Hechos 26:11 - Nuevo Testamento Uwotjüja

¹¹ Ja̧'wa̧ta̧nü̧ tta̧'kua̧ ttu̧wȩnä̧rä̧ku̧ru̧ suronä̧ pätta pä'ümä̧, suronä̧ jȩchi̧nä̧u̧ sinagogas odewiyä o'kajuiyünä̧, jua'a yabo juätürü chami̧suräkumä̧ usú kue'ächinü̧sä̧ kko̧ro̧jä̧ra̧'a̧'i̧nä̧.

TÄ̧DO Ä̧CUÄ̧ I̧HUȨNȨ

¹¹ O'ca juiyönä judíos ttö̧ja̧ ttu̧huo̧jui̧'i̧nodehuiyättö jahuätörö suronä jȩtta̧tö̧ pä'ö 'cuäopönä hue'inösä, ttu̧ru̧hua̧ Jesucristorö ttesetinö ttä̧ppö̧tä̧ra̧ pä'ö. Ja̧'hua̧nö̧ ja̧'a̧ juiyo rö̧ȩnä̧ chö̧ra̧huä̧ra̧'a̧ttö̧, korotö tti̧rȩjä̧ ötahuiyära̧'a̧ttö̧ jahuätörö ȩmö̧ 'chi̧nö̧sä̧.

Hechos 26:11 Referans Kwoze

Hechos 22:19

Päku chädätinä̧ku̧: Chu̧ru̧wa̧, juätümä̧ wo̧juä̧tü̧, ukuru esetätürü, ttü kärenä̧ 'chu'äde'ü sinagoga odewiyättü kuäkuättünä̧ jȩchi̧nü̧mä̧,

Hechos 13:45

Ja̧'wa̧nü̧ ttü̧ja̧ rekuätü ttü̧ka̧ka̧kuo̧mȩnä̧, judío-mä̧ Pauru-rü ra̧wä̧ri̧pü̧, Pauru jiäu to'ija̧'a̧ku̧ pä'ä'chinä̧tü̧, suronä̧'i̧nä̧ pä'ä'chinä̧tü̧.

San Mateo 10:17

Ja̧'wa̧ta̧nü̧ tta̧kuä̧rä̧kuä̧wä̧tu̧kua̧jä̧, isopäi'ünä̧ ruwotürü iyü iku kkä̧nü̧'i̧nä̧, sinagogas odewiyättü'i̧nä̧ kuäkuättäkuä̧u̧jä̧.

Hechos 22:5

Sacerdote ttu̧ru̧wa̧'i̧nä̧, judío-ttü a̧ci̧a̧nu̧ wotü'i̧nä̧ topinä̧tü̧, pi̧yȩ pädümä̧. Juätütä ttiyinä̧ku̧sä̧ wȩyu̧kuojämä̧, Damasco-ttü Jesucrito-rü esetätürü, 'chudädäja pä'ümä̧, porü Jerusarȩ́-ttü̧ ro̧ttȩpa̧tü̧ pä'ü.

Hechos 9:1

Ja̧'wa̧nü̧ 'kuäopa'anä̧mä̧ Sauro-mä̧ Jesucrito-rü esetätürü rü̧ȩnä̧ üjü'kü juiyünä̧ jä̧ku̧. Sacerdote-tü̧ ttu̧ru̧wa̧rü̧ ichi'ü,

2 Pedro 2:16

Ja̧'wa̧nü̧ ja̧'a̧ suronä̧ jȩo̧mȩnä̧ Bü̧ru̧ba̧ isaju ukuokuokoju kku̧ra̧wä̧ri̧nä̧ku̧ ttü̧ja̧ tti̧wȩnȩnä̧ ja̧'wa̧nü̧ ja̧'a̧ttü̧ ja̧'a̧tä̧ jȩü̧ta̧'a̧nü̧ 'kuä'epäjipü kkikuokoku pinü̧.

Santiago 2:7

¿Juätütämä̧ jo̧ka̧ jä̧'i̧ja̧'a̧ tu̧ru̧wa̧ adiwä i̧mi̧nä̧ ukuturu jä'epinü̧rü̧ suronä̧ ukuokuä'ijätümä̧?

Hechos 18:6

Ja̧'wa̧nü̧ juätü to'ija̧'a̧ku̧ suronä̧ pä'ü kkü'kü jui'ü wottäku, Pauru-mä̧ ü̧'ka̧tä̧wä̧ta̧ käroku iku, päinä̧u̧: ukututä jäwä ja̧'a̧, Dio ukuturu ro̧ȩpü̧ttü̧mä̧, täkü ukuturumä̧ jidäwa'attü̧. Porü yabokumä̧ judío pokotürütä jidäwä̧kua̧sä̧.

San Lucas 21:12

Ja̧'wa̧nü̧ ja̧'a̧nä̧ pi̧yȩ 'kuäopäkua'a ä'kanä̧mä̧, 'chuttädätukuaku pä'ü ttusäkuä̧u̧jä̧. Ja̧'wa̧ta̧nü̧ sinagoga odewiyära̧'a̧ ttȩpä̧kuä̧u̧jä̧ jua'attü kärenä̧ ku̧'ä̧tu̧ku̧nä̧ wetta pä'ü, ruwotü ttä'ka jo̧mȩ'i̧nä̧ ttȩpä̧kuo̧tü̧jä̧ ttü chi̧mi̧ jäwänä̧mä̧.

San Lucas 15:17

Ja̧'wa̧nü̧ jä̧ku̧, amükuädi'ü pä'inü̧: ¡Chä'o ojusodenä̧ aditätü, ttu̧kuȩmä̧ yoriso surojuoa'anä̧, pottümä̧, ppäittü 'korujuo'ächüsä!

San Lucas 6:11

Ja̧'wa̧nü̧ ji̧yä̧u̧ kkorotümä̧ rü̧ȩnä̧ ra̧wä̧ri̧pü̧, Jesú-ru suronä̧ jȩtta̧ pä'ü jȩpü̧ kku̧nu̧ ukuokuäkuäwinä̧tü̧.

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

San Marcos 3:28

Isopäi'ünä̧ pä'üsä ukuturu: o'kajuiyünä̧tä̧ ttü̧ja̧ suronä̧ jȩttä̧'i̧ja̧'a̧nä̧'i̧nä̧, suronä̧ ttukuokuä'ija'anä̧'i̧nä̧, surojü jui'ätü jü̧nä̧ Dio-mä̧ jȩpü̧ i̧kuä̧kua̧.