Hechos 26:23 - Nuevo Testamento Uwotjüja

²³ Pä'inä̧tü̧, Crito-mä̧ 'korujuoächä̧kua̧, 'korujuo'ächi̧'ü̧'ka̧ jua̧u̧ jä̧kua̧'a̧ ä̧kuo̧mȩnä̧ wa'inä̧tü̧ttü̧ tto̧ä̧chä̧kua̧mä̧ tȩya̧u̧ jiäwa pä'ü, judío-rü'i̧nä̧, judío pokotürü'i̧nä̧, jü̧nä̧.»

TÄ̧DO Ä̧CUÄ̧ I̧HUȨNȨ

²³ “Dios huea päinäcu Cristomä cuä'ö tti̧cuä̧cua̧,” päa'a ja̧u̧ huȩnȩmä̧. Ja̧'hua̧ta̧nö̧: “Korotö hua'arettö ttottächäcua'a ä'canä, 'corupä'i'ö'ca̧ tto̧ä̧chä̧cua̧,” päa'a. “Judíos ttö̧ja̧rö̧'i̧nä̧, judíos huocotörö'inä suronä jȩttö̧ jȩpö̧ icuähuä huȩnȩ, tȩa̧u̧ huȩnȩ ji̧ä̧huä̧cua̧,” päa'a ja̧u̧ iso päi'önä huȩnȩmä̧.

Hechos 26:23 Referans Kwoze

San Lucas 24:26

¿Isopäi'ünä̧ Crito uruwo jäwänä̧ doächi'a pä'ümä̧, jua̧u̧ o'kajuiyünä̧ usurä ȩmä̧u̧ 'kuäopa pä'ümä̧ rekuä rü̧jo̧ka̧'a̧ ji̧na̧'a̧ tä̧jí̧?

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Colosenses 1:18

Ja̧'wa̧ta̧nü̧ Crito-mä̧ igresia u ja̧'a̧, igresia-mä̧ jä̧ttä̧pä̧ya̧ wa̧ jü̧nä̧ ja̧'a̧. Jua̧u̧mä̧ ä̧kuo̧mȩnä̧ i̧sa̧ winü̧, wa'inä̧tü̧ttü̧'i̧nä̧ ä̧kuo̧mȩnä̧ tto'ächinü̧, o'kajuiyünä̧tä̧ u̧wä̧mȩnä̧ wa̧ ja̧ pä'ümä̧.

Hebreos 2:10

Isopäi'ünä̧ rekuä rü̧ji̧na̧'a̧ o'kajuiyünä̧ aditinü̧tä̧ ja̧'wa̧ta̧nü̧ o'kajuiyünä̧ a̧'kua̧rü̧nä̧ wa̧tä̧ i̧tti̧mü̧ rekuätürü Dio ä'ka jo̧mȩku̧ ȩpa̧ pä'ümä̧; surojüttü ttü̧ji̧pü̧nä̧ rä'epü ikuäwä u̧ru̧wa̧tä̧, usurä ȩmä̧wi̧nü̧nä̧tä̧ jo̧mȩnü̧ päi'ünä̧, surojüttü ttü̧ji̧pü̧nä̧ ppädina̧'a̧ttü̧.

1 Corintios 15:3

Ä̧kuo̧mȩnä̧mä̧, ttü chȩmi̧nü̧'a̧kuä̧tä̧, chu̧wo̧juȩtinä̧u̧jä̧: Crito-mä̧ 'korujuo'ächinü̧, ujutu suronä̧ jȩtä̧'i̧jü̧ mikuäwächünä̧ pä'ü, wȩyu̧kuä̧ wȩnȩ päü'a̧kuä̧;

San Lucas 2:32

Jua̧u̧tä̧ ja̧'a̧ pi̧jä̧ ttü̧ja̧ o'katoi'ünä̧rü̧ tȩya̧u̧nä̧ kkȩdȩpä̧kua̧mä̧ ja̧'wa̧ta̧nü̧ Irae ttü̧ja̧ tteseunä̧ jȩä̧kua̧mä̧.

