Hechos 27:12 - Nuevo Testamento Uwotjüja

¹² Ja̧'wa̧ta̧nü̧, juȩnȩ ttawaränä̧, a̧'ȩ 'kuättopü juiyünä̧ suroji̧yä̧u̧, o'katoi'ünä̧ amükuädinä̧tü̧, juorü rä'opächü tti̧'cha̧ pä'ü Fenice ütawiyä ttawaränä̧ 'kuättopäkua'anü̧, a̧'ȩmä̧. Fenice-mä̧ juȩnȩtä̧ Creta kkä'ko i̧sä̧sa̧nä̧ kki̧'i̧na̧'a̧, juorütä kkä̧wa̧ räopa'aku'i̧nä̧, ma̧ä̧cha̧'a̧ku̧'i̧nä̧ rättopa pä'ü adiwomȩ ja̧'a̧ttü̧.

TÄ̧DO Ä̧CUÄ̧ I̧HUȨNȨ

¹² Huoi'ca huämicuome adihuome pättome a̧'ȩ 'cuäopa'anä tta̧huä̧rä̧cuä̧huo̧mȩ adihuoca'a ji̧na̧'a̧. Ja̧'hua̧nö̧ ja̧'a̧ recuätö rättopa pä'inätö Fenice ötahuiyära̧'a̧ tti̧'cha̧ pä'ö, juhuorö a̧'ȩ 'cuäopa'anä tta̧ttä̧ra̧ pä'ö. Fenice ötahuiyä huoi'ca huämicuomemä Creta kä'co i̧sä̧sa̧nä̧ ji̧na̧'a̧. Ju̧huȩnȩtä̧ kä̧nö̧ kä̧hua̧ räopa'acunä uhuäunä ji̧na̧'a̧.

Hechos 27:12 Referans Kwoze

Hechos 27:8

Rü̧ȩnä̧ kkä̧rü̧'ko̧wa̧'a̧ aje rü̧o̧to jueükunä̧ ti̧'cho̧mȩnä̧, rȩbȩwi̧nä̧tü̧jä̧ Buenos Puertos pättomȩ ttawaränä̧. Juȩnȩmä̧ Lasea ütawiyä tü'kü ji̧na̧'a̧.

Hechos 2:11

judío kkara'attü ichinä̧tü̧'i̧nä̧ ja̧'wa̧ta̧nü̧ Creta-ra̧'a̧ttü̧, Arabia-ra̧'a̧ttü̧ ichäkuäwotü'i̧nä̧ ti̧wȩnȩnä̧ ttukuokua'a ä̧ju̧kuä̧tü̧jä̧, ¡Dio üadiwämä̧!

Hechos 27:7

Rekuo mo̧ro̧ a̧'kuo̧pa̧ja̧'a̧ 'chä̧jä̧'kotü, usurä ȩmä̧u̧nu̧ 'chä̧wi̧'i̧nä̧tü̧jä̧ Cnido ütawiyä pä̧tȩkuä̧nü̧ jo̧mȩ. Ja̧'wa̧nü̧ ja̧'a̧nä̧, ji̧nä̧ kkä̧rü̧'ko̧wä̧u̧ Creta kkä'ko i̧sä̧sa̧ aboja̧'a̧ku̧nä̧ wi̧sä̧ti̧'ü̧ 'kuä'o'inä̧tü̧jä̧, Salmona kkä'ko i̧sä̧sa̧ pä̧tȩkuä̧nü̧ jo̧mȩnä̧.

Hechos 27:13

Kkä̧rü̧'koppamä̧ kkä̧wa̧ ü'oweja'a̧ku̧nä̧ttü̧ a̧'u̧ku̧nä̧tä̧ kkä̧rü̧'ko̧wi̧yä̧u̧, woi'ka u̧ru̧wa̧mä̧ ti̧'cha̧ pä'ü adiwa'akü̧ pä'ü amükuädinä̧tü̧. Ja̧'wa̧nü̧ pä'ü tta̧mü̧kuäda'attü̧ Creta jäyänä̧ 'chi̧nä̧tü̧jä̧.

Hechos 27:21

Täkü, tu̧kuȩ rekuó mo̧ro̧ tukuoka'a jä̧ja̧'a̧, Pauru-mä̧ o'katoi'ünä̧ ttü̧'kä̧tȩ jo̧mȩttü̧ ä̧rä̧mi̧'ü̧ pä'inü̧: —Chawaruwä, ttü pädü esetü, Creta-ttü rätopü juiyäjittümä̧, pa̧'a̧nü̧ usurä ȩmä̧u̧ kkä̧nü̧mä̧, järe'i̧nä̧ to'e'ächokotü pa̧ja̧tü̧jä̧.

Tito 1:5

Creta kkä'ko i̧sä̧sa̧nä̧ chu̧ju̧ni̧'i̧nü̧mä̧, adikuokü kka̧kui̧pi̧nü̧ kuadita pä'ü ja̧'wa̧ta̧nü̧ weinü̧'a̧kuä̧ ütawiyä pünä̧ Igresia-ttü tturuwotürü ku̧ju̧nä̧'cha̧ pä'ü chu̧ju̧ni̧'i̧nä̧ku̧jä̧.

Tito 1:12

Jitütä i̧sa̧ Greta kkä'ko i̧sä̧sa̧ttü̧ profeta pättäkumä̧ awaruwärü päinü̧: «Creta kkä'ko i̧sä̧sa̧ ttü̧ja̧mä̧ 'kuäopünä̧tä̧ yaparewätü, de'a isotü ttü̧ja̧kuȩi̧na̧'a̧nü̧ ttaditoka'anä̧ kuä̧nü̧tä̧ kka̧kuä̧tü̧ ja̧'wa̧ta̧nü̧ ütäwätü.»