Hechos 24:25 - Nuevo Testamento Uwotjüja

²⁵ Ja̧'wa̧nü̧ ja̧'a̧nä̧ Pauru-mä̧ adiwomȩnä̧ jȩpü̧ kkä̧kuä̧wä̧'i̧nä̧, surojuoepokomȩnä̧ kkä̧kuä̧wä̧'i̧nä̧, yodoji Dio ro̧ȩpä̧kuȩ'i̧nä̧ jiäwomȩnä̧ ye'i'ü, Felíx-mä̧ päinä̧ku̧: —Täkü täi, pä'äjita'anü̧tä̧ wochakujä̧.

TÄ̧DO Ä̧CUÄ̧ I̧HUȨNȨ

²⁵ Ja̧'hua̧nö̧ ja̧'a̧nä̧ suronä jȩä̧cuä̧huä̧ juiyönä adiu kä̧cuä̧huä̧ huȩnȩ'i̧nä̧, Dios ttö̧ja̧rö̧ pojocuä mo̧ro̧'i̧nä̧ Pablo ucuocua'a ä̧ju̧cuo̧mȩnä̧, Félix ye'ecue'inödo. Pä'inödo: —Jitämä täi. Koronö koro juäi jȩcho̧co̧mȩnä̧, pä'äji ta'anö huo̧chä̧cua̧sä̧ cuicha pä'ö.

Hechos 24:25 Referans Kwoze

San Juan 16:8

Ja̧'wa̧nü̧ ja̧'a̧, Jua̧u̧ ichomȩnä̧mä̧, pi̧jä̧ ttü̧ja̧rü̧ surojü jȩttü̧ttü̧'i̧nä̧, Dio jueünä̧ jȩü̧ttü̧'i̧nä̧, ro̧ȩpä̧kuȩttü̧'i̧nä̧ ttu̧wo̧jui̧pü̧nä̧ ppä̧dä̧kua̧.

1 Pedro 3:15

Ja̧'wa̧nü̧ ja̧jü̧jueimä̧ Crito-rü kua̧mi̧'iso'kituku u̧ru̧wa̧ jü̧nä̧tä̧ ukuotätukui. 'Kuäopünä̧tä̧ jo̧mȩnü̧ kka̧kuä̧tu̧kui̧ o'kajuiyünä̧ ukutu tta̧'a̧rü̧ ku̧jä̧tu̧ku̧ jättepomȩnä̧ kuädätätukuä̧kuȩmä̧.

2 Pedro 1:6

Ja̧'wa̧ta̧nü̧ wo̧jui̧'ä̧kuä̧wä̧tä̧, tta̧mü̧nä̧ weäkuäwoküra̧'a̧, ja̧'wa̧ta̧nü̧ tta̧mü̧nä̧ weäkuäwokümä̧ tta̧mi̧ 'kiächi'äkuäwära̧'a̧; tta̧mi̧'kiächi'äkuäwätä, rȩrü̧jü̧ toäkuäwära̧'a̧;

Gálatas 5:23

ukuo te'äwokü, a̧mü̧nä̧ pa̧ja̧tü̧ 'chu'ädäkuäu; pi̧yȩ kko̧mȩnä̧mä̧ weäwä wȩnȩmä̧ juiya'a.

Hechos 10:42

Ja̧'wa̧nü̧ ja̧'a̧mä̧, jua̧u̧tä̧ weinä̧u̧jä̧ ttü̧ja̧rü̧ jitäwiyarü pä'ü; Jua̧u̧ru̧tä̧ Dio-mä̧ a̧'kua̧rä̧tü̧rü̧'i̧nä̧, wa'ü ikuinä̧tü̧rü̧'i̧nä̧ juez päi'ünä̧ ütinä̧ku̧ pä'ü.

1 Juan 3:7

Chi̧tti̧mü̧ wotü, ya̧tȩrü̧'i̧nä̧ kuesetätukuä ya̧pa̧rȩwa̧rü̧mä̧. Adiwäjuei jȩpü̧ kkü̧mä̧, adiwä i̧sa̧ ja̧'a̧; Chutä Jesú adiwä i̧sa̧ jü̧ta̧'a̧nü̧;

Santiago 2:19

Dio-mä̧ ya̧tȩtä̧ ja̧'a̧ pä'ü esetüjä̧, ja̧u̧ kuesetümä̧ adiwa'a; ja̧'wa̧ta̧nü̧ ä̧wȩttü̧'i̧nä̧ esetü ye'ekumä̧ ttü̧'ä̧wä̧tü̧.

Hebreos 9:27

Ja̧'wa̧nü̧ ja̧'a̧ttü̧ o'katoi'ünä̧ ya'utenä̧tä̧ 'korujuottächünä̧ pä'ü kku̧nä̧wa̧'a̧, juȩnȩ o'komȩnä̧mä̧ Dio ü'ojo'ü mo̧ro̧tä̧ ichäkua'a.

