Hechos 27:21 - Nuevo Testamento Uwotjüja

²¹ Täkü, tu̧kuȩ rekuó mo̧ro̧ tukuoka'a jä̧ja̧'a̧, Pauru-mä̧ o'katoi'ünä̧ ttü̧'kä̧tȩ jo̧mȩttü̧ ä̧rä̧mi̧'ü̧ pä'inü̧: —Chawaruwä, ttü pädü esetü, Creta-ttü rätopü juiyäjittümä̧, pa̧'a̧nü̧ usurä ȩmä̧u̧ kkä̧nü̧mä̧, järe'i̧nä̧ to'e'ächokotü pa̧ja̧tü̧jä̧.

TÄ̧DO Ä̧CUÄ̧ I̧HUȨNȨ

²¹ Recuo tu̧cuȩ tucuoca'a tö̧ja̧cuo̧mȩnä̧, Pablo ttö̧ja̧ ttä'ca jo̧mȩ kä̧mä̧dö̧ pä'inö: —Chahuaruhuä, ttö pädinö esetö cuä̧ju̧cui̧nä̧tu̧cu̧ttu̧mä̧, Creta kä'co i̧sä̧sa̧ttö̧ rätopoca'a ji̧nö̧ttö̧mä̧, adihuaja'a. Juhuorö rätopäja'attö cui'cächinätucu huoi'ca jähuä'inä toei'a'a.

Hechos 27:21 Referans Kwoze

Hechos 27:7

Rekuo mo̧ro̧ a̧'kuo̧pa̧ja̧'a̧ 'chä̧jä̧'kotü, usurä ȩmä̧u̧nu̧ 'chä̧wi̧'i̧nä̧tü̧jä̧ Cnido ütawiyä pä̧tȩkuä̧nü̧ jo̧mȩ. Ja̧'wa̧nü̧ ja̧'a̧nä̧, ji̧nä̧ kkä̧rü̧'ko̧wä̧u̧ Creta kkä'ko i̧sä̧sa̧ aboja̧'a̧ku̧nä̧ wi̧sä̧ti̧'ü̧ 'kuä'o'inä̧tü̧jä̧, Salmona kkä'ko i̧sä̧sa̧ pä̧tȩkuä̧nü̧ jo̧mȩnä̧.

Hechos 27:12

Ja̧'wa̧ta̧nü̧, juȩnȩ ttawaränä̧, a̧'ȩ 'kuättopü juiyünä̧ suroji̧yä̧u̧, o'katoi'ünä̧ amükuädinä̧tü̧, juorü rä'opächü tti̧'cha̧ pä'ü Fenice ütawiyä ttawaränä̧ 'kuättopäkua'anü̧, a̧'ȩmä̧. Fenice-mä̧ juȩnȩtä̧ Creta kkä'ko i̧sä̧sa̧nä̧ kki̧'i̧na̧'a̧, juorütä kkä̧wa̧ räopa'aku'i̧nä̧, ma̧ä̧cha̧'a̧ku̧'i̧nä̧ rättopa pä'ü adiwomȩ ja̧'a̧ttü̧.

Hechos 27:13

Kkä̧rü̧'koppamä̧ kkä̧wa̧ ü'oweja'a̧ku̧nä̧ttü̧ a̧'u̧ku̧nä̧tä̧ kkä̧rü̧'ko̧wi̧yä̧u̧, woi'ka u̧ru̧wa̧mä̧ ti̧'cha̧ pä'ü adiwa'akü̧ pä'ü amükuädinä̧tü̧. Ja̧'wa̧nü̧ pä'ü tta̧mü̧kuäda'attü̧ Creta jäyänä̧ 'chi̧nä̧tü̧jä̧.

Hechos 27:20

Ja̧'wa̧ta̧nü̧ rekuó mo̧ro̧ jo̧mȩnä̧ kkä̧wa̧rü̧'i̧nä̧, si̧ri̧'kü̧rü̧'i̧nä̧ topokotü pinä̧tü̧jä̧, ajemä̧ kädoka'atä kkä̧rü̧'ko̧u̧nä̧ ppa̧wä̧u̧, täkü kki̧'i̧po̧ko̧tü̧jä̧kü̧ pä'ü amükuädinä̧tü̧jä̧.