Hechos 26:7 - Nuevo Testamento Uwotjüja

⁷ Ujutu tü̧tä̧mü̧mi̧nä̧ttü̧ doce-nü̧ wotü judío-mä̧, juätürü iya päinü̧ tta̧'ä̧rü̧mä̧ Dio ü̧rü̧ä̧ eseäkuäwätü, mo̧ro̧'i̧nä̧, yodo'i̧nä̧, jü̧nä̧. Ja̧'wa̧nü̧ jȩcho̧mȩttü̧ judío-mä̧ kuä'ü ttikuattü pättäkusä, ru̧wa̧ rey Agripa.

TÄ̧DO Ä̧CUÄ̧ I̧HUȨNȨ

⁷ Ujutu judíos ttö̧ja̧ o'ca toi'önä Dios päinömä tota pä'ö tta̧'ä̧rä̧tö̧jä̧. Ja̧'hua̧nö̧ ja̧'a̧ttö̧ mo̧ro̧'i̧nä̧, yodo'inä Diosrö ucuocuätöjä. Esetö tta̧dä̧ra̧'a̧ttö̧, judíos ttö̧ja̧ “Pablo suronä jȩpö̧” ucuocuätö, ru̧hua̧ Agripa.

Hechos 26:7 Referans Kwoze

Santiago 1:1

Dio'i̧nä̧ tu̧ru̧wa̧ Jesucrito'i̧nä̧ ttu̧mü̧wä̧ya̧, Sa̧ti̧a̧ku̧mä̧, Irae ttü̧ja̧ ttü̧jä̧pü̧ttü̧ ta̧ju̧nü̧ wotü tti̧tti̧mü̧ ruwäkuiyä pa̧ja̧ku̧nä̧ pperekuächinä̧tü̧rü̧ te'äusä.

1 Timoteo 5:5

Isopäi'ünä̧ rekua, kkatätä kki̧'ä̧ju̧mä̧, Dio-rü tta̧'a̧rü̧ kkä̧nü̧ mo̧ro̧'i̧nä̧ yodo'i̧nä̧ käjädioka'a jua̧u̧ru̧mä̧ ajuäwinü̧ ukuoku jä'epäju.

1 Tesalonicenses 3:10

Mo̧ro̧ ji̧nü̧'a̧kuä̧, yodoji̧nü̧a̧'a̧kuä̧ jä'epätüjä̧ Dio-rümä̧, ukuturu tota pä'ümä̧, jua'a yaboku Jua̧u̧ru̧ jo̧mȩnü̧ kua̧'kua̧ ku̧wȩnä̧rä̧tu̧ku̧nä̧ tu̧wo̧juȩti̧'ä̧tu̧kua̧ku̧ pä'ü.

Filipenses 3:11

Ja̧'wa̧nü̧ jȩpü̧ wa'ü ikuipü'i̧nä̧ ttodächa pä'ü tta̧'ä̧rü̧sä̧.

San Lucas 22:30

Ttüku chiäre mesa-nä̧ pä̧mä̧dü̧ au, ku̧kuȩ kukuätukua pä'ü. Ja̧'wa̧ta̧nü̧ Irae ttü̧ja̧ doce-nü̧ wotürü wekuätukua pä'ü, Ttü Ru̧wa̧ jü̧nä̧ wedomȩttü̧.»

San Mateo 19:28

Jesú-mä̧ ädätinä̧u̧: —Isopäi'ünä̧ pädäu̧jä̧, ukutu ttü cho'ka'anä̧ ichinä̧tü̧mä̧, ji̧yȩnü̧ o'kajuiyünä̧tä̧ pärowächü mo̧ro̧ päi'omȩnä̧, ubo I̧tti̧mä̧ chutä uruwo dȩä̧kä̧nä̧ ü̧'ä̧mä̧do̧mȩnä̧ ukutu'i̧nä̧ doce-nü̧ jü̧ ruwo dȩä̧ki̧yä̧nä̧, irae ttü̧ja̧ doce-nü̧ wotürü wekuätukua pä'ü ku̧'ȩjä̧mä̧kuo̧tü̧jä̧.

Hechos 26:2

o'kajuiyünä̧ judío, ttü chütü'kü ttukuokuäji kuä'kattü chukuokuomȩnä̧ juiyo eseusä, ru̧wa̧ rey Agripa,

Hechos 20:31

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧; wäbodäkuä años jo̧mȩnä̧, mo̧ro̧'i̧nä̧, yodo'i̧nä̧, kädädi'oka'a chi̧'chȩrȩjaku chu̧wo̧juȩti̧nü̧, ukutu yotukunä̧rü̧.

San Lucas 2:25

Jua̧u̧nü̧ pä̧nä̧ Jerusarȩ́ ütawiyänä̧mä̧ ya̧tȩ Simeón pä'ü mi̧kua̧ kki̧nü̧. Jua̧u̧mä̧ rȩrü̧jü̧ toäkuäwä i̧sa̧ jü̧nä̧ kkä̧nü̧'i̧nä̧ Dio-rü ukuotinü̧, Irae ttü̧ja̧rü̧ surojüttü rä'epü ikuiyarü pä'ü tta̧'ä̧ri̧nü̧. Ja̧'wa̧nü̧ ü̧jo̧mȩnä̧ Epíritu Sa̧tu̧'i̧nä̧ ü̧ji̧nä̧ku̧,

Hechos 24:15

Ja̧'wa̧ta̧nü̧ Dio-nä̧mä̧ tta̧'ä̧rü̧sä̧, adiu jȩpä̧tü̧'i̧nä̧, suronä̧ jȩpä̧tü̧'i̧nä̧ yodojimä̧ ttottächäkuotü pä'ü.

Hechos 26:3

jua'amä̧, ukumä̧ judío ttü̧tä̧mü̧ mi̧nä̧ jäwä jü̧ttü̧'i̧nä̧, ttukuoku'i̧nä̧ o'kajuiyünä̧ ku̧wo̧jua̧'a̧ttü̧. Ja̧'wa̧nü̧ kuomȩttü̧, adiu kuä̧ju̧kua̧ttü̧ pä'üsä.

Hechos 28:20

Ja̧'wa̧nü̧ ja̧'a̧ttü̧ ukuturu topü kkä̧nü̧ pi̧yȩtä̧ jidäwa pä'ü wopäjisä; ujutu Irae ttü̧ja̧ tta̧tä̧rä̧'i̧jü̧ jäwä jo̧mȩttü̧, pa̧'a̧nü̧mä̧, pi̧sa̧ kärenä̧sa̧ nü̧'käwa'amä̧ kkü̧sä̧.