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

Hebreos 3:13

Jua̧u̧ jü̧ juiyünä̧tä̧, mo̧ro̧ ji̧nü̧ a̧'u̧kuä̧ ji'äkuäu tätukui, wȩyu̧kuä̧ wȩnȩ päü'a̧kuä̧: «jitä mo̧ro̧» surojü yapareunä̧ juokuächätuku juiyäkua'anü̧.

Gálatas 3:22

Wȩyu̧kuä̧ wȩnȩmä̧ pä'a, o'katoi'ünä̧rü̧tä̧ surojü pecado pättümä̧ kkȩdä̧rä̧u̧jä̧, ja̧'wa̧nü̧ ja̧'a̧ttü̧ Dio mippoünä̧ iya päinü̧mä̧ Jesucrito-rü tta̧'kua̧ wȩnä̧rä̧tü̧rü̧tä̧ ttȩma̧ pä'ü ja̧'a̧.

2 Corintios 5:10

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

1 Juan 3:10

Pa̧'a̧nü̧ jo̧mȩttü̧ Dio i̧tti̧mü̧rü̧'i̧nä̧, äwettä i̧tti̧mü̧rü̧'i̧nä̧ wo̧juä̧wa̧'a̧: o'katoi'ünä̧ adiwä juei Dio jäwä jȩpo̧ko̧tü̧mä̧, Dio i̧tti̧mü̧mä̧kü̧. Ja̧'wa̧ta̧nü̧ ttü̧jä̧wa̧tü̧rü̧ repe'okotü'i̧nä̧, Dio i̧tti̧mü̧mä̧kü̧.

2 Timoteo 4:1

Jesucrito Ru̧wa̧ Rey jü̧nä̧ ichomȩnä̧mä̧ a̧'kua̧rä̧tü̧rü̧'i̧nä̧, 'korujuo'ächinä̧tü̧rü̧'i̧nä̧ ü'ojo'äkua̧. Ja̧'wa̧nü̧ jo̧mȩttü̧ Dio'i̧nä̧, Jesucrito'i̧nä̧ ttä'ka jo̧mȩttü̧ iyü kku̧nu̧ wedäkujä̧.

2 Corintios 6:2

Pa̧'a̧nü̧ pä'a wȩyu̧kuä̧ wȩnȩnä̧: Ukuturu ppädäda pä'ü jü̧ mo̧ro̧ chä̧ju̧kui̧nä̧u̧jä̧. Ja̧'wa̧ta̧nü̧ surojüttü ku̧ji̧pa̧ pä'ü rekuä rü̧jü̧ mo̧ro̧ ppädädinä̧u̧jä̧. Ja̧'wa̧nü̧ ja̧'a̧ttü̧, jitä mo̧ro̧tä̧ ja̧'a̧ kuesetü'anü̧ jü̧ mo̧ro̧mä̧; ja̧'wa̧ta̧nü̧ ra̧wä̧pi̧jü̧ttü̧ ku̧ji̧pü̧'a̧nü̧ jü̧ mo̧ro̧mä̧.

1 Corintios 4:5

Ja̧'wa̧nü̧ ja̧'a̧ttü̧, ji̧nä̧ ä'kanä̧mä̧ jȩttä̧'i̧jü̧ wȩnȩmä̧ päkuätukuä, Tu̧ru̧wa̧ ichomȩnä̧tä̧ jiäwä̧kua̧ uwäwokü'i̧nä̧ ja̧'wa̧ta̧nü̧ jakuänä̧ tȩnä̧rü̧'i̧nä̧, jü̧nä̧. Ja̧'wa̧nü̧ jo̧mȩnä̧ yotukunä̧rü̧ jȩtti̧nü̧'a̧kuä̧ Dio-mä̧ ȩsȩwä̧kuä̧u̧.

Hechos 24:15

Ja̧'wa̧ta̧nü̧ Dio-nä̧mä̧ tta̧'ä̧rü̧sä̧, adiu jȩpä̧tü̧'i̧nä̧, suronä̧ jȩpä̧tü̧'i̧nä̧ yodojimä̧ ttottächäkuotü pä'ü.

Hechos 17:32

Pi̧yȩ, wa'arettü ttoächäkuäwä ä̧ju̧ku̧, yotukunä̧mä̧ ya̧'ä̧wä̧'chi̧nä̧tü̧ ja̧'wa̧ta̧nü̧ kkorotümä̧ pä'inä̧tü̧: —Pi̧yȩmä̧ kko̧ro̧nü̧tä̧ adiu tä̧ju̧kuä̧kuo̧tü̧jä̧.

Hechos 17:2

Pauru-mä̧ aditä'ijü'a̧kuä̧, wäbodäkuä sawaru mo̧ro̧ jo̧mȩnä̧, juätü ttiäre sinagoga isodenä̧ 'chä̧nü̧ ukuokuinü̧ Dio i̧wȩnȩ wȩyu̧kuä̧mä̧.

