Hechos 26:17 - Nuevo Testamento Uwotjüja

¹⁷ Ukutä kuawaruwä judío-ttü'i̧nä̧, judío pokotüttü'i̧nä̧ ku̧ji̧pü̧nä̧ rä'epü chikuäkua̧jä̧ ja̧'wa̧ta̧nü̧ juätürü jikuäwa pä'ü wedäkujä̧,

TÄ̧DO Ä̧CUÄ̧ I̧HUȨNȨ

¹⁷ Judíos ttö̧ja̧'i̧nä̧, judíos huocotö'inä ucuru suronä jȩtto̧mȩnä̧ ppä̧dä̧dä̧cua̧jä̧. Jitämä jahuätö judíos huocotörö ji'äu cui̧'cha̧ pä'ö huedäcujä.

Hechos 26:17 Referans Kwoze

Hechos 9:15

Ja̧'wa̧nü̧ pä'anä̧, Tu̧ru̧wa̧mä̧ päinä̧ku̧: Täkü täi, jua̧u̧mä̧ ttü chȩmä̧jä̧ku̧ ttü chi̧mi̧ ȩpa̧ pä'ü, judío pokotürü'i̧nä̧, ruwotürü'i̧nä̧ ja̧'wa̧ta̧nü̧ Irae ttü̧ja̧rü̧'i̧nä̧, jü̧nä̧.

1 Timoteo 2:7

Pi̧yȩ jidäwa pä'ü, apóto pä'ü'i̧nä̧, jiäkuäwä i̧sa̧ pä'ü'i̧nä̧, o̧ä̧wa̧sä̧, chäditäwämä̧ Judío pokotürü isopäi'ünä̧ wȩnȩ tta̧'kua̧ wȩnä̧rä̧kuä̧wä̧ tü'kü jidäwa pä'ü ja̧'a̧, yaparewoküsä, Pi̧yȩ jidäumä̧ isopäi'ünä̧ ja̧'a̧.

Romanos 11:13

Ja̧'wa̧nü̧ ja̧'a̧nä̧ ukutu judío pokotürü pä'üsä: Ttü ukutu judío pokotürü Dio-mä̧ i̧wȩnȩ jidäwiyarü pä'ü weinä̧ku̧ cha'attü, jua̧u̧ juiyo eseusä.

2 Timoteo 3:11

Ja̧'wa̧ta̧nü̧ Antioquía-ttü'i̧nä̧, Iconiottü̧'i̧nä̧, ja̧'wa̧ta̧nü̧ Ritra ütawiyättü'i̧nä̧ ttürü kuäkuätta'a, usurä chȩmä̧wi̧nü̧mä̧ wo̧jua̧jä̧, ja̧'wa̧nü̧ ja̧'a̧nä̧ chu̧ru̧wa̧ Jesucrito-mä̧ ja̧u̧ttü̧mä̧ o'kajuiyünä̧tä̧ rä'epü ikuinä̧ku̧sä̧.

2 Timoteo 1:11

Dio-mä̧ pi̧yȩ jareü wȩnȩ jidäwa pä'ü'i̧nä̧, apóto pättäku jü̧nä̧'i̧nä̧, judío pokotürü wo̧juȩkuä̧ i̧sa̧ jü̧nä̧'i̧nä̧ weinä̧ku̧sä̧.

Gálatas 2:9

Ja̧'wa̧nü̧ ja̧'a̧ttü̧, adiwä juei ttürü iyäwi'ina̧'a̧ wo̧jui̧'ü̧ Sa̧ti̧a̧ku̧'i̧nä̧, Cefa'i̧nä̧, Ju̧a̧'i̧nä̧ igresia 'chu̧'ä̧rä̧tü̧ ja̧'a̧ttü̧ tettäwinä̧u̧jä̧, ttürü'i̧nä̧, Bernawérü'i̧nä̧, ji̧nä̧ ji̧yȩtȩ adikuä isotü jü̧nä̧: Ujutumä̧ judío pokotürü ji'äu ti̧'cha̧'a̧nä̧, jitütämä̧ judío-rü jittäwa pä'ü.

Hechos 28:28

Ja̧'wa̧nü̧ ja̧'a̧ttü̧ ä̧ju̧kuä̧tu̧kui̧, pi̧yȩ ra̧wä̧pi̧jü̧ttü̧ kki̧'i̧kuä̧ wȩnȩmä̧ judío pokotürü rȩbȩä̧kuä̧wo̧mȩnä̧mä̧; juätütä ja̧'a̧ pi̧yȩ adiu ttä̧ju̧kuä̧kuo̧tü̧mä̧.

Romanos 15:16

Judío pokotürü Jesucrito weäwänä̧, Dio jäwä jareü wȩnȩ jidäwiyarü pä'ü weinä̧ku̧ cha'attü̧; ofrenda jü̧nä̧, Epíritu Sa̧tu̧ aditäwänä̧ surojü juiyünä̧ tta pä'ü Dio-rü.

Hechos 25:3

Jerusarȩ́ ütawiyära̧'a̧ jua̧u̧ru̧ weiyatü pä'ü; mä̧nä̧nä̧ tti'chächomȩttü̧ kuä'ü ttikuarü pä'ü jo̧mȩnü̧ amükuädü ku̧nä̧jä̧'kotü pä'inä̧tü̧;

Hechos 18:10

Isopäi'ünä̧ ttümä̧ ukutäku kkü̧sä̧, ya̧tȩ'i̧nä̧ ukurumä̧ suronä̧ jȩpo̧kü̧ jä̧kua̧; pi̧yȩ ütawiyänä̧mä̧ rekuätü ttü chȩmi̧nä̧u̧ru̧ kku̧nä̧rü̧sä̧.

Hechos 17:14

Ja̧'wa̧nü̧ jȩtta̧'a̧nä̧, Jesucrito-rü esetätümä̧ yotäku Pauru-rü rü̧ä̧ ajeku we'opo'ü ikuinä̧tü̧; Sira-ku, Timoteo-kutä juȩnȩmä̧ ttü̧ji̧pa̧'a̧nä̧.

Hechos 17:10

Yodó päi'omȩnä̧, Jesucrito-rü esetätümä̧ Pauru-rü'i̧nä̧, Sira-rü'i̧nä̧, Berea ütawiyära̧'a̧ku̧ tti̧wi̧'a̧ pä'ü we'ü tti̧kui̧nä̧u̧. Jua'a rȩbȩä̧kuä̧wi̧'ä̧'kotümä̧ judío ttiäre sinagoga-nä̧ dodepinä̧tü̧.

Hechos 16:39

Ja̧'wa̧nü̧ ja̧'a̧ttü̧, kärenä̧ rütäjätü ruwotümä̧, Pauru-rü'i̧nä̧, Sira-rü'i̧nä̧ ichi'äkuäwi'ü jättepinä̧u̧, jua̧u̧ ütawiyättümä̧ rättekuächa pä'ü.

Hechos 13:50

Ja̧'wa̧nü̧ ja̧'a̧nä̧ judío-mä̧, juȩnȩ ütawiyättü, nä̧tü̧ adiu Dio-rü esetätürü'i̧nä̧, ukuo isotürü'i̧nä̧ ja̧'wa̧ta̧nü̧ ruwotürü'i̧nä̧ esekuinä̧tü̧, Pauru-rü'i̧nä̧, Bernawérü'i̧nä̧ juä̧jä̧ttü̧ rä'epü ttikunä̧.