San Juan 10:18

Ya̧tȩ'i̧nä̧ cha̧'kua̧rü̧ 'cho'ipümä̧ toa'a, ttütätä chu̧ju̧nä̧wa̧'a̧ttü̧. Chujuru kku̧nä̧rü̧sä̧ chiya pä'ü'i̧nä̧ ja̧'wa̧ta̧nü̧ ppa̧'a̧dü̧ chȩma̧ pä'ü'i̧nä̧, jü̧nä̧. Pi̧yȩ jȩcha̧ pä'ü weinä̧ku̧sä̧ chä'omä̧.

Hechos 26:18

tti'äre bakuepa pä'ü, yo̧ü̧ttü̧ tȩya̧u̧ku̧ tti'ärowächa pä'ü; Satanás ujuruttü Dio-ku tti'ärowächa pä'ü; suronä̧ jȩttä̧'i̧ja̧'a̧, jua̧u̧ jȩpü̧ chi̧kuä̧u̧, tta̧'kua̧ wȩnä̧kuä̧wä̧ ttüttü tȩmä̧kua̧'a̧nü̧, surojü jui'ätü jü̧nä̧tä̧.

Hechos 26:8

¡Jua̧u̧nu̧mä̧! ¿Dio wa'arettü ttoädomȩnä̧mä̧, ya̧tȩ'i̧nä̧ ttesetoka'a tä̧jí̧, ukutu isotümä̧?

Hechos 13:34

Idepä pparuwächü juiya pä'ü, wa'arettü ttoädäkua'amä̧, täkü ä'koji pa̧'a̧nü̧ päinü̧ o'ka'a ji̧na̧'a̧: «Dawi-rü chi̧yä̧kua̧jä̧ pä'ü chukuokuinü̧mä̧, jueünä̧tä̧ chi̧yä̧kua̧sä̧.»

Hechos 3:18

Ja̧'wa̧nü̧ ja̧'a̧nä̧, Dio umüwäyotü profeta-tü̧nä̧ ukuokuinü̧mä̧ 'kuäopina̧'a̧: Jua̧u̧ weäku Crito-mä̧ 'korujuoächä̧kua̧, pä'ü ukuokuinü̧ta'anü̧.

San Juan 11:25

Päjiyäku, Jesú-mä̧ päinä̧kua̧: —Ttütäsä tta̧'kua̧rü̧ ttoädäkuäwä i̧sa̧mä̧, ttütäsä tta̧'kua̧rü̧mä̧. Ttürü esetümä̧ 'korujuoächaja pä'ü'i̧nä̧, pä'äjita'anü̧ ü̧jä̧kua̧.

San Lucas 24:46

Ja̧'wa̧nü̧ jȩpü̧ päinä̧u̧: —Wȩyu̧kuä̧mä̧ wȩyu̧tu̧ rütäwa'a pa̧'a̧, rekuä rü̧ja̧'a̧, Crito-mä̧ usurä ȩmä̧wi̧'ü̧'ka̧, wäbodäkuä mo̧ro̧ päi'omȩnä̧, wa'arettü tto̧ä̧chä̧kua̧ pä'ü.

San Mateo 27:53

Ja̧'wa̧nü̧ jo̧mȩnä̧ Jesú ttoächäji o'ka'amä̧, wa'are rütäwomȩttü̧ rä'opü. Adiwänä̧ Jerusarȩ́ ütawiyära̧'a̧ dottächa'a ttü̧ja̧ rekuätü tottinä̧u̧.

San Mateo 26:24

Isopäi'ünä̧ Ttürümä̧ wȩyu̧kuä̧ wȩnȩ päüta'anü̧ 'kuäopä̧kua̧ ja̧'wa̧nü̧ ja̧'a̧nä̧, ttürü iyü ikurütä jä̧kua̧'a̧ surojäkua'amä̧ ¡isottü̧, jua̧u̧we!. Ya'utettü jua̧u̧mä̧ uwäpächü juiyinü̧ttü̧tä̧ adiwaja'a.

Hechos 3:24

Ja̧'wa̧ta̧nü̧ o'katoi'ünä̧ profeta-mä̧, Samue-ttü kkä̧mä̧dü̧ ukuokuinätü̧ pi̧yȩ jitä mo̧ro̧ 'kuäopümä̧.

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.