Hechos 2:37

Ja̧'wa̧nü̧ jiäwa'a ä̧ju̧ku̧, tta̧'kua̧tta̧ pä̧'i̧'ä̧u̧, Peduru-rü'i̧nä̧ ja̧'wa̧ta̧nü̧ kkorotü apótore-rü'i̧nä̧ jä'epü ä̧ju̧kui̧nä̧tü̧: —Chawaruwä chi̧jä̧wa̧tü̧ ¿däjé jȩtü̧'a̧nü̧ttü̧ ujutumä̧?

Hebreos 6:2

bautizo jȩttä̧kuä̧u̧'a̧nü̧ ja̧'a̧; ttu̧mü̧ mȩ'ü̧ ttukuokuomȩnä̧ Epíritu Sa̧tu̧rü̧ ttȩmu̧'i̧nä̧; wa'inä̧tü̧ ttottächäkuȩ'i̧nä̧; ja̧'wa̧ta̧nü̧ rüjí mo̧ro̧ ü'ojo'äkuȩ'i̧nä̧ täkü kukuokuätukuä.

Hebreos 12:21

Jua̧u̧ tottümä̧ rü̧ȩnä̧ ra̧wä̧pi̧jü̧ ji̧na̧'a̧ ja̧'wa̧nü̧ ji̧yä̧ku̧, chutä Moisé'i̧nä̧ pä'inü̧: «Rü̧ȩnä̧ ye'ü, ttü̧'ä̧u̧sä̧.»

Romanos 14:12

Ja̧'wa̧nü̧ ja̧'a̧ttü̧, ujutumä̧ o'katoi'ünä̧ ti̧jȩkuä̧kuo̧tü̧jä̧, Dio-rü; Chutä päatü pä'ü.

Romanos 12:1

Ja̧'wa̧nü̧ ja̧'a̧ttü̧, chawaruwä chü̧jä̧wa̧tü̧ ukuturu jä'epüsä Dio rȩrü̧jü̧ toinü̧nä̧tä̧, kua̧mü̧nä̧ pa̧ja̧tü̧ yotukunä̧mä̧ ku̧jä̧tu̧ku̧mä̧ ofrenda jü̧nä̧tä̧, surojü juiyünä̧tä̧, Dio eseunä̧tä̧, Chutä Dio-rü kuiyäwätukua pä'ü.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

Hechos 26:28

Agripa-mä̧ ädätinü̧: —Crito-rü chesetü'anü̧ päi'ünä̧ kukuokuäkusä.

Hechos 17:13

Ja̧'wa̧nü̧ ja̧'a̧nä̧, Tesalónica ttü̧ja̧ judío-mä̧, Pauru-mä̧ Berea ütawiyänä̧'i̧nä̧, Dio i̧wȩnȩ ji'äudo pätta'a ä̧ju̧kuä̧jä'kotü, jua'atä 'chä̧nü̧ ttü̧ja̧rü̧ suronä̧ wottünä̧ jȩpi̧nä̧tü̧.

Hechos 9:6

Päku ye'i'ü tti̧'ä̧u̧ kkä̧nü̧ pä'inü̧:] Chu̧ru̧wa̧, ¿däjé jȩchi̧ya̧ku̧ päkua'ajä̧ttü̧? jäepäku, Tu̧ru̧wa̧mä̧ päinä̧ku̧: Ä̧rä̧mi̧'ü̧ täi Damasco ütawiyämä̧ dokuächi'a, jua'attü jiäkuäwäkua'a jȩ'kuä̧kuȩmä̧.

San Mateo 22:5

Ja̧'wa̧nü̧ jittäwa'anä̧, juätürü esetü jui'ü ya̧tȩmä̧ i'ättara̧'a̧ 'chi̧nü̧, kka̧ra̧mä̧ iäre newosiura̧'a̧ i̧'cha̧'a̧nä̧,

Hechos 24:26

Ja̧'wa̧nü̧ ja̧'a̧nä̧ pätekua'anä̧mä̧, Felíx-mä̧, Pauru pärätä iyarü pä'ü tta̧'ä̧rü̧ jȩpi̧nü̧; ja̧'wa̧nü̧ ja̧'a̧ttü̧ jueipünä̧ ukuokuarü pä'ü woä'chinä̧ku̧.

Tito 1:8

Ja̧'wa̧nü̧ ja̧jü̧jueimä̧ 'kuäopünä̧ ttü̧ja̧rü̧ ojusodenä̧ ttä'a päü do'ädü ja̧'a̧ ja̧'wa̧ta̧nü̧ jua̧u̧ ttü̧ja̧sa̧mä̧ adiu kkü̧, adiu ro̧'ȩkua̧, suronä̧ jȩpä̧'cho̧kü̧, surojü'i̧nä̧ jui̧'a̧, ja̧'wa̧ta̧nü̧ jua̧u̧mä̧ adiu ji̧'ä̧wä̧rü̧ pü̧ttä̧dä̧kuä̧wa̧ ja̧'a̧.