ü̧tta̧to̧mȩnä̧, okurättü du'i'äku rä'opächü, ä̧ka̧mä̧ Pauru u̧mü̧nä̧ yü̧'ö̧ ikuinü̧.

Romanos 14:1

Tta̧'kua̧ wȩnä̧rä̧kuä̧wä̧ jiyüpätürü dodetta we'ätukui jawätukumä̧ päkuä'chäkuäwätukuä.

Romanos 14:3

O'kajuiyünä̧ u̧kuȩ kumä̧, kuokürümä̧ suronä̧ kukuokuä; ja̧'wa̧nü̧ jü̧ta̧'a̧nü̧ pättiyu o̧'tȩtä̧ ku'i̧nä̧ o'kajuiyünä̧ kurumä̧ suronä̧ kukuokuä; Dio-mä̧ o'katoi'ünä̧rü̧ ȩmi̧nä̧u̧jä̧.