Hechos 27:13 - Nuevo Testamento Uwotjüja

¹³ Kkä̧rü̧'koppamä̧ kkä̧wa̧ ü'oweja'a̧ku̧nä̧ttü̧ a̧'u̧ku̧nä̧tä̧ kkä̧rü̧'ko̧wi̧yä̧u̧, woi'ka u̧ru̧wa̧mä̧ ti̧'cha̧ pä'ü adiwa'akü̧ pä'ü amükuädinä̧tü̧. Ja̧'wa̧nü̧ pä'ü tta̧mü̧kuäda'attü̧ Creta jäyänä̧ 'chi̧nä̧tü̧jä̧.

TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧ kä̧ru̧'coppa kä̧hua̧ ö'ohuenä ja̧'a̧nä̧ a̧'cuo̧po̧nä̧ kä̧ru̧'co̧huo̧mȩnä̧, juhua'a yabo tti̧'cha̧ pä'ö amöcuädinätö. Huoi'ca huämicuome adihuome pättomettö rä'opö, Creta kä'co i̧sä̧sa̧ tö'cönänö 'chi̧nä̧tö̧jä̧.

Hechos 27:13 Referans Kwoze

San Lucas 12:55

Ja̧'wa̧ta̧nü̧, sur pätta'akuttu kkä̧rü̧'koppa düomȩnä̧, pä'ätüjä̧: Rü̧ȩnä̧ du'äkua'a. Jua̧u̧ ja̧jü̧ jueimä̧ päkuätukuta'anü̧, du'a'a.

Hechos 2:11

judío kkara'attü ichinä̧tü̧'i̧nä̧ ja̧'wa̧ta̧nü̧ Creta-ra̧'a̧ttü̧, Arabia-ra̧'a̧ttü̧ ichäkuäwotü'i̧nä̧ ti̧wȩnȩnä̧ ttukuokua'a ä̧ju̧kuä̧tü̧jä̧, ¡Dio üadiwämä̧!

Hechos 27:8

Rü̧ȩnä̧ kkä̧rü̧'ko̧wa̧'a̧ aje rü̧o̧to jueükunä̧ ti̧'cho̧mȩnä̧, rȩbȩwi̧nä̧tü̧jä̧ Buenos Puertos pättomȩ ttawaränä̧. Juȩnȩmä̧ Lasea ütawiyä tü'kü ji̧na̧'a̧.

Hechos 27:12

Ja̧'wa̧ta̧nü̧, juȩnȩ ttawaränä̧, a̧'ȩ 'kuättopü juiyünä̧ suroji̧yä̧u̧, o'katoi'ünä̧ amükuädinä̧tü̧, juorü rä'opächü tti̧'cha̧ pä'ü Fenice ütawiyä ttawaränä̧ 'kuättopäkua'anü̧, a̧'ȩmä̧. Fenice-mä̧ juȩnȩtä̧ Creta kkä'ko i̧sä̧sa̧nä̧ kki̧'i̧na̧'a̧, juorütä kkä̧wa̧ räopa'aku'i̧nä̧, ma̧ä̧cha̧'a̧ku̧'i̧nä̧ rättopa pä'ü adiwomȩ ja̧'a̧ttü̧.

Hechos 27:21

Täkü, tu̧kuȩ rekuó mo̧ro̧ tukuoka'a jä̧ja̧'a̧, Pauru-mä̧ o'katoi'ünä̧ ttü̧'kä̧tȩ jo̧mȩttü̧ ä̧rä̧mi̧'ü̧ pä'inü̧: —Chawaruwä, ttü pädü esetü, Creta-ttü rätopü juiyäjittümä̧, pa̧'a̧nü̧ usurä ȩmä̧u̧ kkä̧nü̧mä̧, järe'i̧nä̧ to'e'ächokotü pa̧ja̧tü̧jä̧.

Tito 1:5

Creta kkä'ko i̧sä̧sa̧nä̧ chu̧ju̧ni̧'i̧nü̧mä̧, adikuokü kka̧kui̧pi̧nü̧ kuadita pä'ü ja̧'wa̧ta̧nü̧ weinü̧'a̧kuä̧ ütawiyä pünä̧ Igresia-ttü tturuwotürü ku̧ju̧nä̧'cha̧ pä'ü chu̧ju̧ni̧'i̧nä̧ku̧jä̧.

Tito 1:12

Jitütä i̧sa̧ Greta kkä'ko i̧sä̧sa̧ttü̧ profeta pättäkumä̧ awaruwärü päinü̧: «Creta kkä'ko i̧sä̧sa̧ ttü̧ja̧mä̧ 'kuäopünä̧tä̧ yaparewätü, de'a isotü ttü̧ja̧kuȩi̧na̧'a̧nü̧ ttaditoka'anä̧ kuä̧nü̧tä̧ kka̧kuä̧tü̧ ja̧'wa̧ta̧nü̧ ütäwätü.»