Hechos 25:1 - Nuevo Testamento Uwotjüja

¹ Feto-mä̧ Cesarea ütawiyänä̧ Gobernador jü̧nä̧ ü̧'ä̧mä̧da̧ pä'ü ichäja'attümä̧, wäbodäkuä mo̧ro̧ o'ka'a, Jerusarȩ́ ütawiyära̧'a̧ 'chi̧nü̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ Festo ru̧hua̧ päi'äji o'ca'a huäbodäcuä mo̧ro̧ o'come, Cesarea ötahuiyättö Jerusalén ötahuiyära̧'a̧ 'chi̧nö̧do.

Hechos 25:1 Referans Kwoze

Hechos 23:34

Ttiyojä ukuoku kä'ädü, Pauru-rü jä'epinü̧ idepiyumä̧ tȩnȩ́ ja̧ pä'ü; ja̧'wa̧nü̧ ja̧'a̧ Ciricia i̧sa̧ ja̧'a̧ pä'ü wo̧jui̧'ü̧mä̧,

Hechos 25:5

Tticha pättüttümä̧, —ttichü'anü̧ ja̧'a̧, jua̧u̧ suronä̧ jȩi̧nü̧ttü̧mä̧, kuruwotükumä̧ jua'attütä jittäwa jȩpü̧ kku̧nä̧tu̧kui̧.

Hechos 21:15

Ja̧'wa̧nü̧ jü̧ mo̧ro̧ 'kuäopäji o'ka'a, jo̧mȩnü̧ jȩpi̧'i̧pü̧ Jerusarȩ́ ütawiyära̧'a̧ 'chi̧nä̧tü̧jä̧.

Hechos 18:22

Cesarea ütawiyänä̧ rȩbȩwi̧pä̧ji̧'ka̧mä̧, igresia wotürü te'äu i̧wä̧ji̧'ka̧, Antioquía ütawiyära̧'a̧ku̧ 'chi̧nü̧.

Hechos 8:40

Ja̧'wa̧nü̧ jä̧ja̧'a̧mä̧, Felipe-mä̧ Azoto pä'ü miku ütawiyänä̧ 'kuä'opü, jareü wȩnȩ ji'äwinü̧ ütawiyä pünä̧ Cesarea-bü kä'ädü.

Hechos 24:27

Ja̧'wa̧nü̧ ja̧'a̧tä̧mä̧ todäre años 'kuäopäji o'ka'a, Felíx-mä̧ uruwo iyipinü̧ Porcio Feto pä'ü mi̧kua̧rü̧. Ja̧'wa̧nü̧ ja̧'a̧nä̧ Felíx-mä̧ judío ttesewarü pä'ü, Pauru-rümä̧ kärenä̧ rütipinü̧.

Hechos 25:4

Ja̧'wa̧nü̧ pätta'anä̧ Feto-mä̧ päinä̧u̧, Pauru-mä̧ Cesarea-nä̧ kärenä̧ ü̧'ä̧kua̧ jitätämä̧; jua'akumä̧ jua'atä chi̧'chä̧kua̧sä̧ ttütä'i̧nä̧,

Hechos 25:6

Feto-mä̧, Jerusarȩ́ ütawiyänä̧, kko̧ro̧mü̧ttü̧nü̧ wäbodäkuä mo̧ro̧ päi'ünä̧ mo̧ro̧ kkä̧ji̧'ka̧, kkoro mo̧ro̧mä̧ Cesarea ütawiyänä̧ uruwo deäkänä̧ pä̧mä̧dü̧, Pauru-rü tti'chächiyarü pä'ü we'inü̧.

Hechos 25:13

A̧'u̧ku̧nä̧tä̧ mo̧ro̧ 'kuäopäji o'ka'a, ru̧wa̧ rey Agripa-mä̧, Berenice-ku Cesarea ütawiyära̧'a̧ ichinä̧tü̧ Feto-rü te'äu.