Hechos 26:13 - Nuevo Testamento Uwotjüja

¹³ Ja̧'wa̧nü̧ chi̧'cha̧'a̧ jakuänä̧, ¡ru̧wa̧ rey!, mä̧nä̧ kkä'kottü, kkä̧wa̧ jueü kkü̧rü̧ päia'a, mo̧ro̧jä̧ra̧'a̧ttü̧ tȩya̧u̧ kkȩdȩ'i̧na̧'a̧, kkä̧wa̧ttü̧'i̧nä̧ abonä̧nü̧ tȩya̧u̧ topinü̧sä̧, ujutumä̧ jakuätä päti'ünä̧.

TÄ̧DO Ä̧CUÄ̧ I̧HUȨNȨ

¹³ Ja̧'hua̧nö̧ ja̧'a̧ ru̧hua̧ Agripa, kä̧hua̧ jueö kö̧rö̧ chi̧'cho̧mȩnä̧, mo̧ro̧jä̧ra̧'a̧ttö̧ kä̧dȩpa̧'a̧ topinösä, kä̧hua̧ttö̧'i̧nä̧ abonänö tȩa̧hua̧'a̧. Ttö'inä, ttöcu 'chä̧tö̧'i̧nä̧ tö̧ja̧cuo̧mȩ kä̧dȩpi̧na̧'a̧.

Hechos 26:13 Referans Kwoze

San Mateo 17:2

Jua'attümä̧, juätü ttä'ka jo̧mȩttü̧ Jesú-mä̧ pärowächi'inü̧, i'ämä̧ kkä̧wa̧ jä̧'i̧nü̧'a̧nü̧ kkä̧dȩpi̧na̧'a̧ ja̧'wa̧ta̧nü̧ ü̧'ka̧tä̧wä̧ta̧mä̧ tei'ina̧'a̧ tȩya̧u̧ jä̧'i̧nü̧'a̧nü̧tä̧.

Apocalipsis 21:23

Ütawiyämä̧ mo̧ro̧ kkä̧wa̧'i̧nä̧, yodó kkä̧wa̧'i̧nä̧, itejäda pä'ümä̧ rekuä rü̧jo̧ka̧'a̧ ji̧na̧'a̧, jua'amä̧ Dio i̧tȩya̧u̧tä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧ i̧tȩya̧u̧tä̧ ja̧'a̧ttü̧.

Apocalipsis 1:16

U̧mü̧ u̧wo̧jua̧'a̧ku̧ i̧sä̧mü̧nä̧mä̧ si̧ri̧'kü̧ kko̧ro̧mü̧ttü̧nü̧ ta̧ju̧ wotürü 'chu̧'ä̧ri̧nü̧ ja̧'wa̧ta̧nü̧ ättümä̧ kurodä päteku so̧dä tä̧o̧dä räopina̧'a̧. Ja̧'wa̧ta̧nü̧ ü'ämä̧ kkä̧wa̧ rü̧ȩnä̧ kkȩdȩpo̧mȩnä̧ kkä̧dȩpa̧'a̧ jä̧'i̧nü̧'a̧nü̧ kkä̧dȩpi̧na̧'a̧.

Hechos 22:6

Ja̧'wa̧nü̧ amükuädü kkä̧nü̧, Damasco ütawiyära̧'a̧ tü'künä̧nü̧ pädi'omȩnä̧, kkä̧wa̧ jueü kkü̧rü̧ päi'ä'ijü juei isomȩ kkü̧rü̧, chu̧ni̧chä̧ra̧'a̧nä̧ mo̧ro̧jä̧ra̧'a̧ttü̧ tȩya̧u̧ kkȩdȩ'i̧nä̧ku̧sä̧, jakuätä pädi'ünä̧.

Hechos 9:3

Ja̧'wa̧nü̧ jä̧ja̧'a̧, Damasco ütawiyä ütü'küwächi'omȩnä̧, u̧ni̧chä̧ra̧'a̧nä̧ jä̧ttä̧pä̧ya̧rü̧ mo̧ro̧jä̧ra̧'a̧ttü̧ tȩya̧u̧ kkȩdȩ'a̧'a̧ttü̧;

Hechos 22:9

Ttüku 'chä̧tü̧mä̧, isopäi'ünä̧ tȩya̧u̧mä̧ totta'anä̧; i̧wȩnȩ rä̧mi̧pü̧nä̧ ä̧ju̧kuo̧ko̧tü̧ pinä̧tü̧.

Hechos 26:12

Ja̧'wa̧nü̧ jȩpü̧ kue'ächü, Damasco ütawiyära̧'a̧ 'chi̧nü̧sä̧, sacerdote-tü̧ tturuwotü ttukuonä̧, weäwi'äjäku.

Hechos 26:14

Ja̧'wa̧nü̧ päi'omȩnä̧ o'katoi'ünä̧ rȩjȩ ma̧tä̧mä̧ja̧'a̧, hebreo wȩnȩnä̧, ukuokua'a ä̧ju̧kui̧nü̧sä̧: «Sauro, Sauro, ¿ta̧'a̧nü̧ pä'ü, ru̧kuä̧rä̧ku̧sä̧ttü̧? ¡Ttüku rowäwätümä̧ tta̧mü̧kuädü jui'ätütä ja̧'a̧!»,